رويال

مرحباااااااااااا بنات

شلونكم ياصديقاتي السمينات

منو فيكم جربت جاي رويال ملين

انا جربته واحس انه شوي يلين البطن ياليت الي مجربته تقول نتايجه

منو اضعفت عليه

_03ba:

حبيبتي نصيحه لوجه الله لا تجربينه واذا شريتيه دوري اقرب زباله (عزكم الله) وقطيه

انا اعرف وحده سنين صارلها مع رويال وصار فيها سرطان بالمعده (اسملله علينا) والطبيب بفرنسا قالها هذا من رويال
والله ستر عليها وشالوا منها ربع المعده وللحين تعاني

والله العظيم والله العظيم موزين ييب الشين

واذا تبين تضعفين روحي اخذي الشاي الأخضر من محل الشاي اللي بالمارينا وقوليله اللي يحرق الدهون انا صارلي مده اشربه مرتين باليوم مع رجيم ورياضه وقاعده أضعف

وجربي بعد ماي دافي وقفشه خل تفاح علا الريج ترا حدهاممتازه بس انا ماطاحت علي بس وايد اعرفهم جربوها حتى حريم كبار وضعفوا مع اكل خفيف

هذي نصيحتي وانتي حره

اختي sugar&spice خوفتيني على هالكلام انا صار لي مدة استعمله ، وما خليت شاي ريجيم الا وطرى علي استعمله ، جربت الشاي الاخضر ملين بس مو قوي حيل ، وجربت شاي اعشاب اسمه جنه من الجمعية ، كلهم يمشون البطن بس لما تتعودين عليهم ما ينفعون معاج ، انا احس جذي هذا اللي صار معاي ويمكن كل شخص حسب جسمه .

لااااااااااااا تكفين جربته وسوالي بلاوي لليوم اعاني منه

كل هذا من كووب واحد والله

الحين قطيه على قوله شوقر باقرب زباله عزج الله

حبيبتي سالميه مو قصدي اخرعج انشالله ماعليج الا العافيه بس قطيه لا تستعملينه واذا تبين ملين اخذي من الصيدليه او المستوصف (نورماكول) هذا ملين طبي وطبيعي

وعشان الضعف جربي الجاي الأخضر اللي قلت عنه وايد زين وانا قاعده استعمله الحين

مايمدحونة انتبهي اختي يقولون تطلع اثاره بعدين

انا جربته وللأمانه حييل اوكي خصوصا اذا مثقله يمشي البطن حيييييييييل واحس روحيخفيفه

بس ديري بالج تشربينه على الريج او مو ماكله شي
يعني اذا مثقله شربيه وتمااااااام

والله يااختي مايمدحه الدكتور يقول فيه عشرج والعشرج مو زين اذا تعودتي عليه

والله انا جربته مرتين وقطيته ما ينفع كلش…………

والله الصراحه البنات في المنتدي اكثر من مره احذرون منه …فتركته جزاهم الله خير
الضعف من وراه هالشاي مانبيه

سالميه:

بغيت اعرف الملين الطبي (نورماكول) شنو يسوي بالضبط

وانتي بكرامه يسوي اسهال ؟!

***

انا استخدم رويال اذا كنت مكثره اكل بس ..

حبيبتيييييييييييي بعدي بعيييد عن جاي رويال , شربته اسبوعين يمكن والحمجلله اني ماكملت ..
مو زييييييين اضراره وايد ديربالج ..

السلام عليكم ..

والله خيتوووو انا كنت استعمله وقطعت لانه سمعت انه بس ينقص السوائل اللي بالجسم عشان جذي ينقص الوزن يعني ماله فايدة ..

وآثاره الجانبيه انه يسوي مشاكل بالجهاز الهضمي و الكلى وماله فايده الا يسوي الاسهال عزكم الله ويعور البطن ..

نصيحة لاتستخدمينه انا لما كنت استخدمه اييني عوار بطن وظهر ..

سلاااااام ودريالج ..

والله ما قدر اقولج الا قطعيه وشوفي اشلون بتروحين الطبيب علشان اتعالجين الامساك والله راح تندمين والله وترى يقول لكم كلكم المسهلات عموما تخلي الامعاء قليله الحركه وماتهضم بسرعه ليش انسوي بانفسنا جذيه

والله بصراحه انا جربته ونفعني وااااااااااايد وااااااااااااااااااااايد