|
|
السلام عليكم ورحمه الله وبركاته
انا تزوجت من ثلاث سنوات وكنت احب زوجي وهو يحبني بس للاسف كانت شخصيته ضعيفه جدا وكانت حقوقي مهدوره عنده وتم الطلاق لاسباب عديده ومابي ادوخ راسكم فيها وكان ضحيه هذا الطلاق ولد في عمره سنه وشهر تقريبا المهم طليقي تزوج بعد طلاقنا بثلاث اشهر ونصف وانا انخطبت كثيرا ورفضت كنت افكر بولدي لكن كلام الناس مايرحم المطلقه ويضع اللوم كله عليها المهم تزوجت بعده بثلاث شهور وكانت نتيجه الزواج اني ولدي اخذه ابوه واول زواجي كان زوجي طيب للغايه وكان يحبني بس للاسف بعد الزواج بشهرين تغير مدري ليش المهم اني الان حامل منه واكتشفت انه يخونني ويكلم بنات مع العلم انني زوجته الثانيه واني مو مقصره معاااااااااااه
انصحوني بسرعه لاني مدري اعيد نفس الضحيه السابقه وهي طفل ليس له ذنب مدري ليش يصير معي كذا مع اني طيبه جدا واتنازل عن حقوق لي كثيره
هل اذهب لبيت اهلي واتطلق مره ثانيه شنو يقولون الناس والله محتاره يابنات ساااااعدوني
وشكرااااااااااااا
الطلاق مو حل
تفاهمي معاه وقوليله انا مو مقصره معاك و معطيتك كل حقوقك وانت قاعد تخوني وهالشي يقلل من شأني وانت بنفسك قاعد تقلل من شأن نفسك
تفاهمي معاه
حرام والياهل شذنبه؟؟
كافي الاول
الحين انتي لازم تغيرين شخصيتج والحياة تبي تعب
يخونج في اسباب اكيد
مو شرط قصور فيج لكن يمكن ريلج عنده وقت فراغ مستغله بشكل غلط
املي وقته
حاولي تلصقين فيه
طلعتج جمعيتج سوقج كله
صعبي له الامور اذا اهو راعي علاقات عالاقل خل يحس انه مقيد مو فري وبراحته
ومرده بيمل اذا شاف انج على قلبه
ومرده لج
بس لازم تتعبين على حياتج ماكو شي بالساهل
تخيلي انج انتي صاحبته شلون كنت بتتعاملين معاه؟؟
اكيد مو نفس ما انتي زوجته
مشكلتنا اننا خلاص تزوجنا وامننا وارتحنا ومانبي نتعب بعد
الريال ما يتامن لو شنوووووووووو كان الحب
والشيطان شاطر
واحلى شي عنده خراب البيوت
تعوذي من ابليس وابتدي سياسة يديدة معاه
تقربي منه
سوي ااشياء اللي يحبها وتجذبه لج
اخذي فرة على مواضيع وااااااااااايد بالمنتدى ممكن تساعدج
|
المشاركة الأصلية كتبت بواسطة زهره في الربيع
 ليش يصير معي كذا مع اني طيبه جدا واتنازل عن حقوق لي كثيره
هل اذهب لبيت اهلي واتطلق مره ثانيه شنو يقولون الناس والله محتاره يابنات ساااااعدوني وشكرااااااااااااا |
مو لانج طيبه زيااااااااده عن اللزوم اكيد يصير فيج جذي
منو يقول الطيبه معناها انج تتنازلين عن حقوووووووقج 
وبعدين يعني شنو كلام الناس ما يرحم
ذاك اول الحين المطلقه عيشتها غير
انا وااااااااااااااايد كسر خاطري ولدج الي اخذه ابوه وايد وايد
ولو كنت مكانج ما اتزوج ليما اتطمن على ضناي واشوفه كبر وافتهم
والزواج لاحقين عليه
واذا ما لحقت عليه مو ضروري لان ولدي اهم
واستغرب من الي بسرعه يتزوجون عشان كلام الناس
ليش تخلين كلمه توديج وكلمه تييبج
الله يهديج بس
والحين مادري شقولج
الله يعينج ويهديلج زوجج يا رب
لا تخلين الدعاء ابدا
ولا تتركين الاستغفار
والله يوفقج ويعينج
عيوني ما ابي اكلمح بالمنطق والعقل لا أبي اشوف فيج الزوجة الحبيبة والصديقة لزوجهاا واقولج الحياه الزوجيه ما تخلى من مواقف منها الجارح ومنها الي يصدم ومنها الي يعذب بس الحكمه وانا اختج في هالمواقف هي سيدة القرار
انتي الحين استهدي بالله وتوضي وصلي ركعتين في جوف الليل وقولي يارب ثبتني وانطق الحق على لساني وقوي نفسج بالله
وعقب جهزي لليلة حلوة بينج وبين زوجج .. جهزيها باغراض وشموع وعشى وقعدي مع ريلج وانتي بكامل زينتج وبأهدى أعصاب أكليه بيدج وشربيه ومسكي ايده وطالعيه وقوليله ليش سويت فيني جذي أنا قصرت معاك بشيء؟ شفت مني شي غلط؟ شفت مني شي ماعجبك ولقيته بغيري؟ صارحني قولي أنا اليوم زوجتك وباجر بصير أم ولدك وضحيله أنج تحبينه وماتبين تهدمين حياتكم وضحيله انه جرحج وانج كنتي تثقين فيه ثقة عمياء بس هو شرخ هالثقه وتفاهمي معه .. قوليله ليش مانبدي حياة يديدة مع بعض كلها تفاهم ووناسة .. قوليله انا مالي غيرك وابيك لي، قوليله انت ترضى انك تساوي وحدة من الشارع بمرتك "وطول الوقت كوني هادية"
صدقيني بيستحي بينه وبين نفسه وقتها حتى لو ما يبن لج وبيفكر بنت الناس ما تستاهل وانا غلطان وتلقينه يرجعلج بس اهم شي عالجي الموضوع بحكمة لأن الصراخ والعناد ما ييب نتيجه وانا اختج
و كثري من الدعاء له وكثري من قول "اللهم سخر لي زوجي"
الله يآجرج في مصيبتج ويخلف لج حيرا منها