|
|
السلام عليكم ورحمة الله وبركاته
خواتي الحبيبات ، يزاكم الله خير على دخولكم للموضوع
وحدة من رفيجاتي شوي متينة و حدها متضايقة من المتن
و اكو واحد يبي يخطبها و دقوا على اهلها عشان يزورونهم اهو و اهله ، و اهمة ما يعرفونهم كلش بس أم المعرس تعرف بنات مادحين لها رفيجتي و ان نفس مواصفات اللي اهو يبيها . اهو يبيها وحدة ملتزمة و تخاف الله و نفس الشروط اللي يبيها لقاها فيها . الام ما حددت بالضبط شنو قصدها بالمواصفات بس بشكل عام قالت جيذي . و اهو ملتزم .
و هالحجي صار له 3 اسابيع تقريبا !! كل مرة تأجل تأجل و العذر ان عندها امتحانات و مرة قالولهم البنت هالايام تعبانة ماخذة برد و اساسا اول اسبوع كان عن السؤال عنه يعني يسئلون الناس عنه . فا يعني طولت على الناس اسبوعين .
و اهي خايفة ان اذا شافها متينة يهون و تنحرج . تقول : لو اهو يرفضني عشان مثلا انني ادرس او اي شي ثاني اهون من ان يهون عشاني متينة ! .
قلت لها : اهوة مادحينج بنات عند اهله فا اكيد اهو سائل شلون انتي صايرة و يمكن قالوله انج مليانة !
جان تقول لي : لا لا اخاف اكيد اهو يبي وحدة ضعيفة
قلت لها : و يمكن اهو حاط في باله ان الوزن مو مشكلة مع الرياضة تضعفين و كا انتي ما شاء الله ضعفتي وايد و استمري
قالت : اوكي انا مستمرة بالرياضة و الرجيم بس اهمة شدراهم بهالشي مو معقولة بقول لهم من اول يوم يزوروننا ان ترى قاعدة اسوي رياضة و رجيم ! اهمة بيشوفون شكلي الحالي !
قلت لها : لا توسوسين ترى انتي مو لهالدرجة متينة !!
شوفوا اقول لهم مواصفاتها تقريبا
اهي طولها ممم بحدود 157 سانتي
و فيها تقريبا ممم 85 كيلو
بس شكلها ما يوحي انها فيها 30 كيلو زيادة عن الوزن المفروض !! شكلها اضعف و اهي اساسا مقررة انها تقعد معاهم بالعباة يعني ما راح تلبس او تكشخ له تقول دام ما صار شي رسمي ما يحتاي اكشخ له و كافي العباة .
بعدين قلت لها : كل شي نصيب ، الوزن مو اهو الهدف الرئيسي
و يا بنات صدقوني رفيجتي ما شاء الله مملوووحة ملح الدنيا و بيضة و نااعمة و اخلاق عالية وايد و عمري ما شفتها تضر احد و الا تفكر انها تضر احد و عندها اهداف وايدة و دايما تشغل نفسها بامور تفيدها و مثقفة
يعني انا اللي باط جبدي انها مركزة على سالفة الوزن و ناسية جوانب و ميزات فيها وايد !!
تكفون قولوا لها شي . 
و يا رب يرزق الجميع رياييل سنعين و يخافون الله
يعني كلش مو منطقي تأجيلها .. قولي لها توكلي على الله
ترا الناس عارفين حتى شنو لون عيووونج
يوم خطبنا حق اخوي عرفنا شكل البنت قبل ما نروووح عشان لا ننحرج مع النااااس
المتتن عمره ماكان سبب ياما ناس يبون ضعيفه ويخطبون المتينه ويجلبون فيها
ولد عمتي يبي وحده ضعيفه وطويله خذا وحده متييينه وقصيره
النصيب ماله شغل بالشكل
خل تتوكل على الله وتخلي الناس ايون يشوفونها وان شاء الله الله يكتب الي فيه الخير
وبعدين شكثر بنات اعرفهم تزوجوا واهما بال 77 و 80
الله يوفقها ان شاء الله ويكتب لها الي فيه الخير
دلع كويت
و
أنصار
اي والله صدقتوا
يزاكم الله كل خير
و شاكرة لكم مشاركتكم الطيبة
انا فهمت من كلامج انها مجرد خطبه ,, ونظره شرعية فقط لا أكثر
يعني ماكو سالفة اخذ اوراق ولا شي ,,
يعني ماكو احراج ان شا ء الله ..
خليها تتوكل ع الله وتتذكر انه ( من توكل ع الله فهو حسبه )
الله يوفقها
من عذرها اغلب شباب هاليومين يدور الجسم والزين بغض النظر عن الأخلاق بس ياحبيبتي مستحيل مايكون عندهم خبر عن شكلها أكيد الولد سائل عنها خل تتوكل على اللة وتحدد يوم ترى مو حلوة يأجلون هالكثر
وعسى اللة يوفقها ان شاللة
نسأل ونتأص عدل عن البنت من كل الجوانب والنواحي بكل شي ولكل شي حتى ان كانت تعاني من امراض ومنو رفيجاتها وشلوون طريقه مشيتها
بتقولين مبالغه بقولج هذي عشره عمر وتخيروا لنطفكم فان العرق دسااااااااااس
خل تتوكل على الله وخل يدخل يشووفها واصلا بتلاقين رفيجاتها قايلين ترى مترووسه وتسوي رجيم وتهبل ومن هالحجي
وخل يدخل يشووفها السالفه مو بالشكل فيه مقومات ثانيه مطلوبه القبول النفسي والسؤال والاخذ والرد والبدل
مو شرط الشكل حتى ان ماصار نصيب يمكن هي مايعجبها ويمكن هي ماترتاح له وبعدين بتشووف الخيره بانه ربي رده عنها او ردته هيي
بعدين انا الي ابي اعرفه البنت ليش تخااف من هالموضوع يااجماعه الموضوع بسيط هي مثل الملكه هو الي المفرووض يخاف انها ترده هو الي طاق الباب ويبي يسمع الجواب مووووو هي
هي تقعد معززه مكرمه يدخل (أ) عجبها اوكي تم بحمد الله
ماعجبها يدخل الي بعدوو (ب) فلااا تخاااف هو الي يخااااف موو انتي الي تخافييين
وهم شغله ثاانيه ياااما متاااان تزوجوا والسبه ربي قذف القبول لها بقلب الزووج مو شرط كل العصلات الي يتزوجوون والسبه اجسامهم حلووة
رفيجتي ماشاء الله تبااااااااارك الله متيينه والله ان اصعدت سيارتها اقولها ارحم سياارتج من شحوووومج احسج شايله سيارتج مو سيارتج شايلتج
وماشاء الله تباااااااارك الرحمن تزوجت اوووووول وحده فيينا قبلنا كلنا مااضرتها السمنه ابداااا
ففي مثل اهلنا كله يقولونه لا تنظر جدم (قدم) ولا ساق وربج جسام (قسام) الارزاق
انا لمن يا ريلي يشووفني ماكنت ضعيفه وعصله لاا والله كنت ملياانه والصج ينقال كان وزني اكثر من طولي ب5 كيلوو
وبفتره الخطوبه طيحت حظ الاكل على ابو احاتي مايت ملجتي الا حجي كورسيه اييب على جسمي قبل امي ههههه
وبس عقبها الحمدلله مشت اموري وضعفت نفسي
يعني العرس يسوي حافز للبنت انها تضعف
والحمد لله رديت الحين ضعفت يعني مو شغلانه
وطميننننننننننننننننها قوولي لها سنا الفضه تقولج وهي اخبر بالملتزمين وطلباااتهم
ترى الملتزم ماااايهمه المتن ابددددددد
يهمه الالتزام الصجيي مو الشكل وهذي اخذيها مني مثل القااااعده وطبعا لكل قاعده شواذ
شوفي ليش مايشوووفها بالجامعه او اي مكان بس من غير لا تدري احسن منعا للاخراااج و بعدين ليش تقعد بعباة بالعكس خل تلبس بدله نااااااعمه تغطي عبول جسمها و الميكب الخفيف دامها مو واثفه من شكلها خل اتسنع و اتكشخ مو تقعد بعباااة جنها داشه عزا والا عيوووز انا هذا رايي
و الثفه اهممممممم شي ترى و تخلي الناس ينجذبون لها او اهي شنو
ماتشوفون ساعات جياكر و متان و الحاله حاااله و يتزوجووون عن حب ذاك الولد الجميل اللي يصكهم 10 صفر!! ليش؟ كل هذا لانهم ثقة و الثقة نص الجمااااااااااااال
ماشاء الله
عيوووب
ثقه
ياقلبي انا اشوف ان رفيقتج مكبره السالفه بصراحه
التأجيل ماراح يسوي شي ماعتقد كل مايجي واحد يخطبها ترفض تشوفه او تأجل يعني مو معقوله ماتتزوج عشانها متينه !!!!
المتن عمره ماكان عائق للزواج والا جان نص الحريم ماتزوجو
انا اتوقع انه اهله قايلين له انها مليانه مو معقوله ما يقولون له اكيد موصفينها عليه
قولي لها الرفض او الموافقه مو على الشكل ولا على الجسم فيه شي اسمه قبول احيانا لما تشوفين انسان لأول مره بحياتج تحسين بقبول له واحيانا العكس فيه ناس من تشوفينهم سبحان الله ما ترتاحين لهم او مثل ماتقولين ماتبلعينهم
انا من سنتين تقريبا خطبني واحد والله يشهد انه فيه كل المواصفات الزينه واللي تتمناها اي بنت ماعرفه ولا يعرفني الله يستر علينا وعليه بس يعرف ابوي ونسمع باهله من بعيد شفته بالمستشفى وكان معاي ابوي وسلم عليه والله من شفته كشيت منه ومارتحت له ولا لنظراته ولا لشكله مع انه حلو وبعدها بشهر تقريبا جا وخطبني ومن غير تفكير رفضت لأني سبحان الله ماقبلته بالمره مع انه وسيم وطويل ومعاه شهاده مثل ماقلت موصفاته تتمناها اي وحده
انا اقول انج تكلمينها وتقولين لها تخلي عندها ثقه بنفسها وتلبس وتكشخ من غير مبالغه وتقابل الرجال وتشوفه وحتى لو رفضها على جسمها ماهي نهاية الدنيا بالنهايه كل شي نصيب ومحد يدري شنو اللي مكتوب له
والله يوفقها ويرزقها الزوج الصالح وبنات المسلمين أجمعين
|
المشاركة الأصلية كتبت بواسطة نطوووعه
 ياحلوج تهبلين ماشاشء الله خووش رفيييجه انتي
شوفي ليش مايشوووفها بالجامعه او اي مكان بس من غير لا تدري احسن منعا للاخراااج و بعدين ليش تقعد بعباة بالعكس خل تلبس بدله نااااااعمه تغطي عبول جسمها و الميكب الخفيف دامها مو واثفه من شكلها خل اتسنع و اتكشخ مو تقعد بعباااة جنها داشه عزا والا عيوووز انا هذا رايي و الثفه اهممممممم شي ترى و تخلي الناس ينجذبون لها او اهي شنو ماتشوفون ساعات جياكر و متان و الحاله حاااله و يتزوجووون عن حب ذاك الولد الجميل اللي يصكهم 10 صفر!! ليش؟ كل هذا لانهم ثقة و الثقة نص الجمااااااااااااال |
بعد اذنج نعوومه بدش قطوووووع وعرووض على هالناطعه
نطووعه انتي تهبليييييييييين كلامج ام وابو الترقيع احب اقراااه والله توسعين الصدر يااحلوووج ويااااخف طينتج ياااربي هالبنت صج صج نطوووعه ولزوووزه بشكل
بس تصحيح
مايصير ياقلبي تحط ميك اب لمن يدخل يشووفها شرعا مايجوز يشوفها بلبسها الشرعي وان كان بعض فقهاء السعوديه اجازوا انها تدخل للرؤيه الشرعيه بدون حجاب في حال طلب هو هالشيي
عملا بالحديث الشريف: فانظر اليها فانه احرى ان يؤدم بينكما
لكن تحط ميك اب خفيف وتتكشخ شويه لاا هذي مو قبول المفروض تطلع له جنه بيشوفها بالشارع او بالجامعه على قولتج مايمنع من النفنوف الفضفاض الموافق للضوابط الشرعيه مسأله تحط كحل وماسكارا وقلوس وفاونديشن لااا مايصير حلاتها طبيعيه وكل شي على الطبيعه لانها بتعيش معاه عمرها كله مايسوى لو يقولها اغشيتيني او شيي
<<<مع اني واثقه انه هالشي مايصير اعرف نوعيه شبابنا الي طقتنا الي تقوله له امه وتشوفه من صالحه وثق فيها وبر فيها ويمشي على شور اميمته عسى الله لايخليهم من بعض
و الله يوفقهم ويصلح شاانهم ويعلييه دااايما وابداا
بس جد جد نطووعه انتي شيييي صج صج بالبدليات تريد مارك يبه فيه خاصيه تعديل مدتها نص ساعه عدلي لييييين تقولين بس يااحلووج بس خخخخخخخخخخخخخخخخخخخخ
كله يبون الضغاف و بس
شوفي حبيبتي الريال لازم ايي سواء هذا او غيره
فمومعقوله بترد الناس كلها
واشدراها يمكن ايحب جسمها
شوفي تبين الصراحه
انه وزني 93 وريلي ضعيف
ما اعتقد هالشي صار عائق بيني وبينه شافني وحبني وخذاني
ولو كنت موعاجبته
جان صار شي عادي وراح دور غيري
فمومجبور علي
ومافي ريال ينجبر ياخذ وحده موعاجبته
مثلا اذا العائق متن
ترى في وايد مميزات ممكن اتكون بالبنت
مثلا جمالها
طولها ثقافتها اهلها والسمعه الطيبه…… ووايد شغلات
المفروض انها اتكون واثقه من عمرها
واذا باجر تبي تتزوج
شنو ماراح تلبس حق ريها
ولا ماراح تطلع معاه
ترى اذا الوحده ماوثقت ابنفسها حياتها بتكون تعيسه
بالعكس عادي
وعاد اهي مو ذاك المتن
اللي اتلوع الجبد وكل شي طايح ابصوب
عندج انه صج وزني 93
بس ما ايبين علي وولا احد يعطيني هالوزن
بس عادي لايهمني وزني وولا الناس اذا ريلي عاجبه وخذاني بقتناع
والله يكتب اللي فيه الخير يارب
فيها كل هالمواصفات وظالمه نفسها جذي ليش!!
شووفي بيني وبينج سالفه المتن ووالظعف هذي مستحيل مستحيل مايكووون سألين عنها
واذا ماسألو عنها اكيد الناس الي ذكرو رفيجتج لهم قالوا لهم هالشيئ
مستحيل نطوف هالشيئ بمجتمعنا
والريال الناضج مثل هالريال والي ذكر هالموواصفات الطيبه الموجوده برفيجتج ماراح يكون من السطحيه بأنه يرفضها
لمجرد وزنها الزايد ويترك الدين والسنع والاخلاق!!
وبالنسبه لرفيجتج
بغض النظر عن انها تسوووي ريجم او لاا مفروض تقتع بشكلها وجسمها وتحبه وتوووثق بنفسهااا
لاا اذا ماقبلت نفسها ووثقت فيها خل تثق محد راح يتقبلها
واذا يوو ايشوفوونها خل تقعد بعباتها مثل ماقترحت وتكون مهيئه نفسها للقبول او الرفض
من طرفه او من طرفها
لان كل طرف له الحق بهالشيئ ومو الا المتن اهوالسبب مع اني ماشووفها متينه حييل بالنسبه لوزنها
يمكن يكون الرفض لااسباب نفسيه ويمكن يطلع منها اهيا
ف خل تعطي لنفسها مجال ولاا تتسرع بالحكم عنها وعن غيرها ي
يمكن اهو يشووف بسمنتها جمال ماتدرين والله
الناس اذووواق
والله يوفقها بكل الاحوال ويرزقها ويرزقج يارب
حبيت اوضح هالشغله عشان لا يفمهون بعض الأخوات غلط