ردود الشباب على التجنيد الالزامي

احنا دولة ديموقراطية وليست شيوعية ولا بعثية !!! واذا طبقوه لازم يطبقونه على البنات والشباب على اساس المساواة والعدل

الأولى الأهتمام بالمنظومة الدفاعية ووزارة الدفاع وليس تفاهات وتضيع وقت ووفلوس ، بالأضافه ان كثير من الشباب راح يتفنشون

_______________

التجنيد ليس الحل
خالد
انا بعيد عن التجنيد حسب عمري لكن سبب الظاهر اللي تقولون عنها من ايدكم يا الحكومة شوفوا عدد البطالة خليتوا الشباب مو عارف شنو يسوي وبعدين التجند مجرد فتلرة معينه ويرجع الشاب للشارع يعني الحل مو بالتجنيد الحل بالتوعية وايجاد فرص عمل للبطالة وان لايكون التجنيد على ناس وناس

___________________

البنات ؟
احمد
اوكي ومن يعدل السلوكيات السلبية للبنات ؟؟

_______________________________

لا للتجنيد الالزامي
نصيحة
مرفوض التجنيدالالزامي فنحن دولةديمقراطيةوليست شيوعية ومافي شئ اسمة الزامى واللي يحب الديرة يخدمها بحسب موقعة واقول لمقترح هذا القانون الذي اثبت فشلة سابقا اهتم بالجيش المعين عندك واترك المدني والتهي بجيشك افضل

________________

قلة دبره
keyfee
لماذا اصبحنا شاذين عن غيرنا من دول مجلس التعاون . ابدا لم يكن التجنيد في السابق اي دور في تكريس مفاهيم المواطنه. وان كان لابد من عودة التجنيد الالزامي فلتكن الحكومة قدوه للشعب بانخراطهافي التجنيد الالزامي اولا .

_________________

لتجنيد الازامي
شاب طموح
يبا الكويت بعيونا ولا يمكن نفرط فيها.واصلن انا واحد من اشد المعارضين يا اخي الناس تفتحت اعقولها وتبي تكمل الدراسه وترفع راس الشعب الكويت وانتو جايي تردونا لي ورا 20 سنه ما يصير . رافض رافض رافض

_________________

لتجنيد
حمد هادي
السلام عليكم ورحمة الله وبركاته

اول احب اهني الكاتب ,
والصراحه انا واحد من الشباب الي احب وطني الى حد الجنون ولا يمكن يقل هذا الحب طول عمري هذاي نقطه.
وانا من ناحيتي ما احب اني اتقيد بامر عسكري لاني وباقي شعب الكويت متعودنا مثل هاذي لاوامر

__________

قانون فاشل
محمد
وصلنا عام 2024 وتتكلمون عن اعادة التجنيد الالزامي

قانون قديم جدا وتخلت عنه اغلبيه دول العالم

مافي شي بالغصب خلوه اختياري وفكونا

لا للتجنيد الالزامي نعم للتطوعي

________________

لا للتجنيد نحن دولة ديمقراطيه
خالد
تخلت الولايات المتحده واستراليا ونيوزلندا
عن التجنيد الالزامي في سنة 1973 واغلبيه الدول العظمى والدول الحضاريه لايوجد بها تجنيد الزامي
من خلال بحثي ان اغليه الدول تخلت عن هذا النظام الهمجي القديم وبقيت دول قليلة جدا مثل مصر وسوريا والمكسيك ومنغولياوروسيا واليونا

___________

قانون فاشل التجنيد
ابو محمد
هذا القانون فاشل ولا يخدم الوطن وبالعكس هذا قانون سلبي جدا يخلي كل مواطن يعرف يستخدم السلاح وراح يزيد من معدل الجريمة في الكويت وخساره للمال العام وافضل ان يكون اختياري مو اجباري ويفضل الرفض نهائيا والله السلاح الحقيقي هو تطوير التعليم ونمو الاقتصاد مو تجربة فاشله

____________

على ناس وناس
سعد
اقص ايدي اذا بعض العوائل الكبار وابناء بعض النواب يخلونهم يدشون التجنيد الالزامي في حالة تطبيقه

______________

خوش قرار ومو خوش قرار
محمد العازمي
الحين الشباب تغير تفكيرهم الحين يبون يكملون دراستهم ويبون وظايف احسن يعني لو تقللون مدة التجنيد أو تخلون التجنيد حق البدون احسن من قعدتهم او شوفوا حل ثاني وشكرا

هذي ردود الشباب انتو شرايكم ؟! تبون رياييلكم واخوانكم يدخلون التجنيد ؟

واذا صار بعدين للبنات موافقه ؟ تجنيد الزامي للبنات