|
|
هلا و غلا بكم امهات العاشره
ادري متشوقين على معلومات عن حضانات منطقتنا لان المعلومات عنها قليله
اول شي رحت حضانة السنبله في الصباحيه قريبه من بيتي
هي عباره عن بيت قديم المديره مصريه يوم جيتهم كان وقت استراح بعض الصفوف و الحوش ساقفينه و حط زل اخضر حق الحوشه عرفتوه و فيه كم مرجيحه و تقول ان فيه نطاطيه و شايلنها علشان حفل او شي زي كذا ما دققت
الفصول عاديه شفت صبوره و تلفزيون المدرسات بنوتات شكلهم كويتيات بس نسيت اسئلها عن مؤهلهم فيه خدامه للحمام و مواصلات الوجبات من البيت
الفصل ما يتعدى 20 طفل
انتقدت عليهم انه فيه تسجيل بنص الترم و هذا غلط بس يبون فلوس لان الطفل شلون يلحق على الي طافه
المدرسات مجتهدات ما شاء الله عليهم مالفيت تكاسل بس واحد من الفصول كان طفل قاعد عند الباب على الارض مادري شسالفته يبكي و لا نعسان من الصف ولا من الي طالعين فرصه !؟!
الطفل ل45 و 10 للمواصلات
المناهج كل خبره اسبوعين يتعلمون حرف و رقم عربي و انجليزي و يحفظون سورة و دعاء
ما عجبتني صغيره و موب سيئه تمشي الحال
بعدها رحنا للعدان حضانة حامل المسك ق2 ش 81 منزل 1
التسجيل لعمر عيالي 3و8شهور الاحد الجاي
المبني بيت حلو موب كبير الحديقه العابها كثيره و حاطين مرمي من داخل اثاثهم حلو و تحسين فعلا روضه درت بفصلين اطفال ما يتعدون 18-19 طفل فصل فيه مدرسه و فصل مدرستين وكان فيه مصريه تعلم الطفل جملة"احبك الله الذي احببتنا فيه " بس بصراخ تروع بصراحه اخاف على عيالي من ذا النوع
الرسوم 95 دينار بالشهر و الاخوان خصم 5 دنانير مافيه مواصلات
يحفظ جزء عم في مرحلتي الروضه اولى و ثانيه
بعدها مل ابو عبدالله من الفراره قال تعالي اوديش انا للحضانه الزينه
ونروح للمهبوله حضانة الرساله المبنى خاص يعني هم بانينه ما شاء الله حلو مجهز المدرسين بين جنسيات عربيه و امريكيه مع العلم اني ما شفت امريكيات بس يمكن المنفبات 
على اللاستقبال فيه شاشه مراقبه لاقسام كثير من الحضانه الرسوم 1500 للطفل و بما ان عيالي اسم الله عليهم 3 عطونا خضم الاخوان 150 فصار الخصم 300 من المبلغ الكلي
المنهج خبرات كل اسبوعين يتعلمون حرف عربي و انجليزي و قران و حديث على قولتهم يطلع من الروضه يقرا و يكتب عربي انجليزي و الارقام الى 100 و القران ما كمل جزء عم لان فيه تكرار لبعض السور في الخبرات
طريقة التدريس فصلين متقابله للطفل الفصل الاول يدرس بالعربي و بعدها ينتقل للفصل الثاني مع مدرسة ثانيه تعلمه نفس الخبرات بالانجليزي
فيها بركه سباحه خصه في الاسبوع لكن المسبح حاليا معطل
الي عطتني المعلومات اعتقد انها اردنيه منفبه تعاملهم راقي
و اسمحوا لابو عبدالله يفتر معانا في اقسام الروضه
فيه مواصلات بخدامات و خداماتهم بالاسياب حق اي طفل يبي الحمام
الجو في الفصول حلو كان فيه مصريه تشرح و بصوت عالي بس عكس الاوله في حامل المسك صوتها بدون صراخ مبين عليها الاحترافيه
و الفصول تشوفينها من الدرايش الاطفال مبسوطين مره و مندمجين
للاسف ان التسجيل فل و ما في اماكن مع ان الفصل طاقته الة 25 طفل بس ما لاحظت ان الفصل زحمه
وايد تمدح فيهم
واظن 60 بالشهر وحتى يلبسون يونيفورم اليهال
|
المشاركة الأصلية كتبت بواسطة um khaled
 حبيبتي انا مرت حماي مسجله بنتها بالمبدع الصغير اللي بالصباحيه
وايد تمدح فيهم واظن 60 بالشهر وحتى يلبسون يونيفورم اليهال |
ياليت تعطيني عنوانهم او رقمهم
بالشهر 90 دينار وتسجلين من الحين حق السنه الجديده
فيه عضوه كاتبه عنها سوي بحث ….
وامانه اذا رحتيلها قوليلي رايج اذا زينه بدخل عيالي فيها لي كبرو