|
|
بنات سؤال الله يخليكم ردو علي لاني حاسه بموووت كارهه الروضة وكارهه كل شي بالروضة ابي اخلص ميداني وافتك واروح اي مكان اي مكان غير الروضة والتدريس والتربية
بنات بسالكم عفياا بليز بليز اللي تشوف موضوعي وتقدر اجاوبني خل اجاوبني ابي ارتاح نفسيا مو قادرة مخي بينفجر بس يفكر احاتي وايد احاتي اني اكون ابلة روضة مو قادره لا انام عدل ولا عايشة مثل الناس مخي مو موقف تفكير ومحاتاة
سؤالي يصير اشتغل بمكان ثاني غير الروضة واذا اي وين وشلون ؟؟
وسؤال ثاني يصير اشتغل بالاوقاف واذا اي وين ؟ وباي ادارة وجم المعاش ؟؟
بلييز بلييز بنات جاوبوني انا هاذي اخر سنة حقي 5 سنين بالجامعة بمووت من الروضة ندمانه قد شعر راسي ليش دشيت تربية مارحت مكان ثاني انا بجامعة الكويت من كثر ما قاعده افكر واحاتي قاعده اسال اذا يصير احول واغير الكلية او اني ادرس بكالريوس من يديد لاني جد جد مو متحملة اني اكون ابله ومابي اعيش طول عمري ندمانه واتحسر من البداية اذا يصير اشتغل بمكان ثاني ودي اعرف قبل ما ادبس بالتربية على قولتهم وبعدين ماطلع
وعندي سؤال اخير يصير اذا خلص وخذيت البكالريوس ارد وادرس بجامعة الكويت مره ثانية واخذ شهادة ثانية لاني قاعده افكر انه هذا الحل الوحيد لو ماقدرت لا سمح الله اشتغل بغير التربية
ماعندي فكرة انشالله البنات يفيدونج حبوبة
بس قلت ع الاقل اسلامية وعربي ابتدائي ممكن يدخلني الاوقاف ولا شرايكم ؟؟
بليييز بنات بليييز اللي تعرف وحده رياض بالاوقاف او اي مكان ثاني تقولي بلييز
بس خلصي ميداني ولا تصيرين ابله
تعرفين وحده تخصصها رياض واشتغلت بمكان غير الروضة ؟؟ ووين ؟؟ وشلون ؟؟
بليييز ردي علي
بس انا من رايي شوفي بعد الميداني انتوا توكم باديين اكيد الوضع صعب عليج شرايج ان انا تميت سنتين وانا كارهه التدريس وكل يوم اقول بستقيل او اشوفلي مكان ثاني بعدين عادي تعودت واللي ساعدني ان دوامنا قصير يعني لو انضغط بجم فتره اصبر نفسي ان 12 وثلث طالعه غير العطل
احب اليهال ودراسة التخصص بالنسبة لي واايد حلوه واستفدت اشياء واايد بس ماحبيت الروضة وشغلها دوام طول الصبح وكرف وهم لما ارد البيت والله كرفت ونفكير ويوم مكتبة ويوم دسمان ويوم طيور الجنة وبس هذا حالي باجر لما اتزوج ويصير عندي بيت شلون بجابل ريلي وعيالي كله تفكير ومكتبات وطلعات كله حق الروضة صراحه ومو حابه اعيش حياتي جذي كله بتفكيير وحسره حاسه ماقدر خلاص انا كرهت الوضع وعادي لو اصير ادارية بس كنت اللي ابي اعرفه هل ممكن نتوظف بمكان ثاني ومشكووورين بناااات واايد واااايد ماقصرتو ومشكورين اللي حاولو يرفعون معنوياتي ويقولون تتعودين وجذي عادي
ماعتقد راح اتعود انا اذا ماحبيت الشي خلااص اشيله من بالي