ذكريات الملجه الحلوه مع المحروس

السلام عليكم شلونكم بنات شخباركم عساكم طيبين

شنو الذكريات الحلوة اللي صارت لج بفتره الملجه.. قال لج حجي رومانسي وحلو ..زعلج و راضاج بشي حلو و عجييب وعمرج ما راح تنسينه..يعني الذكريات اللي ما تنسي

انا بببدى بموقفي..الله يسلمكم بعد ما وقعت و راح المليج ياني اخوي و قال لي ريلج يبي يشوفج و يبارك لج وعلى فكرة انا كنت احبه من وانا صغيره بس خاشه بقلبي ما ابي احد يدري لوول المهم دشيت عليه ولا الأبتسامه شاقه الحلج وانا متعوده عليه ثقيل و ما يعطي البنات ويه كلش قعدت و بارك لي وكنت ساكته و خايفه و مستحيه على مستانسه عرفتو قصدي تفاجأت لما قالي ليش خايفه جان اقول له لا عادي ما دريت الا الأخ ماسك ايدي جان يقول لي دلول بعترف لج بشي.. انا كنت احبج من وانا صغير((سيده بالويه انزين مهد بس فديته يهبل)) وانا ادري انج تحبيني جان اقاطعه واقول له شدراك ؟؟جان يقول لي من عيونج كنت اعرفج من عيونج و ضحكتج اذا كنتي زعلانه ضحكتج غير اذا كنتي مستانسه ضحكتج غير ادري انتي ما تحبين تبينين لأحد و تحبين تخشين بقلبج بس كنت اموت فيج واحس اذا صار فيج شي احس كتمه بصدري ما ابيج تتكدرين ولما كنت ازفج عشان تعدلين حجابج و ما تلبسين كعب ولا تحطين مكياج اذا طلعتي لا تحطين ببالج انج مثل اختي كنت اقول لهم جذي عشان ما يقولون صالح و دلول بينهم غراميات ما كنت ابيهم يقولون عنج هالحجي ما كنت اتحمل يقولون عنج لو كلمه كنت ابيج بالحلال ولما سألني ولد خالتي عنج بحكم اني اصير لج بغيت اين خفت انج تطيرين من ايدي ظلمت الدنيا بعيوني ما صدقت لين امي خطبتج و وافقتو و ييت املج انا ليما الحين مو مستوعب انج صرتي حلالي احبج والله احبج حتى رقمج حافظه من تلفون اختي بس قلت احفظه عشان ادق عليج بالملجه..حسيت اني بفلم قامت عيوني تدمع ولمني ما دريت الا اخوي مدرعم فزيت من مكاني ولا يقول لي بسكم بسكم غراميات ندري من زمان انكم تحبون بعض لوووول طلعو جاكيننا والله بنات الحجي مو قادرة انساه كل شوي اسمع صوته باذني و اهوا يقول لي هالحجي فديييته

سوري على الأطاله يلا عاد بنات نبي تجاربكم