|
|
من كثر ما قرأت وسمعت وشفت قصص عن الخيانات … وخاصة مع هبة الخيانة مع الخدامات .. في المنتدى وغيره ..
فكرت .. وفكرت .. وفكرت
لحظة ….
الرياييل .. من السهل اغوائهم .. هذا شئ ما يختلف عليه اثنين …
يعني وحدة حليوه .. فرفورة .. تدلع وتتغنج وتتنهوص.. وتتكسر جدامه .. اتييب راسه .. اتييب راسه 
فانا صنفت الرياييل كالاتي :
رجل يخون زوجته مع أمرأة ساقطة (بنات كبريهات .. واللي يطلعون بفلوس وهالكلام) ……
هذا رجل واطي وعديم الاخلاق .. ورايح فيها .. ومستواه انما ولا بد .. وطالع من مستنقع الله يعين زوجته عليه ..!!!
والله اعلم هذا فاصخ من عمره .. واذا يروح بانكوك والمغرب .. الله يعينه على نفسه .. ويمكن سكير عربيد (لا مؤاخذة) ..
رجل يخون زوجته مع الخادمة ..!!!
يا اخي ارفع مستواك شوية .. يا شوارعي … مخلي بنت الناس ورايح للخدامة ومرتك تتزين لك وتتعطر وتتشخلع !!
يا راجل يا …. @#$%^&
والشرهة مو عليك .. الشرهة على مرتك اللي اغترت فيك عبالها ولد حمولة .. طلعت انت ومال التنظيف واحد !!!
اي نعم .. صحيح ان الشيطان شاطر .. وهو قاعد مع الخدامة في البيت بروحه .. وتتخطرف جدامة .. واذا صارت حليوة وجسمها حلو .. ممكن تغري ..
بس شوية يا اخي شوية عقل .. قول هذا مو مستواي !!
رجل يخون زوجتة مع زميله في العمل .. او وحدة راكبه بورش وحدها كووول .. مرقمها في الافينيوز بالبلوتوث .. بدلتها ماركة وجنطتها LV ونظارة شانيل .. وشحاطتها ديور .. وتلفونها بلاك بيري ..!!
وشعرها بريسم .. ولابسه مصرصر من كل صوب .. والاشياء بتطش وتقول اطلقوا سراحي.. عمرها 22 سنة .. وابوها عنده 23 مجمع .. و7 شركات .. و4 مصانع
اهني .. القصة فيها اعادة نظر … يعني يمكن تبدأ معاها دلع .. وتنتهي ولع
جمال .. ومال .. وكويتية .. وبنت عيله .. والذي منه ..
يعني على الاقل وانتي تناجرينه عليها لما تطيحين عليه … ما عندج تعليقات وايد عليها ..
شتقوليله ؟؟
هالام شعر بريسم ؟
هالمليكان ؟
هالنعومة ؟
هالجخ ؟
شوي صعبه 
طبعا ما اشجع اي ريال على الخيانة من اي نوع مع اي وحدة لو ملكة جمال العالم (عاد شدعوة يحصل له ؟ ) ..
لكن ابي اوصل الى مقارنة في الخيانة … بين واحد واطي جدااا جداااا جداااا في الخيانة … وواحد واطي على الخفيف
واذا تعرضت للخيانة (الله لا يبليكم ) … فكري ان خيانة زوجك … ارحم من خيانة فلانة التي خانها مع الخادمة … الاثيوبية !!!!
اما اذا خانج مع الخدامة .. قولي انا احسن من فلانة اللي ريلها مطيح في بانكوك مع امهات عيون (مسحبة) .. اما اذا خانج مع وحدة من اياهم …. الله يعينج …. مالي الا اني ادعيلج بالصبر .. وادعيله بالهداية 
…………. وتبقى مجرد وجهة نظر
مادري انا اختلف وياج بهالنقطة
الخيانة وحدة ماتتجزأ يعني لو بيخوني لاسمح الله مع خدامة عندي نفس لمن يخوني مع وحدة جميلة وبنت فلوس
كلهم يجرحون المرة
اكيد تختلف وجهات النظر
الله يستر ولايبلينا ياااااااااااااااااااااارب يارب
مشكوره يعطيج العافيه عالموضوع
ويسلموا مدندنه…وتبقى مجرد وجهة نظر…
مره جتني رساله على الايميل رجال خان زوجته مع الخدامه وفيه مرض مره وحده جاها لم سافرت كلمت الزوجه وقالت
(انتي زوج يجي انا وانا في مرض والحين زوج في مرض)وزوجته جاها لمرض انصدمت والان يتعالجون
الله لايبلانا
انا ماادري شلون مايخافون الله بهل الشي الحمد الله الذي عفنا مما ابتلهم به وفضلنا على كثير ممن خلق تفضيلا
|
المشاركة الأصلية كتبت بواسطة @البتووول@
 الخيانه وحده سواء مع واطيه وإلا مع بنت الجخ والريال إذا نزل مستواه لي هالمستوى المفروض زوجته ماترفعه تعطيه على راسه حتى يطيح أكثر ما هو طايح…
ويسلموا مدندنه…وتبقى مجرد وجهة نظر… |
الخيانه كلها حرام بجميع انواعاه نسال الهدايه لرياجيلنا …
فا الواطي واطي مهما كان مياتعدل ابد فا الخيانه بدمه ان مع الجنس الغربي والا الشرقي
دامها غريسته
والله يستر على ها الجيل ويهدي لنا ارجالناا يارب
وانا ما نصح الوحده تخلي الخدامه بالبيت بروحها لان الشيطان شااااااااطر
خيانه زوجية = زنا
والزنا عقابه بالقرآن الكريم للمتزوجين والمتزوجات الرجم حتى الموت
ولغير المتزوجين الرجم بعدد معلوم
*****
نجي الحين لتصنيفات مدندنه بالخيانه
اكلمج بالفصيح ومن خلال خبرتي
الرجال اذا حصله جسم انثى وببلاش وهو فيه قل ايمان <<<<ما يقول لا بدا
<<الله لا يبلانا
سواء
كانت خدامه عاهره موظفه وممكن كلهم يمر عليهم
عموما الرجل مخلوق بصري ينظر بعينيه قبل كل شي
وبالنهاية اقول
نوّر القسم بردتج وحمدالله على سلامتج
وتعليقي عليه ان الريال اذا خان مع اي مره اسمها مره سواء كانت خدامه او رايحه فيها تعتبر خيانه ودايما الريال او الزوج مايعتبرها خيانه يعتبرها تغيير بالشكل والجسم وان لم تستحي افعل ماشئت بس كماتدين تدان يعني ربي راح يوريه بمرته او بعياله لان الخيانه اهي زنا والله يستر علينا وعلي ريااايلنا ويحفظهم من بنات السوء