ذكريات من أيام الخطوبة شلون خذيتي رقم زوجك ؟؟

السلام عليكم ورحمة الله وبركاته

اليوم موضوعي عن الذكريات في أيام الخطوبة لها طابع جميل في حياتنا من أحلى الأيام التي مستحيل أن تنسى أو تمحى من الذاكرة .. و في أشياء تحبين تذكرينها دائما وفي أشياء تنمسح مع الأيام زوجج يذكرج فيها اليوم قاعدة مع نفسي أتذكر شلون تمت الخطوبة التقليدية وشلون كانت أيامها افكر اشلون بقعد يم زوجي وشلون بطالعني شلون بكلمة وتذكرت لمن أنا وخطيبي وزوجي حاليا وأمي رحنا بسيارة وحدة قبل الملكة بيوميين .. أمي قاعدة جدام وأنا ورا قاعدة مستحية ورحنا سوق الذهب وطبعا شريت شبكة ذهب حينها الذهب الأصفر مرغوب لدى الفتيات ودبلة ألماس وقلت حق أمي يله صار وقت الصلاة فقال خطيبي خذوا رقمي وأمي ناسية تلفونها ومعاي نقالي نكوكيا القديم مادري نسييت موديلا !! سجلت رقمه عندي وأنا باطة من الضحك أول مرة أسجل رقم ريال في تلفوني غير أهلي!!

وضحكنا ضحك أنا وأمي ….. يله قولوا شلون خذيتوا رقم تلفون أزواجكم ؟؟؟؟؟؟؟وخلونا نضحك !!!!

أنا بعد الملكة أول يووم قالي ويين تلفونج قتلة معاي قال عطينيها خل أسجل رقمي فيه طالعته بنظرة بايخة قلت في قلبي شيبي في تلفوني لايكون هذي طريقته مع البنات كشت فيه وماعطيته وغيرت الموضوع عشان باكر يدق على بيت أبوي وياخذ مني رقم مبايلي جذي لعانه وفعلا صار اللي أبييه ههههههههههههههههه شكرا ذكرتيينه

لووووووووول انا عيل اهو سألني عن رقم التلفون عشان اهو يدق مو اناا

انا تلعوز على ما لقى رقمي يحن دقت اخته على اختي اتقول يحن الا يبي رقمها او عطتهم اختي غلط الرقم او رد هم حن يالله عطوه رقمي وابنفس اليوم دق او حقرته يالله يتني الجراه او حاجاني كلمتين او صكيته عقب لا الولد يبي يشوف او قام يلمح ليما دش البيت يقول انا من اول ما شفتج ابي ابوس مشتط جنى مو مصدق بس حدا كان ابرشر الجو

لا انا ما كان عندي تلفون بعد ما ملجنا باسبوع اهو شرالي تلفون وخط واول ما بطلته لقيته مسيف رقمه بالجهاز وكاتب الغالي الثقه عنده عاليه

ماتفتحيييييييش بيبان مسكررررررررره : وبلاش الفضاييح

انا كذبت عليهم ..

قلت لهم التلفون اللي عندي مو الي .. لاختي .. < = = = علشان يشتري لي جديد لوووووووووووووول

و طلبت يكلمني قبل الملجة .. فهو اتصل .. و المكالمة الاولى كانت 6دقايق و 59 ثانية …. و بعدها بيوم علشان التحاليل قبل الزواج كلمت اخته قلت لها ترسل لي رقم اخوها علشان اعطيه خالي .. <= = = طبعا هنا السالفه فيها لعانه .. لأن الرقم عندي من المكالمة .. بس اسوي نفسي ثقيله .. ههههههههههههه

ااااااااه ذكرتوني بأحلى أيام والله أتمنى ترجع وأعيشها مرة ثانية المهم أنا في ملكتنا بعد ما صورتنا المصورة سألني عندك جوال قلت له لا ما عندي بس قام سكت وبعد الملكة بيوم زارني في البيت شاريلي وشاري لنفسة نفس موديل الجوال وفكيناه سوا وركبنا الشريحة قام قلي يلا أكتبي رقمي ما رضي هو يكتبة ملاني هو عشان يشوف ايش اسمية وكتبت الرقم وسميتة بإسمه قال أشوف أشوف وش سميتيني وشاف وزعل بس ما حب يبين قال بضحكة بس أنا ما أعنيلك شئ قلت لا لسا بدري لمن تعنيلي حأغير الاسم ههههههههههه من بدايتها شايفة نفسي ومتغلية عليه ومنشفة ريقه الله يعينه عليا

حلوه ايام الخطوبه والملجه طبعاا
انا ماكان عندي تلفون وكان يزعجنا يدقدق عالبيت وكله يامي او ابوي او اخوي يطلعون له وهو يتوهق يسوي روحه يسئل عنهم
هههههههه
وانا طبعا كنت مستحيه مابي اكلمه .. وان كلمني يادوب تطلع مني ( بخير )
وبعدها شرالي تلفون والحمدلله وسبحانه ..
ومشكوووووووووووووره وايد عالموضوع الحلو !!

انا خذا رقمي من اخته ودق ورفعت الخط الا صوت ريال ماكنت متاكده انه هو بس حاسه وقمت صكيت الخط بويهه خخخخخ مسويه ثقل
ودز مسج كان ليلة عيد ويهنيني بالعيد ويقول انا فلان
وبعدها بساعه رد دق ومارديت عليه وصار يرسل مسجات
واليوم الثاني فكيت الثقل ورديت على اتصاله

الله يهنيكم بنات

احب سوالفكم

مشكوورة ياقلبي

انا امي عطته رقمي عقب ما صارت الخطبه الرسمية
ودق علي وانا بسوق وما ادري حسيت انه اهوه لانه رقم حلو ومرتب وشفت امي تبتسم واختي خخخخخخخخ
حقرته جان يطرش مسج فديت عيون الي تطنش شكلج تحبين السوق اكثر مني بس تعالي عندي وانا انسيج السوق
وترا للحين محتفظه بالمسج والتليفون بعد ههههههههههه كل ما ضاق خلقي ابطله واقراااه

موضوع حلو

لا يوقف

انا داشة لقافة

ههههه

ادعوا لي

انا اخته رفيجتي اهي اللي عطته رقمي
وثنكيو على الموضوع الحلوووو

من اخته