|
|
هاي بنات
قاعده اكتبلكم وانا شوي و ببجي
بنتي حبيبتي سنه ونص تقريبا عمرها و لاحظت عليها ان سيقانها مقوسه يعني شكلها جذي ( و مشتيها جنها مره عيوز 
مع انها تركض و تلعب عاااادي بس انا الاحظ حتى اهلي ان فيها هالشي
المهم سويتلها تحليل طلع فيتامين د عندها نازل
استشرت دكتور قالي عادي نسبة الفيتامين مو نازله وايد لان اهيا صغيره و هالنسبه طبيعيه
و دكتوره ثانيه قالتلي انها نازله وايد ولازم فيتامينات و اركز باكلها على مشتقات الالبان
المهم انا سمعت راي الدكتوره الثانيه وبديت اعطيها بيبي فيت الفيتامين و اكثرلها من منتجات الالبان
بس ليلحين ماشوف في شي تغير؟ امي وريلي يقولون شووووووووووووووووووووي تحسنت ريولها بس لما تلبس قصير او ليقنق تبين بشكل وااااضع انها متقوسه هالشي كاسر قلببي ماتخيلون شلون
ابيكم يا امهات اللي كان عندها من عيالها نفس مشكلة بنتي و قدرت تعالجها تقولي عند اي دكتور راحت وشنو العلاج و هل ريوووول البيببي تعدلت اميه بالاميه؟؟
ريحوني الله يريحكم و يطمن بالكم ولا يكدركم على عزيز وغالي
والله ما عندي فكرة بس ان شالله البنات يفيدونج
بس انصحج روحي كذا دكتور وسوي اشعه وتحاليل
عندي لج مكانين وايد زينين للعظام
مستشفى السلام و مستشفى العدان بس روحي الطوارئ بليل
والله يريح قلبج حبيبتي
هم انا سمعت عن استشاري بالسلام يمدحونه
حبيبتي والله معاج حق تتضايجين بس خل اقولج عني ولدي ..
أنا ولدي بيكمل 3 سنين ، نفس مشكلة بنتج .. ابتديت اراجع فيه بالرازي من كان بعمر بنتج تقريبا .. ومازلت ، كل جم شهر اراجع فيه بناء على المواعيد اللي يعطوني اياها ، والحمد لله قاعدة اتطمن عليه وصار احسن بفضل من الله .. اللهم لك الحمد
بشكل عام وايد يهال ايصير فيهم هالتقوس ويتحسنون كلما كبرو ,, وان شالله بنتج تصير احسن كلما اكبرت بس اهم شي لا تخلينها .. لقولج شنو تسوين..
روحي مستوصفكم خل يعطونج تحويل حق الرازي وبعدين روحي الرازي الصبح او العصر واخذيلج موعد حق بنتج ،، الدكتور راح يشوفها وبيسويلها اشعة ويقرر عقبها شتسوين ابنتج .. بس غالبا راح يكتفون بالمتابعة وفيتامين د وتعريض بنتج للشمس الصبح او العصر – يعني لما ماتكون الشمس حامية – ويمكن بعد تمارين علاج طبيعي سهلة وايد انتي تسوينها في البيت..
وان شاالله اكون افدتج وماتشوف شر بنتج
اهوا الحين ريوله طبيعيه صارت؟؟
لان اللي فهمته منج انه صارله سنه ونص يتعالج و انه قاعد يتحسن بس ماطاب اميه بالاميه وصارت ريوله صارت سيده!
هالشي ضيق خلقي يعني الموضووع يطول وايد
اي نعم .. صارلي سنه ونص اتابعه ما اعالجه ..كل الدكاترة اللي رحتلهم قالو ان ولدي حاليا مايحتاج -مكرمة- الجوتي الطبي اللي جنه قالب واللي يعدل الريول – ولا يقدرون يسوونله عملية لأن صغير حيل و عنده فرص كثيرة للتحسن
ف كل 3 اشهر قاعدة اراجع فيه يسوون له اشعه ويطمنوني عليه.
مثل ماقلت لج ريول ولدي – الف حمد وشكر لله – وااااااايد صارت احسن من اول ..قبل متقوسه من الفخذ الى القدم والحين الحمد لله الفخذ والساق صارو سيدة وبس بقت القدم .. وانا متفائلة بقدرة ربي على اتمام الشفاء على ولدي حبيبي .. ياقادر ياكريم
والسالفة اكيد يبيلها طووووولة بال وصبر بس ان شاالله بشوف النتيجة على المدى البعيد ..والصراحة اهون عندي من اني اسويله عملية واعوره الفقير واتوهق معاه لان الموضوع فيه تكسير عظم .gif "Eh S(2)")
وعلى طاري العملية ، انا واااايد كنت احاتي ان ولدي يحتاج عملية بس الاطبا قالولي ماراح يجيسون ولدي حاليا بس متابعه .. اذا كبر ووصل 8 او 9 سنين وليلحينه متأذي او ريله تعوره اهني يسوونله عملية .. وان شاالله مايحتاج يااااااارب
بس انا اهل ريلي نصهم جذي ريولهم وراثة من ابوهم
وانا طبعا مثلج خايفة لو عيالي يورثون هالشي بس مو حيل متقوسة بس تصير من الركبة وبعدين اتييلج جنها كسرة
بس الحمدلله تحسنت حالتها وايد
كان فيها لين بالعظام من نقص فيتامين د
اذا تتقبل طعم البيض ترى صفار البيض وايد وايد زين
لاتطبخين البيضه وايد خليها بربع نضج
ومن الساعه 9 لي 11 الصبح فتحي الستاير خلي يحوشها الشمس
هم ترى فيتامين د موجود باشعه الشمس
والحين الجو تعدل والشمس بارده
ويخليها لج ودي اساعدج بس ماعرف
اعرف وحده ريول ولدها كانت جذي وسوت جذي وماشالله صارت زينه
وراح التقوس
الله يشافيها ويعافيها
اللي ودي أعرفه ان هل في أمل ان شاء الله تتعدل ريولها وتضير سيدا؟ أنا حاسه بالذنب لأني ماكنت احطها بشمس واهي صغيرة كنت أخاف تغرق و تأخذ برد من المكيف و أتكرر عندها نوبات الربو لأنها راعية ربو و حدي متكدره حاسه اين جنيت على بنتي واذيتها
طبعا حاله عن حاله تختلف وكلما كبرت زادت المشكله
فدامها صغيره روحي فحصي علشان تتطمنين عليها آكثر
وياقلبي الحين تطوٌر الطب ولكل عله علآج حتى لو تطوٌل المده