|
.،
السلام عليكم و رحمه الله و بركآته
يمكن بعضكم استغرب من العنوآن و يحقلكمـ صراحه !
آغلب الحريم تاخذهم العاطفه و يقولون حق رياييلهم آن تزوجتوآ نتطلق :/
و فعلا وآيد حريم من يتزوجون رياييلهم يقولون
ييب ورقتي حتى لو عندهآ 8 عيال أو 9 ّ! عادي تتطلق و مآ يهمها عيالها
تقول " مآ رآح يضيعون " و تنسى آنه العيال هذول يبون آب
يحسوون بحنانه .،
يمكن زوآج ريلج من الثانيه " خير لج و له " شلون ؟
انا اقولكم شلون .، يمكن ترتاحين انتي منه .، يمكن قربكمـ من بعض اهوة الي مسوي مشاكل .،
انتي مو متفاهمه مع ريلج و كآرهته و عندج منه عيال !
آنزين ليش تتطلقين و تشتين هالـ عيال خليه يتزوج بالحلال .، الشرع حلل آربع !
انا انا شخصيا " لو مو متفاهمه مع ريلي " و قربه مني مسببلي آزمه نفسيه و صحيه و جسديه
رآح اقوله روح تزوج و شوف حياتك و انا اشوف حياتي .، ليش آتطلق و اضيع بنتي
بنتي بعد لها حق على ابوها تبي تحس بوجوده .،
و انا بعد رآح آرتاح لانه يوم هنآك و يوم هني رآح آطلع على كيفي رآح آرتاح من مسؤوليه الريل شوي
رآح تخف المشاكل عندي بنسبه 80% !
رآح آهتم بنفسي و بيتي و بنتي و شكلي .، رآح يصيرلي تقريبا 4 ايام بالاسبوع
ارتاح فيهم آطلع انا بنتي .، نزور نستانس و رآح رآح و رآح !
و بالمقابل .، ريلي بعد رآح يلهى شوي عني .، و يفكي شوي .، يعني مو 24 سوي جي
ييبي جي .، قطي هاذا نزلي هاذا لبسي هاذا .، لمآآطلع يعلق علي
و على لبسي و على الميكب و على البيبي .، و على و على و على …. آلخ
رآح آرتاح نفسيا .، ! > ملاحظه : قاعده اقول هاذا في حآله لما انتي تكونين مو مرتاحه مع ريلج
اما اذا مرتاحه لا تقولين له روح تزوج
قصه وآقعيه حدثت و اعرف آبطآلها !
هاذي وحده الله يسلمكمـ يابت من ريلها 7 عيال بنتين و خمس صبيان
بس سبحآن الله هالـ مره صارلها مع ريلها 30 سنه
و آهيه مو مرتاحه مشاكل و تطلع من البيت ليه بيت اخوهآ تبجي و تتشكى
و حآلتهآ حآله يعني آنظلمت ظلم من ريلها بهالـ 30 سنه !
لا يطلعها حآكرها اهيه و بناتهآ .، ميننهآ تينن !
بعد الـ 30 سنه رآح تزوج عليها ! :/ شنوووووووووو طآيره من الفررحه الحين !
لو اقولكـم مآ تصدقون من كثر مآ آهيه مستانسه تخيلوآ
تحب عياله الي من مرته الثانيه
و على طول تقوله ييبهم عندي و تلعب معآهم و تستانس معآهم
و فوق هاذا طآلعه 24 ساعه و مرتاحه و مرات تطبخ مرات مآ تطبخ يعني على حسب المزآج
تقوم من النوم الوقت الي تبيه .، و اي مكآن يخطر في بالها تروح
و قامت تسافر مع آخوآنهآ .، يعني رآآآآآآآآآآآآآآآآآآآآآآآآآآآآآآآآآآآآآآآآآآآآآآحه !
تقول و الله لو آدري آنه حياتي رآح تنقلب 180 درجه و رآح آرتاح جي جآن من زمان قلت حق ريلي روح تزوج ! .،
صار كل شهر اييلها يعطوهآ فلوس و خلاص
بس طبعا أول شهرين بس آنصدمت و بجت بعدين فكرت بـ عقلها
و كل حريم الـ عايله الكرآم شجعوها آنه تبدي صفحه يديده و انه هاذي خييييره من الله (=
الزبده من الموضوع !
آنتي لو ريلج مطلعلج قرون .، مو راضيين تتوآفقون مع بعض !
آنتي يمين آهوة يسار .، يبتي عيال ؟ يطقج ؟ كل ساعه يهددج بالطلاق ؟ مأذيج بـ دنيتج ؟
اي ليش تتطلقين و تضيعين عيالج يا عسسسل ؟!
قوليله روح تزوج و عيشي انتي معززه مكرمه يصرف عليج يقط عليج فلوس كل شهر
و استانسي انتي و عيالج و عيشي حيآتج
" عسى أن تكرهوآ شيئا و هو خيرآ لكمـ " يمكن انتي تكرهين الفكره
بس لو تفكرين بـ المنطق و بـ عقلج بتشوفين
آنه زوآجه من وحده ثانيه 90% من صآلحج
ما ادري بس طبيعه المرا ماتحب احد يشاركها
بس تصدقين شوي اقتنعت بكلامج ان اذا كان مآذيها تقعد علا ذمته معززه مكرمه !
<< طموشه
الموضووع غريب وحلو
لا مستحيل اكيد كل وحده ما ترضى بهذا الشى
من ناحيتى الله لا يقول لو يفكر انا اقوله ما اتحمل يالله باباي انزين انا اتعذب كل يوم عشان بس عيالي ما يبعدون عن ابوهم اللحين الكل عايش مع الابو او من غير الابو
كلامج للمراءه الياءسه من زوجها
وصح بيفج عنها…بس مهما يكوون
للمراءه غيوووره ونحب تملك الشخص
مشكوره عالموضوع
يمكن هذي مرتآحه لآنها مره كبيره وعآآنت 30 سنه منه ..
بس تخيلي الوضع معآي
آقشر / بخيل / يمد ايده / شين وقوي عين
آادور رضآه حبآ فيه وآتقآء لشره
بيوم وليله يتزوج .. ويتغير مع الجديده .. يدلعها يوديها يحترمهآ
تعيش الحلم الي انا كنت ابي اعيش فيه ..
والله آحرقهم حرآق هم الاثنين .. هي فووووضى والا آيه ..!
نفس تفكيري
وحده من أهلنا الله يستر عليها ريلها مأذنها ويطقها طق وعصبي جدااااا
وانا دااائما اقول لو اني منها كان خليته يتزوج عشان افتك منه ومن غثاااااه
ومرة من المرات قلت لريلي لو اني مو مرتاحه معاك وتطقني والا تتهاوش وياي كان خليتك تتزوج عادي
عالاقل افتك ويخف الضغط علي ,,
واعرف وحده بعد ريلها مو الى ذاك الزود وياها مو مرتاحين مع بعض وكله يتهاوش معاها وماتروح بيت اهلها بس عقب ماتزوج عليها ماشاء الله تبارك الرحمن الله لا يغير عليهم طلعات وروحات ويا ريلها لا ومرته اليديده عرفت له عدددل هي اللي تتهاوش وياه فعرف انه كان عايش بنعيم ويا مرته الاوليه
,,,,
ادري فيه ناس مايتحملون الشرايج وطبيعتهم جذي وانا بعد اذا جينا نتناقش انا و ريلي وقلت له عن الزواج الثاني يقول لي بس كلام لا راح تتحملين ولا شي !!
ثنكس عالموضوع
كل شي الا الشريجة صراحة
لآاله الا الله محمد رسول الله
في حريم ما يتقبلون كلش
المراه اللي تقدر ذاتها بصوره كبيره ما اعتقد راح تقبل بالشي هذا
نفسه شينه وبخيل ويطق ومايتعاشر معاه ليش لا
خله يتزوج الله يهنيه
بالعكس فكره حلوه
ابرك من اتطلق وعندي كوكش يهال
اقعد ع قلبه
ههههههههههاي
بس صح يمكن بالبدايه مااتحمل
لمن تفكرين فيها تطلع صح
وتفكيرج صح 100%
المرا اذا تطلقت اهي الخسرانه حتى لو تيلها نفقه ومسكن
تتم اسمها مطلقه والمجتمع مايرحمها
للاسف هذا تفكيرهم
اما اللي ريلها يتزوج عليها الكل يشوفها مظلومه
وتكون كبيره بعين الكل
\
اما اذا كانت بنت لا الاحسن انها تنفصل وتشوف حياتها مع شخص يقدرها
\
طيب انتي عندج ضمانه انه بيصرف عليج
اعرف كذا وحده ميعرفوونهم لا بمصرف ولا غيره
يقوولها رووحي حق ولدج يصرف عليج طيب الولد الفقير بيصرف علي بيته ولا خواته ولا امه واذا راتبه قليل
اووكي
بتفتك منه بطبخ ومن حنته بعضهم اذا خذ وحده جاء افلانه سووت مو انتي افلانه متصرف علي متطلب مني يربي هذي ام عيال والعيال مترحم
يالله حليه لي