رجفة مثل رجفة الخوف بس مو خووووف؟؟

شلونكم بنات
اولا احب اشكر ربي اللي انعم علي بالحمل عقب سنين الاجهاض والعمليات
ويارب يتمم علي واشوف بنيتي بحظني
ويرزق كل محرومة الذرية الصالحة
صحيح اني متزوجة من زمان بس يابنات احس اني ضايعة انا الحين داشة شهري صارلي اسبوعين واكثر
جايني احساس لوعه جبد ورجفة وتكرمون اسهال ودوخة فجأه جنه بيغمى علي مادري تعرفون شعور الخوف لما الواحد يخاف شيصير له (( مادري فهمتم قصدي والا لأ ))
يعني شعور غريب انا اللي اعرفه ان الطلق عوار بالظهر ومثل الدورة ولاني اجهضت قبل فاعرف الطلق لكن هالشي يجيكم بالتاسع والا ماله علاقة بالحمل ؟؟
وممكن اللي جربو الولادة يقولون شنو اعراض الطلق ومعقوله تروح الوحدة المستشفى تطلع مفتوحة 4 سم ولاحاسة بالاعراض ؟
ادري اسألتي وايد بس مالي غيركم ماودي اخوف امي كافيها الضغط والسكر خصوصا اني قاصة عليها وقايلة بعدي بالثامن خخخخخخخخخخ
تكفون بنات ادعولي بهون الطلق وحسن الخلق

up
up up
up up up

الله يهون عليج و يرزقج الذريه الصالحه

انا صارت معاي مره

صارفيني الله يكرمج اسهال

و دوخه احس اني بطيح غشيانه

و نطرت لي ثاني يوم قلت يمكن اصير احسن لأن ما حسيت بعوار الطلق

و لما رحت ثاني يوم دخلوني الولااده لأني كنت 4 سم

الصواني رفع الله شانج

LiL MaMa حبيبتي يعني افهم من كلامج انه طلق ؟

الله يسهل عليج حبيبتي

الطلق الاكثر والاغلب بالبطن
وفي بالظهر بس بالبدايه يكون بالبطن وجنه مغص نفس عوار الدوره بالضبط …

ووايد في ومنهم اختي ماتحس بعوار فجاه اييها احساس بتروح الطبيب
تروح ولا تطلع مفتوحه ٣

اما الدوخه والرجفه والله ماعندي علم فيها
بس كل شخص يختلف عن الثاني سالي دكتورتج احسن

والله يتمم عليج وتشوفين البيبي بصحه وعافيه يارب

و الله مادري اذا يعتبر طلق او لأ

بس انا من رايي انج تاخذين شاور دافي و بعد ماتصلين الفجر و تدعين ربج السهاله

نامي و من اصبح افلح

اذا ما صرتي احسن روحي الطبيب

انا بعد مثلج تجيني دوخع ورجفه تهز الفخذ عندي وظهري بس مافي الم بالبطن وانا بالثامن بعد يومين ادش التاسع

اتوقع طبيعي هذا طلق بس بارد صدقيني لما اييج الطلق ومن غرابته بتعرفين انه طلق مثل الدوره مغصها وينزل للفخذ ويضرب بالظهر

لا تحاتين خير انشالله هذا كله من الخرعه مثلي لووووووووول

الله يهون علينا يارب ويهون طلقنا ويردنا سالمين لعيالنا وبيدنا بيبينا

شاكرة مرورج يعني نفس الم الاجهاض

هايدي نفس كلام ريلي يقول من الخرعه بس مادري باجر ان شالله موعدي بروح اشوف

الله يسهل عليج يااااااااااارب اقري قراان وراح ترتااحين وماعليج الا العاافيه والله يقوومج بالسلامه انتي والبيبي يااااااااااااااارب

بجريه

أسملا عليج من الخرعه ترى اخترع وياج لووول
الله يقومج بالسلامه يارب
وبخصوص الخوف تعوذي من ابليس وعليج بالقران يريح
ولا تنسين سوره الزلزله والانشقاق 7 مرات

مادري اسالي دكتورتج افضل لج والله يسهل عليج..

اسمها نوبة الذعر
لانها تجيج من فترة لي فترة
مالها شغل بالطلق
انا كنت احسها من الشهر الرابع لين ولدت
تتسبحين بماي دافي هذا علاجها لان سببها نفسي

الاسهال في الشهر التاسع ولادة انا حماتي جذي جاها اسهال وراحت المستشفى باطنيه ولما درة الدكتور ان هذا شهرها قالها روحي نسا وولادة هذا ولادة فعلا راحت ودخلوها كانت نفتوحه وولدت عقب 4 ساعات