رئيستين لنفس القسم بالمدرسة ،،،اشلون ؟

مثل مو واضح من العنوان ،،، بعض المدارس خاصة ذات الكثافة الطلابية يكون فيها رئيستين قسم لنفس المادة ، سؤالي اشلون يوزع الشغل بينهم ؟

حسب الماده ،،العربي بالابتدائي يتوزع على عدد المعلمات لأن كل معلمه تشيل صفين وباجي المواد على الفصول يعنى وحده تمسك أولى وثالثه ووحده ثانيه ورابعه وخامس يتقسم إذا كان 6 صفوف ثلاثه ثلاثه بمعنى إذا المدرسه 24 صف تنقسم على 2 ،،
وطبيعة عمل رئيس القسم فني بحت ماله شغل بعمل المدير المساعد ومو نفس التقسيم ،،
بس لازم فيه انسجام بين رئيستي القسم لأنهم في النهايه يعملون بروح الفريق الواحد،،،،،،
وحسب علمي إن مادة التربية الاسلاميه هي إللي فيها رئيستين للقسم فقط وباجي المواد لا؟؟؟
إنت شنو تخصصج؟؟؟

مشكورين على الردود ،،،،
تخصصي رياضيات عندنا في الأحمدي مدارس فيها رئيستين قسم رياضيات ،،،
بس اشلون على الاجتماعات والسجلات وأنشطة القسم ؟؟؟؟؟؟؟؟؟

كل وحدة لها سجلاتها وشغلها وتوزيع المعلمات بينهم بالتساوي وكل وحدة لها اجتماع مع قسمها يعني معلماتها إلي تبعها والشاطرة إلي شغلها يبين وتثبت نفسه يعني منافسة

بس الأحمدي التعليمية إلي فيها رئيستين قسم وباجي المناطق ما فيها

السلام عليكم حبيبتي البنات ماشاء الله ماقصروا بالردود وأهم شي التفاهم والانسجام بينج وبين رئيسة القسم الثانيه عشان المركب يسير وأنا ماشفت الحاله هذي إلابمنطقة الجهراء والحين الأحمدي مع إني موعارفه ليش ماطبقوها بمناطق الكويت الباقيه العداله والمساواة مطلوبه شكثر رئيسات أقسام صار لهم أكثر من ثلاث سنين موقفينهم بحجة مالها مكان وناس حاطين فيها رئيستين ومدارس ومافيها ولارئيسة قسم شغل خواره موفقه ياقلبي وديري بالج على نفسج ياحلوه

من غير تعليق
احنا رئيسة قسم وحده و مو بالعينها
هالمره رئيستين

انا مدرسه من 7 سنين .. توني اسمع ان في اقسام يديرها رئيستين !!

ما اعتقد شي مريح ..!

الله يعين .. السفينه ما يمشيها ربانين

مرحبتين يا الغالية يعني كل وحدة تحجز لها كم راس وأكيد القديمة في المدرسة تحجز الرووس الزينة والشينة للجديدة ههههههههه

مدارس الأحمدي اللي فيها رئيستين قسم كبيرة وقديمة و عدد الطالبات تقريبا 1500 ما تلحق عليهم وحدة ،،،وأنا ما أفضل أشتغل مع ضرة عشان أدري الثانية ما راح تحبني راح أخرب عليها ،،،،

مثل ما قالوا البنات وحده فني و وحده اداري

او على حسب ما يتفقون اهما الثنتين يعني وحده تستلم الانشطه و المسابقات فيكون سجل الانشطه عندها و شغلها
و الثانية مثلا متابعة الابلات فيكون سجل الزيارات عنها

وفي مدارس رئيسيات الاقسام يتبادلون في الكورس الثاني يعني الى ماسكه فني الكورس الاول تمسك اداري بالكورس الثاني و جذي او الى ماسكه متابعة المعلمات في الكورس الاول ما تمسكه بالكورس الثاني

هلا وغلا ، ذكرتيني بواحد من الجماعة يبي يفتح حضانة وإسألوه في الشئون جم سعتها ؟ قال سعتها ثلاثين راس هاهاها
(قصده تتسع لثلاثين طفل )

عش رجبا (تقرأ) عجبا .. اول مره اعرف موضوع رئيستين قسم .. شي غريب .. بس هذي الكويت صل على النبي

اي عادي احنا مدرستنا فيها رئيستين قسم لمادة الرياضيات

وكل وحدة ماسكة مراحل معينة .. وكل وحدة شغلها بروح ..

::

ومدرسة اختي متوسطة فيها رئيستين قسم اجتماعيات ..

نفس الطريقة .. متوزعين على حسب المراحل

وكل وحدة لها شغلها