|
|
السلام عليكم بنات
بدش بالموضوع على طول وبقول كل اللي بداخلي قاهرني وانتو حكمو وقولولي شسوي
انا حامل توني داشه بال3 .. فاول ماحلتت وبين اني حامل ماقلت حق احد غير خواتي وسويتها حق ريلي مفاجاه ماقتله الا بيوم عيد ميلادي واستانس .. فطول الفتره محد يدري ماقلت حق خالتي وولا احد غيرها
وطول الفتره يحن يبي يقول حق امه وانا اقوله لا تو الناس بعدين نقولها انا قلت مابي اقولها لانه الصراحه خالتي حدها ماتخش شي اللي ينقالها تقوم وتنشره فانا ماحبيت الكل يدري لانه انا تعبانه اشوي فكنت خايفه تدرون بجر وماعرف شي .. فالقبل جم يوم قلت حق ريلي يقولها واذا سالته من متى تدرون قولها قبل فتره اسبوعين او 3اسابيع راح وقالها جان اتقوله لا انتو تدرون من قبل انها حامل مو من قبل جم اسبوع جان يقوم ويقولها رييلي السنع اي احنا ندري من زمان من شهر 12 ويعطيها التاريخ واليوم بالضبط اهني خالتي عصبت وطنقرت علي حتى كلمت بالمبارك ماكلفت روحها انها تقولها لي .. عاد امس كلمته قتله ها قلت حق امك وشنو قالت جان يقعد يضحك ويتبوسم انا اهني عرفت انه غلطان بشي قتله شقلت لها قال قتلها جذي وجذي انا عصبت قتله الحين تطلعني جذابه جدام اهلك !! قال لا شكو جذابه قتله اول شي تقولها قبل جم اسبوع وبعدين تقول لا ندري من شهر 12 هذا شمعناته معناته انا االلي قايلتلك قول قبل جم اسبوع وبعدين قمت وقتلها الصج يعني انا جدامهم الحين جذابه وحدي عصبت وطنقرت عليه وولا لي خلص حتى اكلمه ..(للعلم انه رايح بعد وقايل حق ابوه اي احنا ماقلنا حق امي الا توه لانه امي اذا قلنالها من قبل جان قايله حق الكل !!!!!!)
طبعا امها ماراح ياخذون موقف من ولدهم لانه هذا مهما كان ولدهم بس انا اللي طلعت بالشينه ومن ورا منو ومن ورا ريلي ؟؟؟؟
الصراحه انا انصدمت اول مره اشوف ريل يطلع مرته جذابه جدام اهله
لانه خالتي وعمي بروحهم مو ذاك الزود انا عندهم لانه كانو يبوني البس عبايه وانا رافضه وموعاجبهم اني البس بنطرونات فصورتي مو اوكي عندهم والحين ريلي عمى على صورتي مره وحده بانه طلعني جذابه
سامحوني على الاطاله بس لانه صج انا منقهره ومادري شسوي مع ريلي اللي احس تصرفه مادري اشلون
حتى لزواره اليوم مارحتلهم لانه الصراحه بعد ماطلعني جذابه جدامهم اشلون اروحلهم ؟!!! الشغله مو سهله
بس اذا تبين الصج انتي غلطتي
يعني البيبي مقل ماهو ولدج انشالله او بنتج
اهو ولد ريلج او بنته
واذا انتي ماخشيتي عن خواتج وامج فلازم اهو مايخش عن خواته وامه
بتقولين امه بخور السوق وماتخش شي
هذا شي ماله حل شتسوين بعد امه جذي
المهم الحين الشي صار واستوى
اللي عليج الحين انج تبررين موقفج
قولي حق خالتج انج لما حملتي كنتي تعبانه والدكتور خرعج
فما حبيتي تقولين لأنج كنتي خايفه زياده عن اللزوم وماحبيتي تبشرينهم وتونسينهم بعدين لاسمح الله يصير شي وتضيق خلوقهم
وقوليلها حتى اهلي ماحبيت اقولهم واذا اهي تدري انج قايلتلهم قوليلها ماقلتلهم الا عشان كنت خايفه ومادري شسوي
وانشالله عاد تعدي السالفه على خير
الله يوفقج حبيبتي ويتمم عليج حملج
المفروض امج وابوج وخالتج اول من يعررف
وشيئ طبيعي بتزعل وتاخذ على خاطرررها
وريلج اهو الي غلط بس انا حاسه انه عن حسن نيه ماعرف يجذب ف توهق
استسمحي من خالتج وعمج وقوليلهم انج كنتي محلله بذاك التاريخ الاول بس ماكان اكيد ولاا تأكدتو الا قبل اسبووعين << شرايج بالجذابه الكبرى:d
قلنا البكر ما تقول تغبي بس مو على الحمولة و العم و الخالة بالزات ! عيييب الصراحة
حتى لو جان قلتيلها و حرصتيها ما تعلم ! مو تحمقين على ريلج ليش يعلم بعد اهيا ام و تدري انج تحسبين دورتج اكيد ما راح تصدقة !
ديري بالج كلش ولا مشاكل مع الحمولة حشميهم عشان يحشمج ريلج ويحبج انتي و اهلج
بس انا ماغلطت انه قلت حق خواتي وماقتلها اهيا
بس اهوا قاعد يقولي كا مرت اخوي اول ماحللت راحت وقالت حق امي انتي ليش ماسويتي جذي قتله لاتقعد تقارني باحد كل واحد وعنده وجهة نظر من الموضوع .. وبعدين اهوا يدري انا ليش ماقلت لانه قايلتله كانو مقرليلي عمليه وقتله ماني قايله لانه اشوف شنو اخر هل موضوع يعني عارف بكل شي قاعد يصيرلي فوق هذا قام وطلعني بالشينه .. والصراحه انا اعتقد انه مستحيل اروح حق خالتي واقعد ابررل لها لانه احس مالي ويه حتى بروحتي لهم .. لانه الحين تلاقينها قالت حق الكل اني جاذبه عليهم
وانتي غلطانه من فوق الى تحت
اعتذري من خالتج
حتى لو خالتج تنشر الخبر المفروض تقوليلها .. ومالوم ريلج لمن يقولج خنقول حق امه
لانه بيقول شمعنه قلتي حق امج لا وبعدخواتج وانا امي شنو عشان ماتقوليلها!! وهمن لو قلتي بتنشر الخبر
ومن هالحجي الريال عنده امه فوق كل شي وعنده امه لا ماتقول ولا تسوي
فسامحيني والله انتي الغلطانه بالسالفه كلها ومالومج بهالشي لانه خايفه وعادي
بس همن تحز بريلج انه امه ماتدري و وده يقولها
وريلج همن طريقته مو حلوه
بالحالتين انتو الاثنين غلطتو 
وانتي طولتي ثلاث شهوور واجد
واصلا لو مشت عليها بتعرف اذا ولدتي
شنو بتقوليلها ولدت بالسابع والظاهر زوجج طالع على امه مايعرف يقضب لسانه
هههههه
وانج ماتبين تعتذرين هذا غلط اكبر…وتبين صورتج تتحسن عندهم مايصير ياقلبي
لازم تعتذرين وتبين لخالتج وضعج وانج كنتي مو متأكده وخايفه
ولازم تتقربين منهم عشان يحبونج…ترى الوضع عادي لاتتأزمين منهم هم اهما يحبون لكم الخير وودهم انكم تيبون عيال
يعني الشغله مافي حسد ان شاءالله
الله يتمم عليج ومبروك الحمال
بس كلكم لمتوني ومالمتو ريلي على تصرفه !!
وجانزين لو امي موجوده جان قتلها بس امي الله يرحمها متوقيه فماكو غير خواتي اللي اقولهم
وانتي اللي حطيتي نفسج بهالموقف!
خلاص متى ما بغت الوحده تقول .. تقول . مردهم بيعرفون وانتو ما راح تخشون عنهم اول وتالي بتقولون لهم .. وصج ياما سمعنا ناس اجهضوا من العين بتقولون قضاء ومكتوب اقول لكم صح بس هم العين مذكوره بالقرآن ؟
وما اشوف انج غلطتي بشي والغلطان اهو ريلج اللي مايعرف يتكلم شفيه والله قهرني ليش سوا جذي ؟؟؟؟؟؟؟؟؟؟؟
الحل انج تروحين الزواره عادي وراسج مرفوع ولا جنه صاير شي طاف بس حبي راس خالتج وخلاص واذا تكلموا قطيها براس ولدهم عاالاقل اهو يمون عليهم ما راح يشيلون عليه .. وقولي له انه اهو اللي ما يعرف يتكلم وانتي ما كان قصدج جذي وخلاص عاد رقعي قولي اي شي
والله يهديه شكله لسانه فالت يسبب لج مشاكل بغنى عنها قولي له انت المفروض تكون على قلب مرتك وما تخرب صورتها جدام اهلك
ومشكوره اختي مهناز على ردج والصراحه بردتي جبدي وحسيت انه في احد واقف معاي بعكس الباجي اللي كلهم لاموني ووقفو ضدي
لاتزعلين الموضوع غلط وريلج غلطان لانه المفروض اول مادرى فرحة اميمته مو ماشي ورا سوالف مالها سنع !!!
لو امج رحمة الله عليها عايشه جان ماعجبها هالموقف لانه بصراحه يحز بخاطر الحريم الكبار ……وبعدين خير ياطير وخالتج علمت الناس وفرحه وفرحت اللى تحبه شصار انتى المره الوحيده اللى بالديره حامل وياحرام بصكونج عين لاياقلبي النس عندهم خير…….
لاتزعلين من اسلوبي بس سالفتج مالها سنع ولا لها داعى وذولى ناس اكبار اندور رضاهم واللى يفرحهم مو نخشخش عنهم ……!!!
وبعدين قيسي الموضوع عليج باجر اذا الله قومج بالسلامه ان شاءالله ورزقج الولد الصالح وبلغج فيه وزوجتيه وتنطرين اليوم اللى ايي ويقولج يمه مرتى حامل بس زوجتى قالت لاتعلم هالحين بعدين احسن وربج ماتزعلين ……….؟؟
وربج ماتاخذين بخاطرج من جنتج انها عادتج غريبه اوعادتج بخور السوق اتخشخش عنج سوالفها……..؟؟
واااااااخزياااااااااااه بس
بس بالعكس لو اهيا كانت طيبه معاي وسنعه جان انا ابنفسي ييت وقتلها لانها عمتي قبل لاتصير خالتي
بس اهيا ابعدتني عنها بتصرفاتها وكلامها لي جدامي ومن وراي معنها اهيا خالتي وعمتي بنفس الوقت