زعلت خطيبي بسبة حماتي الخايسه

السلام عليكم

بختصر السالفه
انا ابوي على قد حااااااااااله وبيتنا موزود
وانا مملجه وفيه مره من المرت اتصلت حماتي تبي تجي تزورني
المهم جاتني وياليتها ماجاتني وطبعا كنت عازمه رفيجاتي كلهم وبنات خوالي
حماتي كان اسلوبها جدا مليق ويغث ووالله والله اتفشلت حدييي ودموعي اشوي وتطيح بس مسكت نفسي قد مااقدر عشان لاابجي وافتشل اكثر
كانت تقولي ويش هاللبس اللي لابسه اخوج الصغير ترى سنتر بوينت يبيع اشياء رخيصه وحلوه حتى الهنود اوقات يجيبو اشياء فلته

انا افتشلت حيل ماعرفت ارد جان تقلب وتقول سماعتكم ليش مرفوعه قلتلها عادي طنشيها ابوي مادفع الفاتوره ومفصول يعني ماراح يصرف ولاشي
قالتلي قوليلي بسرعه جم رقم الحساب بدفعهم عن ابوج طبعا قصدها موشرييف لان الكل لاحظ لاتقولون تعاطفت معاكم
انا اهنيه صكت فيني الدنيا وافتشلت وحسيت لساني انربط ماعرفت شنو ارد مع ان لساني من اساس طوييل بس من قالتلي هالكلام حسيت ان لساني انربط وكنت امسك دموعي غصب عشان لاابجي صج واكسر خاطر نفسي وبتنقلب مناحه وقلت اخاف اطردها من البيت وتصير سالفه
المهم كلمت خطيبي وقلتله شوف اختك الوقحه شنو تقولي قالي ليش مارديتي عليها قلتله انربط لساني وانحرجت جدام البنات لازم تشوفلك حل وياها تأدبها قالي اختي مؤدبه ومتربيه
قلتله مشكوره انا اللي مؤدبه ومو متربيه ,قلتله والله والله لومتخليها الحين تتصل وتعتدر مني بجي الحين بيتكم وبولع فيها من القهر واذا مادقت علي انا في طريج وانت في طريج
خاف من كلامي وخلاها تتصل علي وتسوي نفسها بريئه انا ماقصدي ومدري ايش ,طبعا طلعت حرتي وسبيتها سبببببببب لين ماشبعت
ومرت الايام وانا حاقده عليها مااقدر يابنات اشوفها اواسمع طاريها تجيني القمتتتتتتتته
ومن جم يوم تدكرت السالفه جان الينانوه اللي فيني غصب طيب يبوني اتهاوش
بس مع معين تهاوشت؟ مع خطيبي المسكين
اتصل علي ويسولف عادي بعدين في نص الكلام قلتله اختك ماطيقها لاتجيبلي طاريها اكرههااا كره الموت وطول الوقت ادعي ربي ياخدني اوياخدها ماحبها ماحبهاااااااااااااااااااااا
اهو قالي يعني عاجبج هالكلام يعني تبي تقولي تكرهين اختي ويش تبيني اسوي ,وطبعا كان منقهر مني بس كان ماسك اعصابه على قولته لااخسرج بسكت
وقالي اهلي عندي بالدنيا ماارضى حد يهينهم قلتله بس انت مادافعت عني يوم اختك فشلتني قالي انا مالي خص المشكله بينج وبينها
وقمت اسب اسب في اخته واقوله انا اكرها واطيقها ومن هالكلام الجميل اللي يسم البدن
مااقدر حسيت نفسي مكتومه وان ماقلتله اني اكره اخته مابرتاح
عارفه تصرفي غلط بس شسوي الحين حسيته زعلان وفي نفس الوقت مايبي يزعلني
الحق معاي والا معاه واشلون اخليه مايحمل علي من كلامي عن اخته
شسوي ياربي ماطيق اخته وبس اشوفها وربي ودي اصرخ في ويهها واقولها ياكثررر مااكرهج

سوري يالغلا صحيح هي إخطت بس إنتي زودتيها كثير وإخطيتي بحق زوجك مرررره

وبعدين هو صادق بكلامه المشكله بينك وبين إخته وماقصرتي إخذي حقك كامل خلاص المفروض تنسين الموضوع لإنه بالنهايه إنتي خسرانه هي إخته وإنتي بنت الناااااس وشكل زوجك شاريك بالغالي لاتبيعينه بالرخيص على إشياء تافهه وماتسوى

حملتي الموضوع اكثر ممايستحق ,,

دام البنت اعتذرت ,,خلاص ليش تحملين الامور اكبر من حجمها.

من بدايتها جذي ّ؟؟

انا مع نداوي لا تشيلين بقلبج وانسي السالفه اهيه غلطت اول مره لج ثاني وثالث اذا عادتها لج حق تشرهين وتزعلين بس لا تصيرين شرانيه مع زوجج ماله ذتب لا تخربين حياتج

شريه انتي !!!

ماتسوى السالفه لاتخلين قلبج اسود والحقد يعميج

دام اعتذرت لج ماله داعي تعيدين وتزيدين في السالفه سوء تفاهم وانتهى

ورجعي لها كلميها عادي لأن الرجال يحب زوجته تكون صلح مع اهله

واي مشكله مع اهله لاتدخلينه ولا تقولين له حلي مشاكلج بعيد عنه

واذا قطوا عليج كلام عيطهم طاف ماله داعي الحقد

انزين حماتج غثتج وبعدين اعتذرت يعني رديتي اعتبارج ليش تغثيت الريال تبين تطفشينه خلاص

هههههههههههههه
صج لوانا مكانها بسوي اكثر من جديه كلنا شريرات يختي >> قلبت مصريه هههه

اممممممم انتي غلطانه بصراحه ..
خلاص مدام اعتذرت منج طوفيها ماعليج منهاا بس ريلج شكو الحين مايسوى عليج زعل ريلج عليج
وثاني شي ميانه بينكم بس لاتغلطين ع اخته ترى مهما يكونن اخته هذي واهله هذولي مااحب ياخذ عليج فكره انج ام لسان وتحبين هواش ..
روحي كلميه واعتذريه منه واذا ياب طاري اخته مشي موضوع معاه ولاتعصبين ولاا شي خليج هاديه حبوبه .
واستحمليهاا عشان ريلج بس وطنشي سوالفهاا احسن ولاتردين عليهاا .. احسن ماياخذ ريلج عنج فكره مو حلوه
الله يسعدج يارب يوفقج معاه ..

صراحه اختي
فتحي عليك باب ما يتسكر
الله يعينك بعد الزواج انواااااع المشاكل
الله يكتب لك اللي فيه الخير

هدي شوي ريحي اعصابك تو ما تزوجج وحطيتي دوبج ودوب اخته …. خلي الامور سلامات

والله انا اشوف ان حماتج فيها الخير ونتي اسمحيلي مافيج خير من اول موقف سويتي جذي ونقزتي عيون الرجال اجل لو تعيشين عندهم وتمرين بالمواقف اللي مرينا فيها شبتسوين ونصيحه لاصار صاحبك عسل لاتاكله كله ومبين خطيبج ولد ناس ومحترم وباله طويل بس لاتوقعين ان باله بيطول عليج اكثر من جذي وما سوت على البنت يمكنها جاهله او من النوع الملقوف والمهايطي ولو في قلبها لعانه مادقت واعتذرت وماشالله عليج بدال لاتسامحين سمعتيها شي ماينطاق وجنج ماصدقتي تلقين عليهم الزله انا ماقول الا الله يهديج ويرحم قلب خطيبج

ههههههههه لا يابنت الحلال مو لهدرجه عاد – يعني باجر لاصارت عنده بالبيت شكلها تبي اتوطن بأمه وخواته ع اشياء تافهه هههههه الله يعينهم عليها – صح ادري في حموات عاهات بس الواحد يحكم عقله ومو ع كل سالفه يولع حريقه–يعني مهما كان هذولا اهله يعني امانه لو اختج بمكان هالحمات ترضين زوجج يسبها ويحش فيها !! والله لووو شنوو اختج مسويه بيكون عندج غاريه ومااارااااح ترضين عليها بكلمه-وشكرا

من صجج انتي تتهاوشين معاه و تسبين اخته جدامه حتى لو تكرهينها و غاثتج لا تبيننين هلشي جدام خطيبج وحتى لو غطلت عليج لا تشكيله . انا بعد مغثوثه من حماتي و بنات حماتي و ما ودي اشوفهم بس شسوي متحمله عشانه ما ابي اطلع بلشينه جدامه حتى ما عمري قلت عنهم شي لان باجر اذا صار شي بيصدقها و تصير هي الزينه
سكتي عنها و في اسلوب ثاني تتبعينهمنو الهواش و السب في اسلوب الحقران و التطنيش ولما تشوفج مبتسمه و ساكته عنها هي اللي بتسكت و خلي حطيبج بره الموضوع

يوووه انتي جنج انا

اي احد يسيء لي اعفر فيه و اشيله من قائمتي

بس انتي مشكله لازم تهدين مو علشان حماتج الوقحه لا والله علشان زوجج