|
|
سؤالي
اول ما زوجج يخلص طلعاته
ويا الوقت اللي يدخل فيه البيت ويقعد معاج
يسكر موبايله ؟؟ ولا لأ ؟
بالنسبة لي انا ما يسكره الا قبل النوم
وهالشي يطفرني لأن طول ما احنا قاعدين حتى لو قعده حلوة هادية رومانسية يشتغلون عليه ربعه بالتلفونات
عادي قعدتنا ساعات تكون كلها واهو ماسك التلفون
اي عاد يا اخي شفت ربعك وقعدت معاهم وسولفت وتعشيت معاهم
الحين دخلت البيت
اشدعوة عاد سكر الموبايل 
رياييلكم
بس يدخلون البيت ويقعدون عندكم يسكرونه ولا لأ ؟؟
وهل هالشي يأثر عليج لما كل شوي يدق التلفون وهاااااات يا سوالف وانتي مو قادرة تكملين سالفة الا اقطعتها رنة الموبايل !!
على الاقل تدرين ان ماعنده شي يخشه عنج
توه معاه بالدوام وطول الطريج لين البيت يكلمه وبالويك اند
الصبح وومرات واحنا طلعين عشاء لوعت جبد
آنا اذا طلعت معاه يشتغل التليفون من الاهل ومن ربعه
عشان جذيه قمت كل ما اطلع معاه احط تليفونه سايلنت
اما في البيت نادرا ما يدق تليفونه بس بالطلعات هههههههه جنهم يدرون ان طالعين
وا ن تزوجت برجع لكم ههههههه
شكر
حتى اهو دايم يقولي سكري تلفونج لما نام وانا اخليه سايلنت او اسكره مثله
مرات يقعد يطول بالسوالف مع ربعة ومرات لا و الله
بس اول امس ياي من الديوانية الساعة 12 ودق عليه واحد قعد يكلمه لي الوحدة طبعا تضتيقت ورحت غرفتي مطنقرة لحقني وقالي و الله مستحي اقوله مع السلامة
سؤال
ليش تشكون إذا سكروا موبايلاتهم ؟؟؟؟
اشوفه عادي ؟؟؟
انا اللي يبط جبدي انهم ساعات يدقون على 11 ولا قبل بشوي يقولون له تعال القهوة ولا الدوانية ،، اطفر لما اسمعه يقولهم يالله شوي وايي
اقوله انا بعرف ليش ليش ما تقدر ترد ربعك ؟؟ تحبهم اكثر مني ،، يقولي لا والله فشلة ملزمين ،،
يعني يدقون يخربون قعدتنا ويخلونه يطلع
شقردية
انا هذا اللي يبط جبدي
ان ما يقولون فشله ولا عيب نتكلم ابهالوقت ؟؟ الريال بيقعد مع زوجته ولا شي ؟؟؟
ما عندهم مانع اي وقت يدقون ،،
|
المشاركة الأصلية كتبت بواسطة ( مي )
 بنات
سؤال ليش تشكون إذا سكروا موبايلاتهم ؟؟؟؟ اشوفه عادي ؟؟؟ انا اللي يبط جبدي انهم ساعات يدقون على 11 ولا قبل بشوي يقولون له تعال القهوة ولا الدوانية ،، اطفر لما اسمعه يقولهم يالله شوي وايي اقوله انا بعرف ليش ليش ما تقدر ترد ربعك ؟؟ تحبهم اكثر مني ،، يقولي لا والله فشلة ملزمين ،، يعني يدقون يخربون قعدتنا ويخلونه يطلع
شقردية |
دق تلفونه قال افا عليك عطني 5 بس و انا اييك
قتله القعدة معاي الظاهر تييب المرض
بس قعدة الربع عندهم ماتنمل وقعدتنا لاحقين عليها ههههههه
شنسوي وانا اختج
من يومين داقة علي رفيجتي تدرين جم مرة فتح علي باب الغرفة يأشر لي سكري التلفون بسج هذرة ؟؟؟؟ حرق اعصابي
واهو طول اليوم تلفونه ما يسكت لازم اسكر حلجي وانطم
اليوم رادين من الطلعة وقالي ماراح اطلع بقعد معاكم بالبيت وانا استانست قلت خوش ماوراه طلعة اليوم ،، بالطريج ويدق عليه رفيجه يقوله تعال البر ،، يقوله زوجي طالع مع زوجتي ،، يرد عليه يالله وصلهم البيت وتعال
والله مو ارتفع ضغطي قمت اقوله صج رفيجك ما يستحي
والله في رياييل يومهم كله بره بيتهم ويروحون يأثرون على غيرهم
ومنو ياكلها ؟؟ غيرنا احنا يالمقرودات