|
|
مرحبا
معاكم أم الوليد
عندي رجاء إلكل من درست إبمعهد نيوهورايزن أو عندها فكرة عنه إنها تجاوبني عن هذي الأسئلة
بالنسبة للقبول في الدبلومات بعد الثانوية العامة (سنتين) هل محدده بنسب معينه ؟
و شنو تخصصاته بالنسبة للدبلومات (سنتين) بعد الثانوية العامة ؟
و هل أقدر أكمل عليها بكالوريوس ؟
و كم تكلفتة؟
نظام الدراسة فيه؟
و أخيرا هل الدراسة فيها مختلطة و إلا لا ؟
و بغيت عنوانه …. بأي منطقة ؟
أعذروني على كثر الأسئلة … ..
بس عموما هم مومختلطين البنات بروح والشباب بروح وتتخرجين عندج دبلوم من التطبيقي تقدرين تكملين عليه
عموما شوفي شنو المعاهد اللي تدرس تابعه للتطبيقي واختاري اللي يناسبج
اخت كويتية زوغه
انا حاليا ادرس فيه ولا هو فاشل ولا نصابين ولا شي
منهجهم قوي ويسوى كل فلس دفعته وهذا رايي
بس أختي كويتية زوغه ليش نصابين؟؟!! من أي ناحية تقصدين ؟؟
و شنو علاقة دورات التطبيقي بنيوهورايزن أنا أقصد الدبلوم إللي بعد الثانوية ؟؟ ياليت توضحين لي اختي روز
بنات رجاااااء ردو على ……. أبي أعرف كل شي عن نيوهورايزن
نيوهورايزن كان متعاقد مع التطبيقي انه يدرس طلبة التطبيقي عنده عشان يخف الضغط بمعاهد الحكومة
طبعا المنهج من التطبيقي وكل شي والدراسه سنتين تابعين للدورات الخاصة من طقة معهد السكرتارية واتصالات وملاحة
بس بدال مايداومون بمعاهد التطبيقي
يداومون بنيوهورايزن ببلاش الحكومة هي اللي تدفع للمعهد عرفتي
الحين نيوهورايزن خرج اخر دفعه من التطبيقي وخلاص ماقام يدرس طلبتهم
الحين عندهم دورات 9 شهور نفس اللي انا خذيتها ادارة اعمال و هندسة شبكات و icdl وغيرهم
انا ماخذه ادارة اعمال وخلصتها والدورة ممتازة وايد حلوة ومفيدة
وعشان تشتغلين فيها بالحكومة لازم تمتحنين امتحان بالتطبيقي عشان يتأكدون انج فاهمة المواد وبس
طيب ماتدرين إذا اللحين في معهد ثاني متعاقدة معاه التطبيقي
يعني مثل أنفو سنتر
ياليت إللي عنده فكره يفيدني
روحي التطبيقي سأليهم شنو المعاهد اللي متعاقدين معاهم وهناك نقي اللي تبينه
التكاليف الاداره 1750 تقريبا مع الكتب وكل شي
تقدرين تكملين عليها اذا اعتمدتيها من التطبيقي
تمتحنين امتحان عندهم وخلصت السالفه
مكانهم ابشرق يم شركة الوطني للاتصالات تقريبا يم اشاره يم مطعم شرف
المهم دقيت قبل كم يوم على المعهد استفسر عن هذا الدبلوم جان يقولون لي أنها كانت عبارة عن مناقصة كانت راسية عليهم من التطبيقي بحيث إنهم يعطون دبلوم سنتين نفس التجاري و تكون من التطبيقي و إنهم كانوا حاطينهم ابمكان مخصص مو بشرق حاطينهم بفحيحيل و المناهج المقررة من التطبيقي و ياخذون شهادة نفس التجاري بس الفرق إن إللي عندهم بفلوس
بس للأسف و سوء الحظ إنه على حسب ما قالوا لي إن المناقصة راحت عليهم و أن هالكلام من زمان تقريبا قبل ثلاث سنوات
و سألتهم إن كانت المناقصة راسية على معهد ثاي فقالوا لي لا ….
0