|
|
واااااااااااااي اليوم من قعدت من النوم وانا حياتي فيها اكشن
واخرها
ريلي الحلو
يايني يقول لي اليوم جاري اللي تحتي لقيته متضايق المهم سولفت معاه ورشيته بزقارة
جان يقعد الجار يشتكي حق ريلي
يقول : هو متزوج وحده مو كويتيه ولا عندها اهل بالكويت المهم ان عاند اهله عشانها ويموووووووووووووت فيها
بس عنده مشاكل معاها :
اولا : طباخها مو مثل طباخنا يقول ذبحتني بالخفايف لاني ما حب اكلهم احسه زفر فقامت ما تسوي الا كبب وسلطات 
ثانيا : يقول بيتها على طول وصخ تنظف بس مو تنظيف سنع بس شكل
ثالثا : ماعندها احد يعلمها سوالف الحريم ( شدعواااااااااااااااااا اهلها مو قايلين لها )
رابعا : ذوقها هيلقي وايد متعوده على لبسهم وعطورهم ملوت هناك
خامسا : يقول الصالونات ماتعرفهم شلون صايرين ( تقوله انا ماعرف حق صالوناتكم )
سادسا : ماتبي تحمل لين اييب امها ويقول مابي احد ايي يقعد ويكتم على حريتي
المهم
السبع اللي عندي قال له ابشر .gif "Eh S(6)")
مرتي تعلمها تطبخ وتعلمها من وين تشتري وتاخذها معاها الصالون
قال له والباقي لي طاحت بينهم الميانه ( انا وهي يعني ) تكلمها بالمواضيع الباقيه
وتدبست فيها
مو مشكله انا احب اساعد
اعلمها تطبخ عادي
اوديها السوق عادي
والصالون بعد
بس هي هل راح تتقبلني
وبعدين انا تعبانه مو فاضيه بصراحه
المهم اني تدبست
مادري شسوي مو حلوة ما سوي اللي ريلي قال لي اياه يصغر بعين الريال
ولا حلوة اجاملها على حساب نفسي
مادري شالحل
شتشووورون علي
بس مهما كان تعتبر غريبه
تلاقينه بجرير ومركز سلطان
يعني اوكي حاولي انج تتواصلين معاها .. بس في نفس الوقت تعذري بالحمل وتهربي منها .. بشوية تمثيل ومبالغة بتعبج .. ما اقولج جذبي لا .. الحامل اكيد تتعب …. بس الي اقصده .. يعني اذا تعبانة شوي من الحمل بااالغي سوي نفسج واااايد مريضة .. ومو قادرة توقفين على حيلج .. وكنسلي مواعيدج معاها وشوي شوي لمن ينسى الموضوع … وبيني لها انج تبين تساعديهم بس الحمل مو عاطنج فرصة ….
ترى اليهال افضل عذر للتهرب من أي شي هههههه
الله يتمم عليج حملج ويبارك لج فيه ويرزقج الطفل السليم المعافى تام الخلقة وجميل الطلعة
وتقدرين تاخذين وتعطين معاها .. وتصير صديقتج
وطبعاً اكيييد بتقول المره حامل مستحيل تجابلني 24 سااعه ممكن تقدر شووي
وان شالله البنااات يفيدونج .. موووفقه :d
بس أقولج مسكي العصاية من النص يعني لا تحرجين ريلج مع جاركم ولا تتحملين المغثة على حساب روحج
أوضح لج أكثر
يعني جابليها مره مرتين أسبوع اسبوعين وبعدين شوي شوي خففي منها >> هذا في حالة طلعت غثيثة ومو متقبله
اما اذا طلعت خوش وحده وصج على ويهها ما تعرف شي >> لا والله تقربي منها واكسبي ثواب ولي طاحت الميانه ذيك الساع اتفقي معاها على المواعيد اللي تناسبج
واذا كلش كلش ما تحملتي يبه علميها على منتدانا وخليها تستفيد من تجارب البنات وما شاء الله المنتدى كامل والكامل ويهه سبحانه
بالأخير سامحيني اذا طولت عليج بس حبيت أساعدج لأني بصراحه أحب نكج (حرم راشد الماجد )
والله يوفقج
بس ماحب اسوي شي مو عدل يعني اذا بعلمها لازم اعلمها الشغل المضبوط
وانا هالايام مو طايقه نفسي
والا البنت ماعرفها وما بينا الا السلام
بس للامانه احسها مبلتعه بس تمثل ( الله يسامحني بس والله شكلها يقول جذي )
بعدين اللي فهمته من كلام ريلي
انها تسوي كل هذا عشان تييب امها بحجة ماتعرف
وليش ما تتقبلج بالله .!!!!
بالعكس راح تكتسبين الاجر ..وغير انج راح تكبرين بعين ريلج ..ويتفاخر فيج جدام جاره
كوني معاها جم يوم ..ويمكن راح ترتاحون حق بعض وتصيرون رفيجات..اما اذا ما بلعتيها ..فهاذا شي ثاني ..
يعني سوي اللي عليج وخلاص لا تحاتين
بس عشان كلام زوجج وموحلوه انج تكسرين بكلمته
سوي اللي قالج عليه
بس اذا طلعت غثيثه الله يعينج عليهااا
خوفي تصير مثل رفيجة اختي علمتها عالسوقه والصالونات صارت تغث اختي بالروحه والرده وكل شووي داقه عليهاا …,
بس يالله اكسبي فيها اجر
بس انا من رايي
تعرفي عليها يمكن تطلع حليوه
انا زوجي محترف يدبسني بتدبيسات جذي
عادي امرنا لله