ربط عنق الرحم

السلام عليكم

الجواب باين من عنوانه
ابي اعرف اشسالفه ربط عنق الرحم للحامل
لان احتمال يسوون لياه بنهاية الشهر الثالث اذا الله ثبت الجنين

مدري سهل صعب ؟؟
يا ليت اللي جربته تقولي
وبعدين اذا صار وسويته اقدر اداوم او اخذ اجازه

اهيه العمليه سهله انا سويتها وطلعت في نفس اليوم
بس لازم راحه تامه , ,,,وعلى حسب حالتج
يعني انا لمن سويتها عشان اجهاضات متكرره
ووايد بنات اعرفهم مسوين ربط ويمارسزون حياتهم عادي

الياسمين
مشكوره
اناهمن اجهضت مرتين
متى سويتها بأي شهر ؟؟ وبعدين للامانه تحسين بعوار شيء او على الاقل اختلاف ؟؟

وعن ممارسه حياتج يعني نداوم عادي

انا بعد سويتها في بداية الشهر الرابع تقريبا.. طلعوني بنفس اليوم بس عطتني الدكتوره اسبوعين اجازة.. ماتحسين بعوار بس كنت احس بضغط من تحت عشان مشدود بس هالعوار كنت احس فيه اول ما اقوم او اقعد بس في البدايه بس الحين لا عادي الحمدالله..

مشكوره عالرد
والله انا خايفه بس الله كريم

انا سويته في اول اسبوع من الشهر الرابع وطلعت بنفس اليوم والدكتوره قالت لي خذي راحه تامه وماحسيت بوجع الحمد لله والحين حاسه الوضع عادي والله يسهل عليج

ماتشوفين شر … رفيجتي مسويتها ماجده اليتامي بالهادي بالرابــع وطلعت بنفس اليــــووم والحمدلله ماحست بألم ولاشئ لإنها مبنجـــة ولازم لازم راحه تامـــة وماتشيلين شئ ثقيـــل ولاتصارخيـــن والحين هي بنهاية الثامــــن والإسبوع الجاي بشيلوون الربط ويولدونهــــا … وعسى الله يهون على الجميــــع…

انا ما حسيت بعوار لان الدكتوره عطتني( تحاميل) عشان تريح الرحم وتمنع التقلصات ,, وكل اللي سووها يمارسون حياتهم عادي
بس للاسف انا حملي ما استمر واجهضت بالشهر الخامس
ادعولي الله يرزقني الذريه الصالحه

حبيبتي كويتيه
كلام البنات يطمن سويها وتطمني انشالله السهاله من الله
ماكو الا العافيه

الله يسهل ويتمم عليج يا عمري

الله يجزاكم خير
بس ضيقت خلقي الياسمين الله يعوضج يارب آمين باسرع فرصه

ويثبت حملي وتقر عينه بشوفتهم سالمين متعافين يارب

تسلمين على هالدعوه الحلوه
والله يتتم حملج بالسلامه

بنات ماتعرفون جم تكلفتها تقريبا ؟؟؟

كويتيه انا مسويتها بهالحمله
لانه عندي مشاكل بالحمل
سويت بالثالث
وطلعت بنفس اليوم

300 دينار بالضبط