|
بنات شلونكم حبيباتي ..
شخباركم ..
ان شاء الله الشهر الياي بيصيرلي سنتين متزوجــة ..
وريلي الحمدالله واااااايد وووااااااااااااايد زين وحيل طيب وخلووووق وملتزم والحمدالله مريحني على الاخر
بس فيه مشكلة ومضايقتني ..
الا وهي الفلوووس ..
بتقولون شلون الحين اقولكم شلوون …
راح اذكرلكم مواقف صارت معاي ..
قبل مدة اخوه كان ماخذ سيارته ودعم فيها والسيارة حيل تعورت المهم وداها الوكاله والا تصليحها 2800
والا ايي يقولي السعر واهو ماكان عنده الا 1000
((بتقولون اخوه ليش مادفع اخوه ما يشتغل وابوه شوي بخيل ماراح يعطيه))
جان انا اقوله ماعليه انا عندي اسهم وابيعهم واشوف جم يصيرون والا سعرهم 1400
بعتهم كلهم وبقى 400 خذيتهم من الوالده ((لاحظوا ان انا اللي تصرفت واهو ماسوى شي))
طبعا عطى الوالدة الفلوس بس انا ماشفت شي ..
ومرة احتاج فلوس وهم عندي طقم مو لابسته ومالبسه رحت بعته ب 450 واهو يجيب اكثر بس كان محتاج وعطيته ولا فكر يرد الفلوس ..
وهم موقف ثاني حرني حيلللللللل كنا اخر الشهر وصج ماعندنا ولا فلس دق عليه عمه قاله يافلان ابي فلوس محتاج ريلي اتسلف من رفيجه عشان يعطيه ولما عطاه قاله هذي عطيه مو دين لاتردهم !!!!!
المهم وايد صارت مواااااقف انا وقفت معاااه واهو يتشكر ومايبقى كلمة مايقولها بس عمره ماعوضني عن الفلوس ..
المشكلة اللي صارت الحين ان توظفت بشركة نص دوام ((لاني ادرس))
وومن هالشهر راح ينزلون لي المعاش وتوقعواا شنو اول كلمة قالهاا لي ..!!
مبرووك !!
لا
ان شاءالله تتهنين فيه
هم لاااااا
قالي جم راح تعطيني من معااااااااااااااشج
والله اهني حيل حيل انبطت جبدي وانعقد الساني ماعرفت شنو ارد عليه
تخيلوو معاشه تقريبا 1000 وماعندنا الا مصرف اليهال وقصد السياره ..
يبقالنا تقريبا 800 ..!!
وانا ماني ماخذه منه شي !!
بالله عليكم شسوي !!
وشرد عليه وشقووله ..
تخيلوو بدل ماهو يصرف علي يبيني انا اعطيــه ..!!!!!!!!
حبيباتي ابي طريقة ارد فيها عليه بس تكون حلوة وبدون تجريح .. ويعني ينحرج مني ومايرد علي ولا على طاري الفلوووس
لاني صج صج تعبت ..
وايد تصير اشياء بخاطري ومااطلبهااا اخاف اني اضغط عليه ..
ابي حل بليزززز لاني صج تعبت وهالشي قام يأثر بنفسيتي
مشكلتج وااايد سهله بس انتي مو عارفه تحلينها
انتي عوتيه ان كل ما احتاج تعطينه خليتيه يفكر ان بس تخلص الفلوس بتعطينه من غير ما يقولج !!
اللي راح تسوينة بس اهو لمن يكون يبي شي او حسيتي انه يبي شي سوي نفسج ما تدرين ولو قالج قوليله ما عندي خلصو ولا عطيت امي ولا اختي مثل ما يسوي انتي سوي وشوي شوي راح تحسين ان قاعد يحافظ على الفلوس
صدقيني اذا ما غيرتي من طبعج ماراح يصفالج ولا فلس
والله يفتح كربتج بحق محمد وآل محمد
لان كل شي ولا ان المره تحس انه زوجه بخيل عليه صعبة حتى لو تشتغل والله كريم
اذا توظفتي يمعي لج افلوس و ديربالج تعطينه مره ثانيه
وخليها على ضحك لا تشدين قولي طاع هذا المفروض تعطيني مو تاخذ مني الرجال قوامون على النساء .. انا بستانس بمعاشي دام مداومة وتعبانة ماني معطة احد والا اقعد بالبيت احسن ..
خلاص اهوه بيفهمها ..
ولا تخربينه اكثر من جذيه ..
مشكورين عالردود والحلووول ..
انا معترفه اني خربته .. وندمانه والله ..
وان شاء الله بجرب الطريقه اليديده ..
تسلمولي
خليه وكللا قولي ماعندي ويه معاشي طار عطيت أمي وشريت لي ملالبس
جذبي عليه
تسلميلي هالحل ..
بس ريلج منجب وما يستحي
المفروض يزيدج مو ياخذ معاشج
لانك بتظل الريال والمسئول عني
ع الاقل يستحي على دمه ومايطلب اذا ماعطاج
هذا لانج عودتيه على جذي بس الي تسوينه الحين انج ماتعطينه قوليله ماعندي وطلبي منه فلوس علشان يتعود اهو الي يصرف على البيت شوي شوي
يمكن دفش شوي..حب يتغشمر..قطها بدفاشة…
وسالفة الفلوس اللي ما يردهم..احس انه مفكر انج واهوا واح..مابينكم فرق
خليتوني اتحلف بريلي لوول
تسلمون ياقلبي واله ماقصرتوو وان شاء الله بجرب اسلوب ثاني معاه ..
يابختي
لا يوم قطها كان قاصدها لانه للحين يحن ويبي يعرف جم راح ياخذ /:
قولي له أنه أمج محتاجة وعليها دين وانا أعطيها من معاشي ومايظل لي شي …والمفروض اهو يعطيج مصروف ولا شحقه الرجال قوامون على النساء … قولي له رأي الشرع في هالشي بس بهدوء :قولي له انته ما تقصر واذا عندك تعطيني أدري فيك (عشميه ومدحيه بس حسسيه المدح من قلبج) وحاولي توصلين لحل انه يعطيج مصروف ويشيل باله عن معاشج .
ليش مستحيه
ان قال افااااا
قولي افا عليك انت تطلب من معاشي
هذا بدال ما تزيدني
فشليه
وان خربط قوليله انا تلقاني وقت الشده وهالشي مو يديد عليك
ون صارت شده لا سمح الله انتي عاد قولي الفلوس بااااح
عطيت فلانه
شريت جم شغله…الخ
انا ما انحسج على ريلج بس لازم تحطين حد