روجي دخلني الطب النفسي واهو الي يزط علاجاتي شلحل معاه

قوة بنات

انا بدش ف الموضوع على طول بنات انا اتعالج ف الطب النفسي وبعدها لمن فتح عبدالله غلوم

عيادته رحت اراجع عنده فتح الملف 50 وكل زياره 30 وجلسه نفسيه 100 يعني شي مكلف

وعلاجته غاليه المهم اهو صرف لي حبوب الزنكس وريهايبنول هذول حبوب منومه لاني انا

ماانام من شخير زوجي المهم موضوعي اني طحت على زوجي ياكل حبوبي الحين حبوبي خلصو

شسوي ويتهاوش معاي الا ياخذ له علبه ولا علبتين ويزط منهم شسوي يابنات ابي حل تعبت

مابيه ياكل حبوبي

يقولي حبوبج تعطيني مزاج عالي

رحت يم الطبيب اللي يداوي الجروحي
قال جرح المـودّة مـا يسـر الـدوا بـه

قلت قلبي تكلّف يا الطبيب النصوحـي
قـال طبّـه مـع اللـي ولّعـه وإشتقـى بـه

قلـت بالله تجمّـل دلّنـي ويـن أروحـي
ويـن أبلقـى علاجـي و الأداوي تشـابـه

ابي علاج من جروح زوجي هم على قلبي دخلني الطب نفسي من اوسع ابوابه

الله يعينج حرام تعبتي روحج على واحد لايمكن يقدرج ولا يدري عنج اذا لاسمح الله صار فيج بشي النفس عزيزه لا تسوين بروح جذي دلعي عمرج الدنيا ما تسوى كلها يومين

خخخخخخخخخخ

شكو ياكل حبوبج حلاو اهو

وبعدين شفيهم الدكاتره النفسيين ليش البوق وايد اسعارهم غاليه ,,,,,,,,,,بدل لا يخففون الاجر عشان الثواب يزيدونه

وعلى اساس ان مهنتهم يساعدون فيها البشر ,,,,,,,,,

المهم صراحه مادري شقول لج عن ريلج

بس صج الشي غريب

واخلي الحل لخواتي العضوات

الله يعينج

بس حبوبه ما شرحتي شنو مسوي لج ريلج عشان يوصلج لي هالمواصيل ؟؟؟؟؟؟؟؟

يعني ما فهمنا المشكله الاساسيه ؟؟؟؟؟؟؟؟؟

والله مادرى شقولج حبيبتى الحبوب ترى مو زين انج تتعودين عليهم

والدكتور اللى انتى رايحتله المفروض يلقالج طريقه تحاولين تغيرين فيها نمط حياتج

اويعالجج نفسيا مو بالحبوب والاديويه

اخاف انتي تهلوسين من الحبوب خخخخخخخخخخخخخخخ

لا تحطمين نفسج بالحبوب ترا اثرها مايروح بسرعه وتتعودين عليها سئليني انا اشقد تعذبت خلج على كلام الله وماعليج شر ان شاء الله اقري قران وشغلي قران وريلج ليش ياخذ هالحبوب امره غريب

انتي يبيلج حل لشخير زوجج بالاول لازم عمليه وتفتكون لي متى حبوب في علميات ليزر الحين خل يشوف شنو الخلل بخشمه عشان يعالجه

زين ما تكونين ام اسما لوول

والله الشرها على دكتورج انتي جم عمرج اللي يعطيج ريهابنول اللي اعرفه هل حبوب ياخذونهم الكبار بالسن لان نومهم قليل ومتقطع

اذا تعودتي تكتأبين اذا ماخذيتيهم واذا خلصوا بسرعه هم تظايقين

شوفي اشلون استعمال زوجج حق حبوبج قام يظايقج لانه لا شعوري تبين العلاج لج بروحج واهوا لا ارادي تعود عليهم وحبهم

تره شي يجر شي ديري بالج ولد خالي كان بالبدايه يبوق حبوب امه ومع السنين صار مدمن شي ثاني الله لا يبليج ولا يبلي زوجج

شوفي دكتور ثاني يعطيج حل غير هل حبوب عشان ماتصيرون اثنين واتكونبن انتي السبب

طب نفسي عشان شخير ريلج :/ ؟؟؟

لو اتحطينله غرفه ثانيه وايد اوفر لج

يعطيج منوم عشان شخير زوجج ؟

انزين زوجج ليش مايعالج نفسه

مو حل انج تاخذين حبوب منومه هذول يضرون وبعدين تتعودين عليهم

مو زينه الحبوب اللي تعالج النفسيه من اعراضها

اول شي تضر الكلى والكبد
ثاني شي تسبب وزن زائد
ثالث شي تسبب مشاكل في الانجاب وعقم
وعلى فكره هالحبوب فيهم نسبة مخدر ويسبب ادمان فراح تخسرين صحتج
لاتفكرين وتخيلين ان حبه ممكن تحل مشاكلج النفسيه وتراكمات الضيم والجروح والصدمات اللي سواها فيج زوجج

والله االعظيم

انتي قاعد تكلفين نفسج بشي يضر صحتج

انا انصحج باستشاريه اجتماعيه
او مراكز اصلاح ذات البين التابعه للاوقاف

احسن لج من طبيب نفسي وادويه وجلسات

تاكل قلبج

او انج تراجعين ع الاقل د فوزيه الدريع احسن لج

كلامج مايدخل العقل
الزانكس ينعطى لحالات الارق ويعتبر مؤثرات عقليه اهو والراهبينول
ومستحيل في دكتور يوصف هالعلاجين مع بعض
انتي شكلج وحده او واحد يستعبط