ريلج و بنات الدوام

السلام عليكم

شلونكم يا حلوين
انا عضوه قديمه بالمنتدى بس مابي احد يعرفني فسويت هالنك

ريلج دوامه مختلط ؟
شغله يجبره يسمع مشاكل الحريم ؟ ( دكتور نفسي – محامي – استشاري …..)
لا زم يدقون عليه بره الدوام ؟

اذ اي شلون تخففين من غيرتج ؟
انا ريلي توه داش على دوام يديد يجبره ان يتعامل مع حريم و بنات و يسمع مشاكلهم الخاصه
بالبدايه غلطت غلطه كبيييييره ان لمه كان يسولفلي عنهم كنت اتنرفز و اتهاوش معاه و يهدينه و اقول لا خلاص لازم ما ابين غيرتي دام ريلي يحبني و مو مقصر معاي ليش اخرب بيتي
تلقيني جم يوم و ارجع اتهاوش معاه
لغايه قبل جم يوم تهاوشنا هوشه الله لا يعودها من هوشه صراخ و تكسر و مستشفى و كل هذا تخيلوا جدام اليهال لان وصل حده معاي من يومها قلت توبه خلاص لازم ارجع نفس قبل و ما احن و اتناجر بسبب الغيره
و بالمقابل و للاسف ان اتخذ قرار ما يقول شي عن دوامه

شلون اخليه يرجع يقولي كل شي ؟؟
و شلون امسك اعصابي ؟؟

بنات انا غيرتي مو طبيعيه شسوي مابي اخسر ريلي ابي اسحبه صوبي مابي اكون انا الزوجه الحنانه ابي تكون راحته معاي عشان ما اعطي فرصه حق غيري ان ياخذونه مني

لان يوم الي تهاوشنه و اهو معصب قال ان وايد يتله فرص من بنات بس اهو ما يبي
اخاف باجر بلحظه ضعف يميل حق وحده فيهم

منو مثلي ؟؟
نصحووووني
و الي ما تقدر تساعدني تدعيلي الله يخليلي ريلي و اترس عينه و يبعد بنات ابليس عنه يارب

تعوي من الشيطان واستودعيه ربج وحطي في بالج لو الله كاتب ان زوجج يميل لوحده وتاخذه منج حتى لو هو يشتغل عسكري في الحدود بتجي من تاخذه وبالنسبه لزوجج احس خلاص خذا موقف منج صعب انج تغيرينه بس ان شاء الله مع الزمن يتغير اذا عطيتيه الثقه ترى مو حلوه الواحد لما يعيش مع شخص يشك فيه والله صعبه مع الوقت بيكرهج من كثر شكج فيه
انا زوجي يشتغل في مكان مختلط و مو اي اختلاط لا معاه امريكيات عادي ماعمري فكرت نفسج وتهاوشت معاه مع انه وده لو ابين غيرتي منهم خلج واثقه من نفسج

ياعمري سوي اللي عليج وخلي الريال بحاله هذا شغله شسوي يعني
صج حره بس خليج ريلاكس كثر ماتقدرين ومع الايام بتتعودين
لاتخسرين ريلج حبيبتي

والله الحريم ماينعرف لهم اذا تكلم وقال وفضفض لج كسرتي وخربتي وطحتي بالمستشفيات واذا كله ساكت قلتو كله ساكت

بصراحه اغلب الحريم لا يعجبهم العجب ولا الصيام برجب الله يعين هالرياييل ..!

شوي شوي ماكو شي يجي بين يوم وليلة

وانتي الله يهداج شوي كونترول على نفسج مايصير جذي

ترا اغلب الناس الى جذي يصير بالنسبه لهم هالشي شغل لا اكثر ماينظرون له مثل ما احنا ننظر له

بعدعمري اكبر غلط انج اتهاوشين معاه بخصوص البنات اللي بداومه
والله لو اهو خايف من شئ او يبي يخش عنج جان ما يابلج سيرتهم بالاساس فا هدي اعصابج ترى ماكوشئ ولاتتخلين سوالف

انا ريلي يشتغل في مكان مختلط واغلبهم بنات فري وكان يقولي عنهم وياخذون رقمه من مادري منو ويدقون عليه يتحرشون انا معجبة فيك في القسم الفلاني …………….. والخ من السوالف
ومرة رحت عنده وشفتهم بعيني بنات صيع يبون بس رقم لو انه من فراش .. يثيرون الاشمئزاز
وخزوني خز لين قالو بس يبون يعرفون انا منو .. ليما عرفو اني مرته من السكيرتيرة تدرين انهم زادو عليه؟ ويتحرشون فيه اكثر ( شفتي صياعتهم وصلت لوين؟ )
بس انا مالقيت لهم بال لاني وااااثقه بريلي وادري بأي نظرة ينظرلهم
المختصر : اهني الثقة بنفسج وبريلج تلعب دور

الله يعينج

اعوذ بالله من ابليس و اهله
انا قاعده احاول اني ارجع الثقه و ان شاءالله انجح

مشكوووره حبيبتي

الحين انا هاديه معاه و بس ابالي يروح بعيد على طول اروح اسوي شي يلهيني عشان ما افكر هالتفكير
اي والله صاجه حرررررره مو طبيعيه بقلبي بس لازم اتعود هذا دوامه و مستقبله
مشكوره حبوبه

اهم شي خلي عندج ثقة بنفسج
وتركي عنج الشك
الي تحسين فيه شك مو غيره

انا واثقه من نظره ريلي بس مو واثقه فيهم و كثر الدق يفج اللحام

حاليا واايد مسويه كنترول على نفسي و ان شاءالله اظل جذي

مشكووووره حبيبتي

الله يعييينج ويخلي لج ريلج حبيبتي ويبعد عنه بنات الحرام

مو لازم يقول لج عن شغله هذا احسن حل ….

اهو قالي هالشي ان لو في شي جان ما ييت و قتلج عنهم
و على التحرش الله يهديهم هالبنات صاير عندهم اصرار و تحدي على المتزوج و خصوصا اذا ما يعطي ويه
مشكووووره حبوبه

الي يشتغلون معاه احس بغيره منعم بس المراجعين اخاف ابليس يلعب براسه و يحليهم بعينه و خصوصا انهم صيده سهله

بس لااااازم اثق بريلي عشان ابعد هالوساوس

مشكووووره حبيبتي