رجعت بعد السفر بموضوووع صخر حياج لا يطوفج

الوان مائيه ( الباليت إللي اليهال يلونون فيها بالابتدائي) – اي اكسسوارات قديمه او اكسسوارات رخيصه من سوق بو 100

بيض مفرغ ومغسول عدل مدل – قطن – شمع او اي ماده لاصقه

الطريقه

الحين اشرح لكم كل صوره انشالله

1- هذي البيضه المفرغه المغسوله
2- تبلين القطنه ماي وتعصرينها عدل وبعدين تاخذين من الالوان المائيه وتلونين قشر البيضه كذا طبقه علشان تاخذ لون
3- صوره رقم 3 ورقم 4 مقارنه بين البيضه قبل التلوين وبعد التلوين
4- صوره رقم 5 اهني هذي البيضه انا مدرجه كذا لون وانت تقدرين تتفننين بتدريج الالوان على ذوقج

مثلا اورانج واصفر – بنفسجي وازرق جذي يعني على ذوقج

1- بعد ما لونه البيضه باللون الوردي لزقت عليها ستيكارات على قلوب وردي وفضي (ممكن اي شي على ذوقج)
2-زينت القلوب بكريستالات مختلفه
3-الشكل النهائي (ملاحظه: انا هني عشان البيضه تثبت عموديه انا لزقت قطعه مربعه من كريستال علشان تخفي
الفتحه وتخلها ثابته وهم تعطي منظر جمالي حلو)

اهني البيضه الاوف وايت وزينتها بسافين لولو وبينهم ساف كريستال (من محل الكلف ينباعون اللولو والكريستال)

وسويت من شريطه ذهبيه كشكشه ولزقته بشمع وحطيت عليه لولو وعلى كل لولوه كريستاله

في صوره رقم 1 طويت شريطه ولزقته تحت البيضه علشان البيضه تثبت بالعرض وما تطيح

(يعني الزبده لازم تلزقين افل البيضه سواء بالطول او بالعرض اي شي مسطح انشالله لو كرتونه اي شي علشان ما تتدجرج
عليج وتوهقج )

هذي باللون الشذر حق وحده من خواتي تحب هاللون

وهذي بالكريستال والمخمل حق الوالده

وهذي كل المجموعه طبعا انا فضلت اسويهم اووفر علشان تصير تشوق
واحلى انا مجرد عرضت الفكره وحبيباتي كل وحده تسوي الشغل على ذوقها لو حابه يكون ناعم او اووفر على راحتج حبيبتي

على بالكم موضوعي خلص؟؟؟؟

تحتاجين اكريلك كولور acrylic color

متوفره بالمكتبات (انا يبتها من مكتبة الاحمدي) لون عادي ولماع هذا النوع من الالوان تثبت على اي شي لان
بيضه النعامه حيل ناعمه وملسا ما يثبت عليها اي لون راح يتقشر

وتحتاجين اي اكسسوارات على ذوقج حياتي – فرش تلوين – شمع او اي ماده لاصقه

الطريقه

1-طبعا انا خرمت قشرة البيضه بمساعدة زوجي بالدرل لانها حيل قشرتها سميكه اوكي

وفرغتها وعطيت البيض حق القطوه استحرمت اقطه وانا ما احب اكل بيض نعام

2- ابتديت الون وازين على ذوقي من وحي الطاووس وريش الطاووس (كل شي على البيضه من اكسسوارات يبته من محل الكلف في جمعية الشعب)

تفضلو الصور

يا رب يكون اعجبتكم البيضه وعجبكم الموضوع

بنات انا مو فنانه ولا رسامه ولا شي ولا دارسه فنون لكن موهبه وحب تجربه يطلع حلو او لا مو خسرانه

المهم اني استمتعت بالتجربه … طول ما انت تسوين شي حابته وبإخلاص وحب صدقيني راح يطلع حلو

ماني مطوله عليكم بس وددي اقولكم شغلات

1- انا ما نمت ولا ارتحت من السفر اول ما رجعت دخلت المنتدى كتبت موضووع لاني احبكم واتمنى تبادلوني

هالحب بتشجيعكم

2- انا ما اكتب اسمي على اي صوره صح؟! ولا اقول ما احلل اي وحده تنقل الشغل لان هذا كلام ماله اي معنى

انا اعرض المواضيع علشان تستفيدون وتشاركوني وتقتبسون افكار بس كل إللي طالبته منكم انكم تدعون لي ولزوجي

بتيسير امورنا وقضاء حوائجنا بالدنيا والاخره والذريه الصالحه لا تحرموني بليز من دعواتكم