|
|
مرحبا
بدخل بالموضوع على طول
زوجي زعلان علي مع ان اهو الغلطان شسوي
نفسيته تعبانه علشان جذي ماقلتله شيء خليته بوقتها
الحين شسوي ؟؟؟
بلييييز ساعدوني باقي ساعه وايي ياخذني
ولا كأن صار شي
روحي معاه وخلي نفسش
حلووه لا تكشرين
ولا تجبين طاري السالفه
إلا اذا هو جابها اسمعي منه لي آخر
ولا تحاولين تبرير بمعنى : لا تقولين انت الغلطان
وسهالات يا قمر
سويت اللي قلتي عنه
لمن ركبت السيارة معاه قعت اسولف عادي واضحك بس كأني مو موجوده ساكت ولا يرد علي
شسوي ؟
اللهم اصلحني لزوجي و اصلح زوجي لي و اصلح ما بيننا. و دايما ابتسمي بويهه، و لا تعاتبينه ولا تقوليله انت غلطان. و الله يوفقكم و يهديكم و يخليكم حق بعض
الا لمه تشوفين السالفه طولت
وييبيها بدلع وبطريقه غير مباشره … شدعوى عطني ويه ياحلاتك وانت ماد البوز << بهالطريقه
الله يستر .gif "Eh S(6)")
وبشرينا ياحلووة
سالفتج نفس سالفة رفيجتي داقه علي امس تقوول بووفلان زعلان وطناقيره ماتتعاشر والبوز ممدود شبرين
قلت لها قومي طقي الديرمه وكشخي له وتسنعي وغني له يامنيتي ياسلا خاطري وانا احبك ياسلام ليه الجفا ليه تهجرني وانا احبك احبك ياسلام
والله العظيم يابناااات تقوول كشخت له وتعطرت وتسنعت علي سنقة عشره ورحت يمه والااا بوالشباب مايعطي ويه موليه جان تغني له وتدلدلغه علي ضحك وتقول ابتسامتي بويهه شقاقيه تقوول مسك اذني ومصعها قال ان عدتيها ثاني مره وزعلتيني بشلعها لج من عرجها تقوول ضحكت وقلت له كلي فداك يالغالي وطاح الحطب
هذااا زعلنا احنا الشياب والعيايز هالنمونه نتراضاا وزعلنا مايطول اكثر من ساعه الديرمه والكحل يسووون شغل واستغرب منكم لي قلتوااا زعلانين وانتو كل شى متوفر لكم ودارسين اسم الله عليكم ومثقفات يعني موناقصكم شى ليش تخلوون الشيطان يدش حياتكم ويعفسكم اقصروا الشر واحنا بهالشهر الفضيل ومن كان مع الله اكيد الفين بالاميه الله بيكون معاه
وعساا يارب حيااتكم دوووووووووم سعاده ابسعاده وماتشووفون كدر ابد ابد
و الله يسهل ان شاءالله و يرقق قلبه عليج
اول شيئ مبارك عليج الشهر
بس المشاكل مالها شغل بالدراسه والثقافه بالعكس يمكن هالاشياء تزيدها بعض الاحيان
يعتمد على الشخص وطريقه تصرفه وردة فعل الطرف الثاني
اغلب المشاكل سببها سوء الفهم لان لوو بتلاحظون يكون سببها تافه
وياخذه الشيطان مدخل عشان يخرب بين الزوجين
وهني الرك كله
مفروض صج صج مانخلي للشيطان علينا سبيل
وعلى طول نحاول نحتوي المشكله حتى لو يينا على نفسنا وتنازلنا شووي
بس المهم السالفه ماتكبر والقلوب تتصافى
وينجعم ابليس النحيس
ولا انتي شرايج
<<< خخخ جني جني وايد تفلسفت
بعد الفطوور يبييله هديه عنونه (طبخه والا حلو وجاي وقهوه ) وبوسي راااسه وقوولييله بيعني بالسوووق يالغالي واذا تكلللللم خلللللللللللج ساااااااااااكته ولا تسمعييييييين شيقوول بس لا خلص من كلااامه قوليله بس جذي خلاااص ولا يهمك اللي تبيه بيصير ولا زعلك
والله يوفقج ويسخر ج ريلج
ماخليت دعاء مادعيته والصلاة صليتها والكلمة الحلوة سمعها مني
بس يمكن لانه نفسيته تعبانه شوي
انا من النوع اللي فرفوشية يعني ما انكد ولا شيء دوم اضحك بويهه حتى لو كنت معصبة او زعلانه
وحييييييييييييييييييييييييييييل بادرة وهذا الشيء يضايقه لمن يكون معصب
الله يكتب اللي فيه الخير انشاء الله
انتي غلطتي بحقه ؟ اعتذري
اهوا غلط بحقج .. طنشيه مني ليما يكلمج بروحه …
وياجرج