رجال يفشون باسرارهم الخاصة و رجال يدمرون البيوت

هدفي من هالموضوع هو توعية بعض الزوجات
و هالموضوع مو بس للكويتيات لجميع المسلمات لأن احداثها دارت بمكان زوج عملي اللي الموظفين فيه سعوديين و بحرينيين و مصريين و غيرهم
و ايضا قريت مواضيع مشابهه لها على الانترنت

و احب أذكركم ان هالفئة قليلة جدا بس للاسف موجودة

النقطة الاولى : بعض الرياييل يفشون اللي يصير بينهم و بين ازواجهم جدام زملاء العمل

انا زوجي يقول ان في بعض الرجال بلا استيحاء يفشي اسرار الزوجية الخاصة و يفصل ما يدور بينه و بين زوجته في الاوقات الحميمة !

فيوصف اللي صار بينه و بين زوجته و الحركات اللي قام فيها او الحركات اللي تكرهها زوجته

فاللي تحس ان زوجها او تعرف احد من هالفئة فتنصح زوجته او تنصحه ان :

1- ان الإسلام حرم إفشاء الأسرار الزوجية أو الكلام عنها جدام الناس
2- ان هذا التصرف ينافى خصال المروءة و الرجولة و الدين و الشرف
3- كيف ترضى على زوجتك العفيفة الطاهرة المستترة أن تصورها في اوضاع مخجلة اما الرجال ؟
4- ما تخاف من بعض الرجال اللي في قلبهم مرض يتخيلون زوجتك و يستحلونها ؟

النقطة الثانية : زملاء خرابين البيوت !

مثل ما تعرفون ان الزوجة في فترة الاربعين تكون في بيت اهلها

فبعض الزملاء الله يهديهم يوزون الأزواج على زو جاتهم الوالدات فيحرضونهم ان يقيمون علاقات مع بنات خلال هالفترة سواء كان في الدولة او اثناء السفر
اعتقد قبل فترة اذا ماكنت غلطانة ان احد العضوات كتبت موضوع عن زوجها اللي رد من السفر و لقت بجنطته ( واقي )

فمن وجهة نظري ان حل هالمشكلة هي
1- تذكير الازواج و الرياييل ان الزنى دين و ان الانسان مو معذور اذا اخطأ و ارتكب المحرمات بحجة ان ما يقدر يصبر خلال فترة الاربعين و يكبت جماحه

2- تذكيرهم ان هناك بدائل شرعها الله بدل الجماع خلال هالفترة

3- تذكرهم ان ليس كل الزوجات يسامحون ازواجهم على الخيانة و بعضهم يطلبون الطلاق
فهل ترضى انه بيتك يتدمر

3- بعض الزوجات الله يهديهم يطولون في بيت اهلهم و يهملون ازواجهم خلال هالفترة
و الزوج عليه حق عليك فهل ترضين انه ينحرف او يتاثر بكلام رفقاء السوء

أدري أن البعض من العضوات راح تتصيد على الكلمة فتقول ليش يرضى يسمع هالشي أو مادام زملاءه بالعمل هالنوعيه فاكيد هو نفسهم
فأبشرهم و اقول لهم زوجي ينصحهم بس مافي فايدة
و هو يقولي هالسوالف كنوع من انكار هالتصرفات المحرمة
و طلب مني اني انصح صديقاتي المتزوجات

لان السلبية اشياء شاذة فنحاول ننتقدها علشان ماا تتفشى هالحالات
و لان الاسلام امرنا بانكار المنكرات

و الخيانة اعوذ بالله ما ادري ليش صايرة بكثرة