|
|
السلام عليكم
بنات هذي القصه قصه وحده معاي بالدوام يعني انا بعييييد
ومالي شغل غير النقل القصه فقط ومن الحين اقولكم مابي تجرحين الموضوع يخترب لان المشكله كبيره وهم ابي ايي وحده
تخون ريلها تتعض من هالقصه وتووووب
هذي البنت معاي بالدواااااااام جميييييله وجذااااااابه حيييييييييل احنا البنات قلبنا يزوغ عليها اذا شفناها فما بالكم الرياييل
طبعا هالبنت متزوجه وعندها عيال , وبصراحه الموظفين اللي عندنا بالدوام مو تاركينها بحالها يعني كل شوي يتعذرون
بالشغل بس عشان يكلمونها ,والبنت حيييل محترمه ما شفنها عليها شي كلش وحييييييل خلوقه المهم علاقتي معاها كل يوم
تزيد وكله تقعد بمكتبي ونسولف ونشرب قهوه مع بعض يعني صارت العلاقه قويه نوعا" المهم البنت قالتلي عاشقه ابي اشوفج
برد الدوام ابي اكلمج بموضوع خاص و مصيري المهم اتفقنا ان روح نتعشى بمطعم عقب العشا بدت تقولي قصتهاااا
تقول :
اهلي زوجوني وانا عمري 15 سنه خافوا علي لا اتهور واكلم شباب لاني حيييييييل حلوه خافوا لا اسوي فضيحه فزوجوني
زوجي وكان عمره 18 سنه , المهم تم الزواج زوجي مراهق وانا بعد مراهقه زوجي كله طااالع مع ربعه وانا كله بالبيت
اخدم خالتي وحمويني وحمواتي وما كنت اتكلم حسبالي هذا وضع اي وحده متزوجه وليه بغيت اروح السوق ريلي يعطيني
20 دينار بس مصروف وهم كان عادي حسبالي هذا مصروف الزوجه لاني ياهل حملت باول ياهل وانا عمري 16 سنه
وحملت بالثاني وانا عمري 17 سنه وحملت بالثالث وانا عمري 18 سنه وطبعا طول هالفتره انا ادرس مسائي وتخرجت بس
نسبتي كانت ادخلني معهد زدشيت معهد وكملت دراستي لين تخرجت وصار عندي دبلوم المهم بالمعهد بديت اشوف البنات
تلبس وتكشخ وانا طرقي طرق المانتو بو 5 دنانير اللي ينباع بالقيصريه لما كاوا يسولفون عن ريفرآيلند اقولهم شنو هذا
ووين صاير لما يسولفون عن زارا نفس الشي ابقق عيوني @@ لاني ما اعرف غير القيصريه اللي اشتري منها الموانتوا
طبعا ابيت اهلي امي اللي كانت تروح تشتريلي ملابسي كانت تخاف اطلعني من البيت بسبب الشباب والملاحق والتحرش
كانت تخاف على انغر واغلط معاهم , المهم اعانه المعهد كان ياخذها مني اول بأول كنت احسب هالشي طبيعي مساعده
بين الزوج والزوجه المهم تخرجت من المعهد توظفت هني بديت اتغير صار معاشي لي بديت اروح السوق بدت شوي شوي
اتبع الموضه قمت اروح الصالون اللي عمري ما دشيته الا مره وحده يوم عرسي طبعا لان زوجي ما كان يعطيني الا 20
شغلي كنت اسويه بالبيت بروحي , بمعنى اني انفتحت قمت احط مكيااااااااج يعني تغيرت 360 درجه رديت احلى من اول
صرت كلي انوثه هني صار عمري 23 سنه ريلي طبعا لا مباله كل ما اقوله طلع يقولي لا بطلع مع ربعي كل ما اقوله
خسافر يقولي ما عندي فلوس هذا غير اهماله لي الفير يطلعني من البيت اروح اشتريله من المطعم طبعا قبل ما كان
في توصيل نفس الحين لان الحجي من 15 سنه تقريبا المهم ريال لا مبالي صج انه ما يكلم وما عنده خرابيط بس اهماله
وعدم غيرته علي كانت تذبحني وصار يبعد وانا ازيد انوثه حتى بالفراش بس قضاء حاجه ما يعطيني حقي
المهم تقولي من كثر ما احن عليه على الطلعه قام شرالي كمبيوتر واول كانت الهبه بالايرسي قالي دشي وسولفي وضيعي
وقتج وتسلي تقول دشيت وياريتي ما دشيت , تعرفت على واحد وقمت كل يوم ادش واسولف معاه بالنت بالساعات تقريبا من 5
ليه 7 ساعات باليوم تقول تعلقت فيه واهو تعلق فيني وقتله اني متزوجه وعندي عيال وعرفت انه متزوج وعنده عيال
يعني قتله كل شي عني واهو قالي كل شي عنه صارت علاقتنا قويه وكل يوم العلاقه تزيد طبعا دامت علاقتي معاه 7 سنوات
وشهر و ماباقي شي واندش السنه ال8 طبعا كل شي صار بيا خلاص صار يعاملي كزوجه مو عشييقه يصيرف علي نطلع
نسافر نروح نرد قمت احس اني زوجته المهم حملت منه ويبت منه طفل وهالطفل الحين بالابتدائي وطبعا تسجل باسم
زوجي وانا كل ما اشوفه يكبر جدامي اشوف شجره الزنا والاثم تكبر معاااااااااااه عندي ولد حراااااااام ومسجلته باسم
زوجي وهم اللي اكلمه موراضي بالوضع واكثر من مره طلب مني اطلق عشان الطفل , تقول انها تعبت وتبي توب
بس الياهل تقول انها سئلت مشايخ دين وقالوا لها لازمة تصحيحن الوضع لازم تقولين حق زوجج وتعترفين له تقولي شقوله
اقوله ( ريلي حبيبي سامحني هالولد مو منك )
بس حبيبتي دام الشيخ قالها لازم تصحح الوضع يعني لازم تعترف حق ريلها عشان لاتختلط الانساب مايصير حرام لاتستغفل زوجها وخل تتحمل منه الي راح إييها منه بس المهم انها تعترف
والله يغفر لها هالذمب الكبير الي ارتكبته بحق نفسها ..
بس كل اللي مرت فيه مو عذر ولا دافع ياما حريم حاشهم العن من اللي حاشها واصبرو
الله يهديها ان شاءالله
شقول شرد شكتب!
الله يستر عليهاااااا وعلى المسلمين ياااارب
يعني الجمال المفروض يكون نعمه للوحده مو نقمه مفروض تصون نفسها بنفسها ماتركض ورا شغلات حرام حتى لو ريلها شنوو ومهما كان مقصر بحقها
اذا اهيا مو مرتاحه معاه تطلب الطلاق ولا انها تسوي الي سوته ،، قلة الوازع الديني والابتعاد عن الله سبحانه وتعالى وماكو رقابه لا من نفسها ولا من زوجها اهي الي خلاها تطيح بكل هل سوالف ،، واهي بهل شي الي سوته يسموونه بعلم النفس عوضت (التعويض)) وهذا اكبر غلط انها تعوض بشي غلط وحرام وتقعد تعطي مبررات مرفوضه
لا حول ولا قوة الا بالله العلي العظيم
الله يستر عليها وعلينا وعلى بنات المسلمين
نسال الله الستر في الدنيا والاخره
يالله سترك
والله يهديها يارب