زوجكـ والاختلاط بالنساااء

اليكم هذهـ المقتطفات من كلام ابن باز"رحمه الله"عندما أنسئل عن الاختلاط ومفاسدهـ ..

من أراد أن يعرف عن كثب ما جناه الاختلاط من المفاسد التي لا تحصى فلينظر إلى تلك المجتمعات التي

وقعت في هذا البلاء العظيم
التحسر على انفلات المرأة من بيتها قد تؤدي الى تفكك الأسر

الدعوة إلى نزول المرأة في الميادين التي تخص الرجال

أمر خطير على المجتمع الإسلامي

ومن البدهي

أنها إذا نزلت إلى ميدان الرجال لا بد أن تكلمهم وأن يكلموها

ولا بد أن ترقق لهم الكلام

وأن يرققوا لها الكلام

والشيطان من وراء ذلك يزين ويحسن ويدعو إلى الفاحشة

حتى يقعوا فريسة له

و تقول الكاتبه اللادي كوك : (( إن الأختلاط يألفه الرجال

ولهذا طمعت المرأة بما يخالف فطرتها وعلى قدر كثرة الأختلاط تكون

كثرة أولاد الحرام , وهاهنا البلاء العظيم على المرأة إلى أن قالت : ((علموهن الأبتعاد عن الرجال ,

وأخبروهن بعاقبة الكيد الكامن بالمرصاد ))

الاختلاط بالعمل مشكله ونعااااني منها من رزقت بزوج مجال عمله

اختلااااطـ ..لانه مو من السهل عليكـ انكـ تشوفي زوجكـ بيتكلم

بااريحيه مع النسااااء .. صح ولا لا ..

زوجكـ والاختلااااااط ..

اتمنى اننا نناقش هالموضوووع .. كل وحدهـ تكتب تجربتها وشلون

تتعامل مع زوجها بهالحاله.. او تكتب قصه ..لانه بصراحه موسهل

انك تتعاملين مع زوج بمجال اختلاط اناااا اشوفهم دقيقين بماتعنيه

الجمله ..اشياء

ينتبهون لهاا لوكان مجال عمله مواختلاط كان مااانتبه لهااا وخااصه

الي يشتغلون بالمستشفياااااااااات ..

املي فيكم كبير ياعضوات كوتياات انكم تعطوني حلووول وتجاارب

الله يسعد كل من شاركت وناقشت في هذا الموضوع ولو بكلمه واحدهـ ..

حبيت الاختلاط شر لا بد منه

يعنى بالوقت الحالى احنا مجبورين عليه

وانا مثلج اكرهه

انتى شوف الشر طه دخلوا فيها الحريم
فما بالج بالباجى؟؟؟
الله يستر علينا وعلى اعيالنا ويهدى ازواجنا
امين يا رب العالمين

هــــــــــلا وغــــلا ..

ادري ان الاختلاط لابد منه …

والاحين كـل مكاااان سار اختلاااااااااط

بس ودي اعرف شلون التعامل مع الزوج ؟؟؟؟

لوحصل وكان من الي يناضرون ببنات خلق الله شنوو يكون موقفك ؟

ومشكوره حبيبتي على المرور ..

لو تفتح عمل الشيطان

بس راح دايما اذكره بربه

وانه عنده بنات وخوات

والواحد ما يدرى متى بيموت

يعنى اذكره بربه والله يهدى الجميع

واذا فى بنت تطالعه ابين له انها وايد رخيصه لانها تطالع ريال

اذا اهى محترمه المفروض ما تسوى جذى
لان العين تزنى

والسلام عليكم

الي يخاف الله ويذكر انه الله فوقه عمره راح ينحرف

انا زوجي مدير مختبرات والموظفات 100% حريم
بس الحمدالله واثقه منه ولا عندي ادنى شك فيه==
وانا بعد قسمي اغلبه رياييل
بس الحمدالله بيني وبينهم حدود
حدي سلام عليكم وبس

الله يعـــين الصراحــة …

عليـج بالدعاء لله أن يحفظ زوجــج من شـر هالفتنـة والاختلاط

والله شـقااااا …

أنا عمل زوجي أغلبيته حريم وعلى طول يتصلن عليه وفي أي وقت حتى بعد الدوام بحجة يسألنه عن الشغل وأنا أقول له بشتغل يقول ما تشتغلين في مكان فيه اختلاط ؟؟؟؟؟؟؟؟؟؟؟ بس هو والظاهر من اللي يشوفه من الحريم خايف أصير مثلهن أعوذ بالله

طالما العلاقه في الدوام المختلط مبنيه علي الرسميه والحديث بشؤن العمل فقط مافيها مشكله

و الرك اهنيه علي الريال ان مايطيح الميانه ولا يسولف سوالف خارج العمل مع حريم

والله صاجه شي يقهر صرااااحه ، انا ريلي يشتغل في بنك يعني البنات بآآخر كشخة

وانا تعبت من كثر ما اتكشخ بس علشان اخاف يقارن وجذي ..

بس الحمدلله الحين عرفته عدل وصرت ما احاتي الحمدلله

لاني واثقه منه 100% و لانه دايما ينقد عليهم سواءا باللبس او بميانتهم

الزايده مع الموظفين الشباب ، وحاكم علي ان المكان اللي اتوظف فيه كله حريم

بعد ما كنت مقبوولة بوظيفه في بنك ..

بس هم لي الحين كله متكشخه وساطره اخاف يقارن

تسلمين حبيبتي علي الرد

ويعطيك العااااااافيه ياااااااااااارب ..

هـــــلا حبيبتي .. بس ترى شي صعب انك تتعاملين مع زوج مجال عمله مختلط .. احس انهم يكونون فري على الاخرر بكل المجالات …تسلمين حبيبتي على المرور ..

اتمنى اشوف تجاربكم ونصائحكم مع ازواجكم ..

يعطيكـ العافية حبيبتي على المرور ..