رفيجتي تبي رايكم بناات لاتقصرون

السلام عليكم بنات عزابيات ومتزوجات ,, انا اليوم بقولكم قصه رفيجتي بالتفصيل لانها تبي رايكم وياليت تقرون القصه لي الاخر..

اول شي انا رفيجتي انسانه عاديه تلبس عبايه واهلها ملتزمين بس اهي عاديه ,, المهم تعرفت على واحد بالنت واهي مالها بسوالف الشبااب كلللش ,, المهم كلمت واحد سنه كامله بالنت ,, علاقتهم حييل محترمه ومرتاحيين لبعض ,, المهم الولد طيب وحبووب وحييل متعلق بامه (( امه ليبراليه تفكيرها حييل متحرر بس ماعندها سوالف الولد يختار لأ انا اختار لك اللي تتزوجها )) المهم مع الوقت بعد هالسنه صارت لهم اثنينهم ظروف وماقاموا يشبكون فاتفقوا يكون بينهم مسجات يسألون فيها عن بعض وفعلا صارت علاقتهم بالمسجات بس ,, وعقب 3 شهور صار بينهم اول اتصال وكان من الولد بعد ماعرف اهي منو طلع يعرف اخوها ويقعد معااه بالقهوه!! جان يكلمها يقولها انا ابيج وشاريج بس مااقدر اكمل معاج ,, اخاف باجر اهلج يطيحون عليج تصير سالفه بيني وبين رفيجي واسبب لج مشاكل وانا مابي هالشي!! طبعا البنت انصدمت لانها بدت تتعلق فيه ,, المهم وانقطعت علاقتهم وقامت سوت له بلوك بالمسنجر بس تشوفه متى يشبك ,, وعلى يوم شالت البلوك وعلى طوول كلمها انا فقدتج وانا احبج ومن هالحجي ردت عليه قالت له تبيني تعال اخطبني ,, اهي مواليد 89 واهو 87 وكان اخر سنه له ويتخرج ,, المهم كلم امه ان ابي بنت فلان اخطبيها وهالكلام طبعا الصدمه امه عارضت بشششششششششده والسبب (( البنت تقول انه الولد طيب وحبووب تعرفون الطيبه لدرجه الناس مرات تستغله وتمشيه )) وامه شخصيتها قويه وبحكم ابوه متوفي فالام لها الخيط والمخيط بالبيت ,, جان تقوله لا وانا بخطبلك فلانه من زماان عاجبتني وماادري شنو من هالكلام ,, الولد مايبي يرد امه وكلم رفيجتي وقالها الكلام اللي صار ,, طبعا اهي سمعته كلام وقامت سوت له بلوك وديليت ومادرت عنه ,, (( للعلم اهي اصيله واهو اصيل يعني في توافق بينهم اهي جامعيه واهو دبلوم بس امه الحبيبه ماتبي وحده متحجبه والبنت متحجبه وتلبس عباه بعد )) ,, المهم توه قبل جم يوم داز لها ايميل وكاتب لها :

قوة شلونج؟؟ انا من ذيك الايام بصراع مع امي والحمدالله متفائل خير .. امي قالتلي بتسال عنكم .. وقالتلي توظف ومايصير خاطرك الا طيب

حطي بالج على نفسج ,, فقدتج وااايد ,, احبج ..

———————————————–

الحين زبده الموضوع:

البنت ماردت عليه ,, تقولي مريووم اهو طيب وحليو وحبووب ولو امه اخطبتني انا مابي ادش على حموله مايبووني ,, اي لعبت بمخه والا ساحرته ومن هالكلام !! وباجر على كل شي يعلقون ماكشخت ومالبست وماادري شنو!!

والشغله الثانيه تقول انه خايفه امه تتدخل بكل شي خصوصا ان الولد شخصيته شوي ضعيفه ومايرد امه بشي!!

والشي اللي مضايقها تقول انا مابي اكسر فيه لانه صج مايستاهل وسووه هذا كله عشاني!! واهي رادها بعد ان الولد صغير واهي شخصيتها قويه شوي يعني ماترضى بالغلط ,, تقول انا ابي واحد كبير وبنفس الوقت ابي واحد شخصيته قويه مابي الناس تمشيه..

انتوا اشرايكم لو تقدم لها توافق عليه؟؟

اذا اهي ماتبيه ليش كانت تكلمه؟؟؟؟؟؟؟؟؟

بسألها سؤال فيه الاجابة

هي تضمن ان اللي راح ياخذها مستقبلا ما تتفاجأ فيه يطلع نفس اللي كانت خايفة منه الحين(امة قوية .. هو ضعيف …الخ) ؟؟

مادري والله حبيبتي اذا امه جذي اسمحيلي خلي رفيجتج تبتعد عنه يعني بدايتها تتدخل زيين فرضا صاار نصييب شلون تاخذ وااحد مثل مايقولوون ديااديه امه يمشي ورى امه ماعنده شخصيه مايصير جذي بعدين لاسمح الله صاربين البنت والام مشكله الولد بيوقف مع امه وهني بتصيير المشاكل خاصه اذا الام ماعندها غييير هالولد يعني اهو مسؤؤل عنها واكيد رفيجتج بتسكن مع الام …. وبعدين توه صغيييير شلون بتربيه او بتزوجه؟؟ لاتستعيل على نصييبها خليها تفكر عدل والله يوفقها انشاءالله

والله مادري حبيبتي خليها تستخير وتشوف والعمر مو سبب عشان ترفضه اذا الريال زين وشاريها وسمعته زينه واخلاقه تمام ويصلي ويعرف ربه وطيب احسن لها من واحد شخصيته قوية ومايصلي ويخون ويلعب بذيله يعني اهيا ان شالله باجر تقدر تساعده انه يتغير للأحسن ان شالله!! الله يوفقها ان شالله ويكتب لها اللي فيه الخير ان شالله يارب

والله شوفي انا من رايي تنطر عليه تعطيه فرصه

ليش تعتبر احترامه وتقديره لأمه ان ضعيف بالعكس اللي مافيه خير لأمه باجر ماراح يصير فيه خير لزوجته عدل ولا لأ

ودام انه اصيل ويعرف اخوها وداز لها ايميل ان بحرب مع امه وردت فعل امه حيل طيبه صح كلامها خل يتوظف اشلون يفتح بيت واهوا مايشتغل تبون امه تكد عليه وعلييها؟؟

ردت فعل امه حيل حلوه لمن قالت له مايصير خاطرك الا طيب

خل اترد عليه وتقوله خل الوالده تسئل عنا براحتها هذا حقها واي ناس يبون يناسبون احد لازم يسئلون واكيد انت راح تسهل مهمتها لان اتعرف اخوي.. واول ماتخلصون خل الوالده اتدق على امي وتجي تخطب عاالاقل ربط كلام ان فلانه لفلان وعلاقتهم اتصير بالنور ولا احد يطيح عليها مثل مايقول حبيبها صح ولا لأ

انا شايفه ان الولد شاريها بس اهي جنها مو مقتنعه فيه؟

بعدين يطيع امه احسن من واحد راعي كاس ولا سفرات وخرابيط عالاقل هذا يخاف ربه والام مهما كان لها هيبتها واحترامها

خل تستخير ربها وطمنينا عليها ياقلبي

عزيزتي
والله مادري شقولج
حلو أن الولد يسمع كلام أمه ويطيعها لأن هذا واجب ومايعتبر ضعف بالشخصية
والزواج قسمه ونصيب
أتوقع إذا الأم شايفة أن سعادة ولدها مع البنت اللي اختارها ما أعتقد أنها راح تمنعه من الزواج لأن كل أم تبي سعادة عيالها وراحه بالهم
والله يوفق ويسعد الجميع

العكس ختصلي استخاره وتتوكل عليها .. انا قاعده أشوف الريال شاريها .. ولو شخصيته ضعيفه جان ما أقنع أمه ان ياخذها .. او وااايد أمهات تبدي موقفها بالرفض فهذا شي طبيعي تكون خايفه على ولدها .. وهذا رايي

ما دري شقولج
كل هالاسئلة اللي سئلتها..ليش ما سئلت نفسها قبل لا تتعلق فيه ويطيح الفاس بالراس
احنا ما بيدنا شي
كل وحدة بتقول رايها
هي اللي تقرر مو احنا
هي مشت بهالطريج ..هي اللي تقرر

حبيبتي اذا قدر ايب امه وتخطبها يعني شخصيته مو ضعيفه واذا كان حبه صادق وجذي بهالاحترام والله الصراحه انا لو منه اخذه ومالي شغل باحد وبعدين مافي بيت مافيه مشاكل وشكلها البنت عاقله والله يتمم عليها

حبيبتي اهي ماكانت تدري شنو شخصيته ومع الوقت عرفته واهي مورافضته بس في كذا شغلها تردها

انا قلتلها هالكلام والله بس على قولتها ليش استعيل توني صغيره واكيد بييوني ناس بنسال عنهم وبتبين شخصيته ..

هذا اللي مخوفها كلامه لها بالبدايه لما قالها انا مااقدر ازعل امي بشي وبسرعه تخلى عنها..

وعنجه اخو اكبر منه متزوج وعنده اصغر ,, وتخيلي يقولها امي تقوول مو اول زواج اتييب عيال بعد سنه واخووه صارله سنه ونص وماعنده عيال

حبيبتي تسلمين على ردج

مريومه سوري بس ترا رفيجتي ماتحبه..

والله لو تحبه تحب عيوبه فوق حبها له

بس كلامها يبط الجبد الحين الريال داش حرب مع امه وان اتقول لولدها مايصير خاطرك الا طيب وداز لها ايميل احبج

شتبي اكثر من جذي والله هالريال مافيه ضعف شخصيه والله

الله يوفقها شقول اكثر من جذي