ريلي ذبحني يوسوس بالعين والامراض وغامض

بنات بشكيلكم همي وابي شوركم

انا توني مالجه من شهر

تزوجت ريلي عن حب والحمدلله ريلي من اول ماتعرف علي تزوجني مانطر خصوصا اني حلوه حيل وكنت اقوله هالشي بس ماخليته يشوفني الا لما خطبني فبيت اهلي والله يعلم انه حبي الوحيد وما لعبت وياه وكان تجربتي الاولى والاخيره يارب

انا وافقت عليه سيدا بعد ما تأكدت من جم شغله يهموني بس مع الوقت اكتشفت انه يوسوس حيل بالعين(وقالي من قبل اهو عن هالشغله) خصوصا انه صار له شي من جم سنه وماقالي شنو صار وياه بس قبل لا نملج انا جتني ضيقه منه وكانت قويه بس ابي اتهاوش وياه ادور السبه من تحت اظافري واشك انه عنده سوالف والحمدلله تعوذت من ابليس و اهو هداني واحتواني بس تضايق حيل من ذيك السالفه وحتى انا اول مره في حياتي احس شلون ابليس يدش بين الناس لدرجة اني خفت احد ساحره بس اهو طمني انه مو *** اللي فيه عين

الحين انا وياه على انا تونا مالجين واحبه وادري اهو يحبني لكنه يتجنبني احسه خايف يصير بينا شي وقت الملجه واقوله طلق رغم انه عمره هالشي ماطرى على بالي حتى لما تهاوشت وياه قبل ما فكرت اتركه اقوله مرني الدوام اشوفك وتشوفني مايهتم يفضل يحط راسه وينام (دوامه شفتات) حتى لو كان سهران على النت او التلفزيون مو بدوامه اقول تعبان(ولا تسألون ليش الدوام انا اهلي مايرضون طلعات اذا يبي يشوفني عندهم واهو يستحي منهم)

ومتحمله بس اللي مضايقني ومخوفني انه ماخذني على حب وقايل حق اهله واحنا رغم انا متحضرين الا انا بدو بالاساس واهو طلع يصير لناس يصيرون لي مايحبوني واهله ما ادري عنهم اهم مقتنعين فيني والا عشان ولدهم يبيني والحمدلله انا ماعلي قاصر من جمال وشهاده وعقل واخلاق ودين بس خايفه ومو قادره ابين خوفي اخاف يحس اني ماعندي ثقه بنفسي

ريلي متحضر اكثر مني بس فيه طبايع البدو باقيه انه المرا لو يعطيها ريلها ذاك الطراق ولو شنو مايسوي فيها عادي ومو لازم تعرف كل شي يعني ربعه لي هاليوم ماعرف اسم رفيجه ؟؟ولما اصريت اعرف قالي ولد عمي ؟؟

انا عكسه بهالاشياء متربيه فبيتنا انه الطق ممنوع منع قاطع و الكلام ينحسب له الف حساب واهلي مدلعيني واخواني مايسولفون عن ربعهم بس مايتحسسون من هالشي مثله

الخوف شاغلني وانا طبعي كتومه ما احب اتكلم بشي لأحد خصوصا انه الوالده والوالد مو موجودين واخواني وخواتي اصغر مني واحب اقول اللي فقلبي له اهو من بد الناس

اهو حاس بخوفي بس بدال مايحتويني قاعد يصد ويبرر انه مشغول بدوامه وتجهيز العرس واشياء ثانيه يجبرني اتحمل واسكت

مدري خوفي عادي وطبيعي مدري انا مكبره السالفه

تدرون ساعات اخاف انه في شي خاشه عني وانه مريض نفسيا اخاف منه

حتى لما يكلمني عن الاشياء الخاصه ويسألني شنو لابسه وغير جذي اتهرب رغم اني احبه وابيه وافكر بهالاشياء بس اتهرب وابرر له اني افضل نأجل هالسوالف ليما العرس عشان لايصير فينا برود وانه هالسوالف مو زين نسولف فيها وجذي وبعدين اتحسف واحتر ليش ماعطيته ويه عاد الحين اهو اللي بطل يسولف وايد بس سألني اذا افكر بهالشغله معاه وابيه والا لأ وانا قلت له الصراحه اني ابيه وافكر بهالشغله معاه واتمناها والحمدلله ماحس فيوم اني رافضته اهتميت ابين له اني احبه بس مابي نستعيل بهالاشياء خصوصا اني رغم اني كملت ال25 الا اني اجهل بعض اشياء اهو علمني وفهمني اشياء ومنتداكم فتح عيوني على الاخر

تعبني غموضه وبردوه اللي فجاه صار بيوم وليله وحساس انا مهما قالي اطوف ام اهو اذا مازفني يتحلطم اذا ما تحلطم حمق وتافف

هل هالشي كلكم مريتو فيه وعادي والا فيه شي

يمكن بحكم انكم ما تطلعون وما تقعدون مع بعض اتحسين انه غامض وقضية الوسواس انت ساعديه وعطيه الثقه علشان يعدي هالمرحله وان شاء الله يبارك لكم بالزواج

اقوله انت مافيك الا العافيه انت اصلن تبي حب وحنان بس مو عارف شلون تلفت الانتباه

تصدقين ساعات يخاف مني اصكه عين جان اطنقر عليه واقول ها مو توسوس فيني عاد مابقى الا انا تخاف مني اللي عندك زين كله لي ماراح احسد حلالي

الله يهديه لج ويسخره لج
بس تتزوجون ينتهى كل شئ عجلو بالعرس
والله يوفقكم يارب

كل هذا ممكن يروح وبسهوله بعد التأقلم والعشره
واهم شى لاتطالعين عيوبه طالى مميزاته اكثر
لان لو بتطالعين العيوب ماراح تلخصين لان كلنا عندنا عيوب
شوفى الشغلات المميزه الى حبيتيه على شانها
وبهالطريقه انتى راح تتقريب له والعكس صحيح
وعسى الله يوفقكم

الله يهديه لج ويسخره لج
بس تتزوجون ينتهى كل شي
والله يوفقكم يارب

الله يجزاج خير ويسمع منج

اهو بيعجل بالزواج اكثر مني

وهالشي يخوفني اكثر بس اتعوذ من ابيلس

والله ساعات احاتي شنو الشي اللي خاشه عني

انا تقبلته بكل مافيه والاهم احترمه حيل

مو مشكلتي عيوبه مشكلتي غموضه وياي وساعات اقوله انت تتضايق مني اذا زعلت لو ماقلت لي وين رايح انا محتاجه اوثق فيك اذا خشيت عني بقعد اقول لو مو رايح يسوي شي يستحي منه جان قال

هم انا بنت ماعرفه عدل واهو مو مستوعب هالشغله يعتبر معرفتي لكل شي من باب ابي اتحكم فيه

مو عارفه شلون اتعامل معا هالشغله واذا ضقت قال هذي عين وصابتنا ؟؟

امبيه مايمر اسبوع واهو مو رايح لطبيبين ثلاث وهم الشغله مو مضايقتني وايد حاسه انها بتزول بس اللي مضايقني انه لو صار بينا شي قال عيون

اتعب افهمه عادي احنا بشر ولازم يصير بينا اي شي

يارب

الله يجزاج خير

حبيبتي ان شاءلله ماكو الا العافيه
ويمكن هذا كله توتر منكم الاثنين لانكم للحين ما تعودتو على بعض
ومثل ما قالو البنات ان شاءلله عقب العرس كل شي يتغير

الله يعين انزين انا متوتره لانه اهو اول تجربه في حياتي اهو ليش متوتر

عمره29 مو معقوله ماعرف بنات قبلي ساعات بخاطري اسأله وساعات اقول مابي اعرف ماضيه قبل اخاف يسبب لي مشاكل

الله كريم انا الحين صرت اخاف يصير شي قبل العرس وما ادري متى بيحدد

الله يجزاج خير

قوليله يواضب على اذكار الصباح والمساء ويرقى نفسه وانتى بعد
وبعدو الوسواس عندكم وماعليكم شر انشالله

ان شالله

الله يجزاج خير