|
|
السلام عليكم-شخباركم ياحلوين
اولا الموضوع حيل قديم ومن زمان بس قلت ارد عليه للفائده
او الي ماعندها فكره عنه
وموضوعها كان
7
7
7
لسلام عليكم ورحمة الله وبركاته
شلونكم كويتيات
سمعت سالفه ومو مستوعبتها ماادري شلون صح ان الله قادر على كل شي بس غريبه
السالفه <<<لاتطولينها
السالفه ان وحده حامل 5 سنين يعني الناس 9 شهور هي 5 سنين
وان هي كانت حامل ب3 شهور وتوقف النمو عند البيبي يعني فيه نبض
وكان في اعلى الرحم
وبعد 5 سنوات اكلت عشبه واستمر حملها وولدت والحين ريال وتزوج وعنده ولدين
تتوقعون صج هالسالفه سمعت بعد غيرها وحده تقول جدها جذيه توقف النمو
ووحده لمن توفى زوجها بعد سنه حملت وشكو انها زانيه بس طلع البيبي نسخه من الاب
ووحده عجوز استغربوا شلون حملت واكتشفوا ان الجنين من قبل سن الياس موجود بس متوقف نموه
بنااااااااات صج يصير
طيب شلون ماجاهم تسمم حمل 
وشلون يتغذى وليه متوقف نموه
مادري عجزت استوعب على كثر الحلوف اللي شفتها 
سبحان الخالق
ايه اللي عندها رد خايس تحتفظ فيه لنفسها >>
لاتردين عندج زر شحليله اسمه الخلف
فمان الله
حبيباتي الشي هذا يصير للحمل في الشهر الاول والثاني فقط
وهو يسمى الخلف او الحايص عند بعض الناس وهو تغير مكان الجنين الطبيعي للنمو وهذا التغير مايخليه ينمو او يكبر ويضل مثل ماهو الين يرد الى مكانه الطبيعي ومعروف عند الطب الشعبي واغلبهم يصرف عشاب اتنشط الرحم ويتحرك من مكانه
ويرد طبيعي ويصير كانه تو خلق ويكمل نموه عادي سبحان الله
هالشي صار حق الوالده وقعد 4 سنوات بعدها اعتدل
شايفة على راسنا دهن علشان نصدق
كل شي جإيز ..
مَ نقول الا سبحآن ألله ..
رآح أسوي سيرجَ عن هالمعلومه ..
مَ قصصرتي حبيبتي .. =)
..
هل في درآسه علميه تثبت هالشي ؟؟؟!
ماعمممري سمعت بهالشيء نهآئي !!
سسسبحآن الله ..)
بصراحة … هالسوالف ما أصدقها بالمرة
والعلم والشرع ينكرها …
لانها راح تفتح أبواب احنا في غنى عنها …
وكل وحدة لو تزني تقدر تطلع لها عذر
علميا … الجنين لو تطول حياته داخل الرحم
سواء حي أو متوقف نموه <<< وبصراحة هالكلمة مطاطة
راح يتسمم دم الأم وتحصل لها مضاعفات
قد تؤدي لوفاتها
على العموم اختلاف الرأي لا يفسد للود قضية
وسبحان الله العظيم …. ربي لا تذرني فردا وانت خير الوارثين
فكروا شوي
الله سبحانه
حط حد للموضوع وهي العده سواء للمتوفي زوجها او للمطلقه
وذلك لبراءة الارحام
وحفظ النسب
اما 4 سنين
انا اقول انتي طقي للخلف
حدث العاقل بما يعقل
هذا يسمونه عوار
وجدتي كانت دايم تقول ترا انا جاكة ان فيني عوار
واذا اعتدل العوار خلاص ينمو الجنين
وماكنت مصدقة جدتي ليما طلع معالج شعبي بالتليفزيون وقاعد يشرح هالشي