رئيسات القسم الجدد عرفتوا مدارسكم

السلام عليكم

يارئيسات الأقسام الجدد وكل بنات منتدانا الغالي أولا مبروك على نجاحكم ولوان متأخر والحين نبي الجديد باعتبار آنا وحدة منكم عرفتوا مدارسكم ولا للحين ؟ متى بالضبط نعرف مدارسنا والله انا بصراحه مارحت المنطقة ولا سألت
وكل يوم قاعدة أدور بهالجرايد نبي نرسى على حل ليمتى واحنا ضاييعين …ودي اجهز سجلاتي وشغلي قبل رمضان الله يشرفه اللي عندها خبر تقولنا عن متى تعرف مدارسنا ؟؟؟؟ بالضبط أخاف الموضوع هم يبيله واسطة ياقراده

وعليكم السلام
أم حمود مبروك نجاحج بالإشراف
بس بسألج : إنتي نجحتي هالسنة ؟ولا صارلج جم سنة ناطرة الدور ؟
وعلى سالفة أسماء المشرفات الجدد ما أظن يبين الحين يمكن يالله على أول شهر 8…
أنا عن نفسى ناجحة من العام وما يا دوري ليلحين فظليت السنة اللي طافت بمكاني ويوم راجعتهم شهر 8 العام تفاجأت ان السالفة فيها دور وفي ناس قبلي ناطرين لهم سنتين وثلاث فقلت خيرة … يمكن يبيلي بعد سنتين او ثلاث … مالي نية هالسنة أراجعهم الا اذا طلع اسمي بالجرايد بشهر 8

وعليكم السلام

انا نفس الشي ناجحه العام و قعدت سنه الى فاتت ما وزعوني بس توني راجعة الوزارة قسم التنسيق قالوا لي رقمي جم و قالوا لي ان الاسماء تنزل يوم 8 / 8 و اذا نزل اسمي اراجع المنطقة التعليمية الى حاطنها لي في الجريدة

انشالله خير و موفقين انشالله

مشكورة moorjan على الرد وماتواقع انه تقعدين هالسنه لأنه مثل ماسمعت ماينطرون وايد حده سنه أو ثنتين وضايعه بالطوشه جزاج الله خير طمنتيني وان شاء صحيح كلامج ما أدري إذا المنطقة التعليمية عندهم خبر ولا لأ إذا راجعتهم بصراحه مالي خلق أطق درب للوزارة واالله يكتب اللي فيه خير

الفال لي الله يوفقكم

سمعنا انه 8 اغسطس
والله يوفقني ويوفق الكل

الأسامي راح تنزل بالجريده شهر 8

السلام عليكم أنا بعد ناطرة التعيين وما عندي صبر لـ 8-8 إدعولنا