|
السلام عليكم ورحمة الله وبركاته ..
الهم اللي فيني والحزن .. أكبر حيــل من أي كلمة راح أكتبها ..
بس ودي افضفض وودي بقلب طيب ونيته صافيه يدعون لي انه الله يخفف عليّ ويصبرني وياجرني ..
ريلي مات يا بنات .. توفى بحادث الله يرحمه ..
راح وترك لي الذكريات .. وقلب ماشبع منه .. وروح مستاحشه بدونه !
بدونه " غربه " .. مالها حــــــــد !
كل شي بعيني تغيّر .. إلا صورته اللي ما تفارق بالي ..
ينينا أحلامنا ويا بعض .. وماخلينا شي بالكلام إلا وسويناه ..
نوينا على وايد شغلات .. بس الموت كان اسرع انه نسويها ..
الحمدالله على كل حال ..
مو قادره أنسى ولا أتناسى ..
كان مدلعني حده ويحبني حيل .. معيشني بجنه ..
كل اللي يقدر عليه يسويه عشان يسعدني وبكل الطرق يحاول يريحني ..
يدور رضاي .. المهم ابتسم ! المهم أرتاح ! المهم أستانس وياه ..
ما كنت مصدقه انه في ريال جذي زين .. الله يرحمه ويريحه بقبره ..
راح بشبابه ..
اللهم لا اعتراض على حكمتك ..
اللهم ارحمه واعفو عنه واكرم نزله ووسع مدخله واغسله بالماء والثلج والبرد ،
ونقمه من الخطايا كما ينقى الثوب الأبيض من الدنس ، وباعد بينه وبين خطاياه كما باعدت بين المشرق والمغرب ..
برحمتك يا أرحم الراحميـــــن ..
اللهم آجرني في مصيبتي واخلف لي خيراً منها ..
اللهم افرغ على قلوبنا صبرا بفراقه ياكريم ..
ونصيحه حق كل متزوجه :
هالله هالله بريلج .. لا تخلين بخاطره شي ..
والله ما تدرين متى الله ياخذ أمانته !
راح مني بغمضة عين .. ناوي يمرني العصر يطلعني وراح قبلها بساعات !
ديري بالج يطلع واهو زعلان منج .. ماتدرين رادلج ولا لأ ؟!
ادعولي بنات .. ما كتبت هالموضوع الا من الضيق والهم اللي فيني ..
عسى الله لا يراويكم مكروه ولا فراق ..
وان يرحم حالك ويؤجرك في مصيبتك
الله يصبر قلبج ياااااارب
وصدقيني احنا بهالدنيا زوار واقامتنا محدوده لا يوم زايد ولاناقص
وكل من عليها فاااااااااااااااان
الله يرحمه و يغمد روحه الجنه انشالله
عظم الله اجرج اختي
و الله يصبر قولوبكم
واعرفي ان كلنا ماشين على هالدرب ان ما رحنا اليوم بنروح باجر او الشهر الجاي او السنه الجايه
يالله حسن الخاااااااااااااتمه بس
يما احس قلبي بيوقف
الله يرحمه ويغفر له وينور قبره ويجمعج معاه بالفردوس الاعلى اللهم امين
الله يصبرج ويمسح على قلبج وياجرج بمصيبتج ويعوضج خير
الله يصبرج الله يصبر قلبج لاحول ولاقوة الا بالله يارب
عسى الله يرحمه ويغمد روحه الجنة ويعوضج خير يارب
عسى الله يمسحه من قلبج
الله يرحمه يارب ويصبرج
اذا صج تحبينه ادعيله بالرحمه ولاتنسينه بالدعاء والصدقات ..
الله يصبر قلبج وقلب اهله يارب ..
انا لله وانا اليه راجعون
الله يصبر ويربط على قلبك ويعوضك كل خير يااارب
ونقه من الخطايا كما ينقى الثوب الأبيض من الدنس ، وباعد بينه وبين خطاياه كما باعدت بين المشرق والمغرب ..
برحمتك يا أرحم الراحميـــــن
والله قطعتي قلبي
يارب ترحمه وتغفرله
وتخليلنا أزواجنا وتهديهم يارب
حاولي إنج ماتتضايقين و إدعيله دوم
هذي الدنيا وهذا إلقدر
اللهم ياحنان يامنان ياواسع الغفران , اغفرلهم وارحمهم وعافهم واعفوا عنهم واكرم نزلهم ووسع مدخلهم واغسلها بالماء والثلج ونقهم من الذنوب والخطايا كما ينقى الثوب الابيض من الدنس ..
اللهم ابدلهم داراً خيراً من دارهم واهلاً خيراً من اهلهم وزوجاً خيراً من زوجهم وادخلهم الجنه واعذهم من عذاب القبر ومن عذاب النار ..
اللهم اجزهم عن الاحسان احساناً وعن الاساءة عفواً وغفراناً..
اللهم ادخلهم الجنة من غير مناقشة حساب ولا سابقة عذاب..
اللهم آنسهم في وحدتهم وآنسهم في وحشتهم وآنسهم في غربتهم ..