|
|
السلام عليكم مثل ماتعرفون الموضوع مبين من عنوانه ابي كل وحده تكتب مقوله اثريه عن مرت اخوها ( الجنه ) واخر الابداعات
بالعكس اصلا لصار عندها مشكله مع اخوي ماتشكي لاحد غيري
ودايما اوقف معاها (اذا اخوي غلطان طبعا)
يعني مب علشانه اخوي اصف معاه بالحق و الباطل
لا والله الحمدلله مرت اخوي و ايد زينه وانا وياها رفيجات الله لا يغير علينا
يالمهره
والله من توزجها أخوي واهيا مثل اختنا
تسافر معانا وتروح الشاليه معانا
وحده منه وفينا..
وحتى لو شفنا عليها شي غلط ما نزعل منها ولا نعاتبها..
عادي كلنا نغلط وكلنا عندنا حركات.. ليش ما نحاسب نفسنا بس نحاسب مرت أخونا؟؟؟
وبعدين انا وخواتي صراحه نحب أخونا ونبي سعادته.. وهذي زوجته وام عياله اهوا يحبها.. واهيا تحبه لأنها زوجته.. واللي يحب أخوي احنا نحبه.
إذا تبون تغثون اخوكم وتنكدون عليه غثوا زوجته ونكدوا عليها..
وما أعتقد في وحده تبي تغث أخوها..
احسنوا الظن في بنت الناس وحبوها وطوفولها غلطاته.. ترى كلنا نغلط وخواتنا يغلطون وامهاتنا يغلطون
بس احنا ما نشوف اغلاطنا بس نشوف اغلاط حريم اخوانه واغلاط خالاتنا واغلاط حمواتنا وحريم حموانا..
كل وحده تلهى بنفسها وفي بيتها وتخلي مرت أخوها بحالها.. اريح لج ولها
ومشكوريييييييييييييييين
مرت اخوي مهما نتضايق منها ما نتكلم
ولا نتشره
اول شي عشان ما تنكد على اخوي
ثاني شي واهو الاهم من وجهة نظري انا
مثل ما اهي جنه
هم انا جنه ومثل ما انا مابي اهل زوجي يضايقوني
نفس الشي مانحب نضايقها
اللي ما نرضاه لنفسنا
ما نرضاه لها
ومهما غثتنا بكلام ماله داعي نطوف ونسكت ولا جنه سمعناها ولما تشوف محد رد عليها تنحرج واتوزع ابتسامات وتصعد شقتها بهدوء
بس صج ماينفع معاها الطيب تخيلوا اذا كان اخوي موجود وهي جاية من برا تدخلنا علينا وتسلم واذا اخوي مو موجود تجي من برا وتصعد
على طول ولاتسلم نهائيا كأنه مافيه ناس قاعدين زين عيب استحي على وجهج مثل اهلج ولاغثوج بكلمة تدخل من غير سلام وتحب تدور السوالف غرامها تنبش السوالف ومع هذا كله مالنا شغل فيها نهائيا
ومن تزوجها اخوي وهي مالها حس تقوم وتقعد جنها وحدة
منا وفينا واحنا ما نعاملها على انها جنة لان بصراحة احنا بعد
جنات ومانبي احد يضاقينا ويدخل بخصوصياتنا والله يخليها لاخوي
ان شاء الله والله اني ما امدحها بس فعلا انها بنت ناس اياويد واللي
يغلط عليها جنه يغلط علينا
|
المشاركة الأصلية كتبت بواسطة مجموعة انسان
 مرة أخوي ابداعاته وايد وآخر ابداع لها دقت اختي الكبيره اتقوله بمركم انتوا موجيدين في البيت فردة السنعه اتقول موجودين في البيت بس ما أستقبل ضيوف ومرة أخوي الثاني اتقول لأختي أنا زعلانه عليج لأنج اذا بتزورينه ادقين اتبلغين أخوج المفروض ادقين علي أخوج شكو ادقين عليه أهو الي بضيفج ولا أنا عاد ردت عليه اختي و من قال أبي أحد يضيفني أنا جايه بشوف أخوي و عياله مو آكل
|
بصراحه حتى انا اتضايق اذا وحده من خواته دقت على ريلي وعزمت عمرها على بيتي ! شكو ادق على الريال ؟
شنو اهي مو مره مثلي احنا حريم ونكلم بعض شكو تحطين الريال بالنص ؟؟؟؟؟؟؟؟؟؟؟