زوجك على ماعودتيه!! وش الاشياء اللي عودتيها عليه وكيف ؟

وش الاشياء اللي المفروض يتعود عليها الزوج من البداية ؟

ووش الاشياء اللي فيها فايده .. اللي عودتي زوجك عليها ؟ وكيف كانت طريقتك ؟

اول شي يصرف ع البيت من a تو z ومايتماهن بهالشي وان اهو اللي يوديني ويجيبني كل مكان ومحد غيره …

…

…

يتحمل مسؤوليتي ومسؤولية ولدنا
ومايعتمد علي بكل شي
نتساعد واحد يشبل عن الثاني

يتحمل مسوليه ويشيلني ويساعدني بهمي مو العكس

شوفي اهو حلو ان المره تعود الريـال على الاشياء اللي تبيها
ومو حلو انها تمل وتزهق وتطفش اذا ما انصاع وتعود..

اكتشفت اني معوده زوجي مايسهر برا البيت
لانه رد الصبح قلت له ماتعودتها منك<<وقعدت اركز على انها مو عوايدك وماعودتنا وماتعودنا وووو
لقيته راد مبجر ثاني يوم
يعني التعود حلو يصيرلج سلاح بعدين واله تعزفين عليها

ما شاء الله اشتياق
الحين من هالرد فهمت التعود شنو
وشلون يصير

خووش موضوع ..

ومنكم نستفيد ..:/

معودته يتحمل المسؤلية البيت مو كل شي عليه،،ومعودته على طبيعتي سواء في شكلي أوتصرفاتي ماأكون متصنعه أوحاطه مكياج دايما،،،،

يتحمل المسؤوليه معاي

عودتة انة يصرف علي ومايبخل على البيت ويحترمني قدام الصغير والكبير ومايتمادى ويدافع لي اذا احد ضايقني من اهله

خوش موضوع

عودته لاااازم يتغدى معااااي اول زواجي كله يتغدي بدووووام واظل انا ما اكل شي لازم لازم ياكل معاي

صرااااااااااااحه موضووووووووعج قمه وحيل راح يستفيدون منه بنات وعن نفسي احسه من اهم المواضيع اللي كل البنات لازم ينتبهون لها وخصوصا المقبلات على الزواج واللي في بداية زواجهم حلو ان نستفيد من هالمعلومات والنصايح والتجارب اللي جربتوها وفادتكم بحياتكم الزوجيه وعشان الغير يتفادى مايطيح بالاخطاء اللي تهدم عش الزوجيه واتمنى الباقي من البنات مايبخلون علينا بهالشغلات المفيده وشاكرتلج من كل قلبي لاني فعلا بحاجه لمثل هالمواضيع واسمحيلي ع الاطاله وثانكس ياقلبي

عودته إنه يتحمل المسؤولية

وإنه يصرف على بيته

وإن مهما كنا محتاجين لشي مايروح يتدين من عند أحد

وإنه إذا كان موجود نتعاون على تنظيف الشقة

وإنه يخصص يوم بطوله لولده ومايرتبط ولاينشغل مع أحد ((لإن إحنا مانشوفه إلا يوم ونص ))

وإنه مايسهر برا لوقت متأخر