زوجــــــــــــــــــــــــــــــــي مبــــــــــــــــــذر شالحل؟؟؟

السلام عليكم …..

خواتي انا كويتيه زوجي من جنسيه خليجيه تخيلواا معاشه زين بس مبذرررررررر ماهمه كلش مستقبل عياله يعني نبني بيت نوفر لمستقبلنا عنده قاعده اهم شي نفسي ( اعيش يومي )كل مشترياته مالها داعي كلش عطورات بالهبل قطع غيار سياااااارت ادمان لو مو محتاجها …ملابس شكثر سيارات يشتري ويبيع بخساره واذا خسر حكمته >>>(هذا ربي اللي كتبه لي ) ما يتعلم اذا خسر اذاا قلت وفر علشان عيالك قال مو جعص مو مثل فلان منعم الله عليه وماسك فلوسه لا متهني ولا مهني عياله …لمن اقول اذا بنروح للجمعيه نكتب طلباتنا بورقه وناخذ اللي نبي يقول حركات جعوص ما نبي نبي نتهني وفرتي او ما وفرتي >>ثلاث ارباع معاشي ساحبه كيفي معاشي وكيفي وربع اوفره…..مديره بلغهم ان 5 سنوات وتنتهي خدمته عاااااااادي قال الله الرازق وين نروح ديرته القسايم غاليه والا يجارات اغلي مت مت قهر وتفكير لدرجه ودي ابوقه علي قولتهم لليوم الاسود انسان معدوووووووم الاحساس يجيب اجاديث ةايات علي هواه اهو …

يقول ربي قال >>قل ما يصيبنا الا ما كتب الله لنا ؛؛؛اقوله ربي ماقال اهلك نفسك

مستقبلنا بيد رزاق >>>اقوله ونعم بالله بس مو عيب ناخذ بالاسباب ونحترص ونتوقع أي شي طاري الا فلوسنا عندنا ما نحتاج علان وفلان<<يقول متشأمه تفاءلي بالخير

كلش كل شي بوجهي مسكره مره يبي يسكتني من كثر ما حنيت عليه عطاني 100 دينار بعد ما عبيت البيت قلت له خلاص لا تسحب بعد فتره يضحك يعني موفره اصلا لعبت باللي وفرتي مت قهر جذي ساعته اكثر يلعب بدال لا يوفر

ابي راي حكيم فاهم مشكلتي

وينكم ؟؟

اذا احد الزوجين مبذر

واجب الطرف الثاني يوفر من راتبه

عشان الامور. تمشي بالسليم

هو شخصيه يفكر يوم بيومه ،،،،،،، عشان جذي عايش على البركه مضاف له ايمان بالقدر خيره وشره

انتي شخصيه قلقه جدا ،،،،،،وواجب تخففين من القلق

وهناك حل اخر انه

تعملون استقطاع من رواتبكم شهري لحساب ثللث للتوفير

فوفو

الله يعينج حبيبتي

بس مادري ليش ياني احساس ان زوجج اماراتي

^^^

نفس احساسي ههه

فوفو قلبي للاسف مو موظفه شهادتي ما تسمح ولا ظروفي هذا اللي كاسر ظهري

جم سنة صارلكم متزوجين؟؟ اذا من زمان معناته طبع ماراح ايوز عنه ، انتي خشي معاشج وعيشي مع عيالجةمن معاشة وكثري طلبات ومصروفات وخشي اللي تقدرين عليه للزمن

حاولي تفهمينه انه المفروض توفرون لانه الحياه يبيلها توفير والله حق المستقبل وللعيال ان شاءالله

الاستقطاع افضل حل
او اذا يتجاوب وياج سوي طريقه شيختهم
والله يوفقني ويوفقج ويوفق الجميع

دام ماتشتغلين عيل اكيد يعطيج مصروفج

من رايي اذا خايفه وتبينه ايمع فلوس كل اسبوع قوليله ابي مصروفي خلص ويمعي اللي يعطيج اياه بس بدون مايدري انج قاعده تيمعين .

يعني قوليله بروح الصالون ..بوجب فلانه .. واهو اشدراه جم قطيتي بالصالون او جم عطيتي هديه او حنى بجم شريتي بالسوق .. انا اشوف هذا انسب حل

^^^^معاها

وهذا اللي فاد بزووجي اني صرت اسحب منه بالهبل ومااعطيه فرصه يبذر
وصرت انا مبذره

لين ماصار يستووعب التبذير اللي صاير ويحس انه شي غلط وصار هو اللحين يقولي خلاص كافي تبذير

وتعلم يمسك ايييييده

بجرب معاه طريقه اني اخذ منه وانا اللي افر لان ما ينفع معاه

اخذي منه مصروف كبير ..

و قوليله اساعد امي او اليهال احتاجو ا شي او سوق كل مرة طلعي لج بشغلة

و يمعيهم لليوم الأسود

بين فترة وفترة قوليله خلص مصروفي .. ما كفاني او ياريت تزيده شوي

خل يسوي استقطاع شهري

الله يعينج حاسه فيج

نفس المشكل ـــــهـــ ومآلها حل الطبع ما يتغير

بس انتي وفري وأخذ ي منه وخشي هذا الصح