راتب الخليجيه بالحكومه جم ؟؟؟؟؟

قوه بنات ..

بنات انا عندي رفيجتي واايد تعز علي وسالتني سؤال وقلت مالي غيركم يفيدني

رفيجتي سعوديه من ام كويتيه عندها دبلوم وحابه تشتغل بوزاره الشؤون .؟؟
بس ماتدري جم ممكن يكون الراتب ؟؟؟؟
بليز بنات ردوا علي لان العصر برد لها خبر لا تفشلوني

صراحة الله اعلم ماعندي فكرة بس اذا وظيفة مضمونه بالشؤون تروح ولا تفكر ولا تحتار ابرك له لان حتي اذا حصلت قطاع خاص بيكون تعب ومعاش قليل واتوقع معاشه ما يقل عن 300 دينار

مشكوره اختي هاجريه على المرور ..
اي وظيفتها موجوده بس خايفه يكون معاشها 150 وتقول ماتسوى عليها طريج .
وياليت احد ياكدلي هالموضوع .
ورجاءا لحد يطنش
لان ناطرره ردي عليها .

ماعندي خبر ..

بس الله يوفقها يارب..

مشكوره اختي ملاك العرب على المرور ..
ابي تفاعل يا بنات جزاكم الله خير

حبيبتي
الخليجية لما تشتغل باي وزارة تعامل معاملة الكويتي
بس في بدلات ومميزات طلعت بقرار من مجلس الخدمة على حسب التخصص هاذي تكون حق الموظفين الكويتيين بس
واي سؤال انا حاضرة
دزي مسج على الخاص ومايصير خاطرج الا طيب

انا اقولكم وضعي وانتو قولولي رايكم
اول شي بسم الله والحمدلله والصلاة والسلام على رسول الله

انا سعوديه من ام كويتيه ومواليد الكويت وخريجه تطبيقي دبلوم
توظفت بوزاره على بند عقد هذا اول شي
الراتب الاساسي 200 يعني لاخامسه ولابطيخ مع ان دبلومي فني كمبيوتر
والبدلات
غلاء معيشه 50
بدل مسمى وظيفي 30
وبدل مادري شنو نسيته هم 30
يعني الراتب كللللله 310
ومثل ماتعرفون الديوان مايقبل اوراقنا احنا ابناء الكويتيات
انشالله تفرج هذا اللي اقوله

اي والله
االله يكون بعونا ويفرجها علينا يا ابناء الكويتيات ما ادري متى يطلع لنا قرار بحقوقنا مواليد الكويت وعايش بالكويت وما عرفنا ديره غيرها ودرسنا فيها والله يخليها لنا يارب لازم يشوي يعدلون بالقرارات

الله كريم