|
|
هاي ياهوانم
بنات كل ماتجي ذكرى الغزو نقعد نتذكر الاحداث اللي صارت وشلون كانت الديرة وشلون انصدمنا بناس
ووقفو معنا ناس بنات ابي كل وحدة تقول كم كان عمرها بالغزو وشنو اللي تتذكره من الغزو وهل كانت صامدة او كانت
برا الديرة خلانا نشوف ذكرياتكم مع الغزو الله لايعيده
ودمتم سالمين
صج اني كنت صغيرة بس اتذكر كل شي بالمللي
اهم شي كانوا يشغلون لنا مسرحية الواوي وبنات الشاوي علشان يفتكون من قرقتنا بنات شكثررر
بس هم كان بالي مع الكبار
الله لا يعيده
و الله يخلي اهالينا بره الكويت اللي ساعدونا ووقفوا معانا بأزمتنا
وان شالله نردها لهم بأفراحهم
كنت ابجي ابي مصاصة امي كانت تحط لي تمرة نفس الكرة على عوود الاسنان وتقولي هاااج مصاصه لووول
ممممممممممممممم اذكر الحرب الجووووية واااي الله لا يعيدها 
اذكر انه السمااا سوووووووووووووووووووووووووودة والنهار والليل واحد
اذكر يوم خذووا ابوي اسير
اذكر لما اييون يفتشوووون البيت وامي تخشنا احنا البنات
اذكر يوم ماتت الفرس مالت اخوي كانت عندنا بالبيت وحاشتها شضية
الله لا يعيد هالايام ويرحم بابا جااابر يارب
بالنسبه لى انا كنت سهرانه ذاك اليوم ولما صار الصبح رحت المطبخ وكان الراديو مفتوح تقريبا الساعه ست الصبح وسمعت
انهم دخلو الجهرا حزتها ماكنت اقدر وين الجهرا وين مكانها بالضبط رحت اركض حق ابوى اقوله سمعت
اتذكر ابوي واقف بالشارع يصفق ايد بأيد ويقول هذا غزو والله يستر منه واخوى توه متصل عليه رفيجه يقوله عن اللى قاعد
يصير لانه من سكان الجهرا والكل مصدوم دبابات وعساكر عسى الله يمحقهم ويسحقهم فى نارجهنم
دخلناالبيت بس ماانسى بعد قلبى ابوى قاعد يقول حطوا بالكم على الأكل والشرب لاتلعبون الغزو راح يطول مواقل من سنه
ابوى عسكرى وله نظره قام بعدها خل الخدم يغسلون البرجه اللى عندنا فى البيت وترسها ماى وطلع مكينة الكهربا من
المخرن ونظفها تحسبا للظروف الطارئه
اخ يذيج الايام عمرى ماراح انساها ولا تنمحي من الذاكره
زوج اختى بالمطافى مذهول من البوقات والسرقات اللى قاموا فيها الاجانب يقول اشوفهم بعيونى يرفسون بيبان المحلات وتكسر وبوق …………..الخ
موضوع يؤلم عموما بختم كلامي الكويت امانه برقابنا احنا الكويتيين الكويت بعد قلبى ماتستاهل اللى قاعد يصير
عسى الله يحفظج ياكويت
يعني لما الحال تعدل عدل عدل
بس ابوي وامي كل مايتذكرون احس تمسكهم العبره
يااي الغزو
لما اشوف الصور والفيديوات اتضاايق وابجي
ياحلووج يا كويت
ابووي ظل بالكويت طووول الغزو كان صامد وكان من المقاومه
وامي سافرت سعوودية قعدت هناك لين ماتعدل الوضع
يقول ابوي انهم دخلو عليهم فجأه وجروووا ابوي من هدوومه (كان في احد مفتن على ابووووي مادري شاكين فيه !!) وجدتي كانت تبجي وتكلمهم تقولهم تفكوون خلووه اهوا مو وياهم خافت عليه(واهيا اصلا مو كويتيه)>> احم احم
المهم
لما دروا انها منهم جان يخلون ابووي الحمدلله
ايي وامي تقول لما رحنا سعودية ( والله سعودية وقفت معانا وقفه ماراح ننساها )فتحوا لنا المدارس تقول تشتتنا عن ديرتنا كل من راح ديره
قعدنا نبجي تقوول امي ظنينا الكويت ماراح ترجع وماراح تصير لنا ديرة ,, وخفنا حيل على بابا جابر وقمنا نحاتيه
ياااااي مع اني ما عشت هالايام بس طاريهااا يضيق الخلق
ايام سووده كانت على الكويت
الله لا يعيدها من ايام
ويارب احفظ لنا الكويت
يارب احفظ الكوييت وشعبها من كل مكرووه
ابوي كان يدرس برة
امي كانت صغيرة ولما تقولي مااتخيل ان في احد يقدر يعيش
وسط هالظروف
ربي يحفظج من كل شر و يحفظ اهلج من كل مكروه
ويديم علينا نعمة الامن و الامان
هذا اليوم يوم حزين و مؤلم
يثير ذكريات تخلي الدمع يتجمع باطراف العيون
بس انا ما ابي اتكلم عن ذكرياتي الحزينة بهاليوم
لانه فترة الغزو الله لا يعيدها كانت في اشياء جدا جميلة و مفرحة على الرغم من حقيقة الاحتلال و ضياع الديرة
من هالاشياء الحلوة هو تلاحم اهل الكويت مع بعضهم البعض
و تماسكهم مع بعض و تمسكهم بالكويت رغم غياب الحكومة و المنظومة الادارية عموما
الكل قام بشغله بدون ما يحتاج احد يقوله سو هذا او ذاك
الكل تسابق انه يخدم هالبلد و اهلها
ومن الذكريات الجميلة اللي اتذكرها
انه بمنتصف الفترة كانت تيينا اخبار في قصاصات يوزعها " النشطاء الاعلاميين للمقاومة " انه اليوم الشيخ جابر الله يرحمه بيوجه كلمة للشعب الكويتي على محطة اذاعية و يذكرون لنا رقمها واتذكر انها كانت تبث على wm مو fm فكانت ضعيفة اتذكر كلنا رحنا قعدنا في السيارة بذاك الحر عشان نسمعها لانه البث هناك كان شوي افضل بس المحطة كانت توش فماشغلنا التكييف عشان نسمع.
و بعد اتذكر انه قالوا لنا انه في يوم معين في قمر صناعي امريكي بيمر فوق الكويت ويصور حال الصامدين و يبثه للعالم فالكل يكبر عند مروره و يرفع اعلام الكويت
اتذكر وقتها فكرت انا و خواتي نرسم العلم على السطح و فعلا جبنا الوان مائية و رسمنا العلم على السطح.
و اتذكر انه طوال فترة الغزو كانت مهمتي اللي الزمت نفسي فيها هي تتبع اخبار التحركات السياسية الدولية لحل الأزمة فكنت ملازمة cnn و محطات الراديو و حفظت مواعيد نشرات الاخبار و كنت اتنقل من محطة للثانية و اكتب ملخصات من اذاعة الكويت في السعودية لاذاعة bbc لاذاعة لندن لاذاعة صوت العرب و مونتي كارلو و غيرها، و اتذكر اول محطة سمعت عليها خبر التحرير كانت محطة البحرين الاذاعية واتذكر وقتها كان الوقت تقريبا 3 او 4 الفجر و اتذكر قبل لا اسمع الخبر كنا نسمع اصوات آليات ثقيلة على شارع المغرب السريع ( لانا كنا متواجدين من بداية الحرب الجوية في منطقة السرة ) و رحنا فوق السطح و بحذر شديد ( لانه الكهرباء كانت طافية على الكويت كلها و فوق جسر الساعة كان فيه كشك لجندي عراقي و في كشاف يدور والبيت اللي كنا فيه كان قريب حيل من الجسر ) حاولنا نشوف شقاعد يصير و شفنا ارتال الدبابات و الكارجوات و غيرها تتحرك بسرعة باتجاه شمال الكويت و عرفنا انه انسحاب فرحت ادور في الرادو ابي اسمع شي و فعلا سمعت خبر التحرير
و قمنا نناقز و نصارخ من الفرح حتى امي فزعت من النوم وهي مخترعة تقول شفيكم؟!
و اتذكر صباح 26 فبراير كانت السما تمطر و انا لابسة جاكيت ابيض و نقط المطر تترك اثر اسود على الجاكيت و الدنيا سودة من دخنة الآبار المحروقة, المهم تعاونت انا و خواتي و جبنا دراريعنا الحمرة و الخضرة و خذينا دشداشة اخوي و عباة امي وقعدت اقص منهم و فصلت علم للكويت و رفعناه على البيت.
اللي متحسفة عليه اني للاسف ما احتفظت لا بالدفتر اللي كنت اسجل فيه و لا بالقصاصات اللي كانت تجينا بطريقة سرية من النشطاء الاعلاميين للمقاومة و لا حتى بالعلم اللي فصلته من الدراريع و الدشداشة و العباة!
واسمع اهلي يسبون العراقيين واتعلم منهم خخخخخ
ومرة كنت مع امي بالشاارع وشفنا جنوود عراقيين وقمت اخربط بالكلام ( التويت تويتنا يعني الكويت كويتنا ومادري شقول هههههه ))
والجنوود يخزوني الله ياخذهم
طبعا هذا على حسب كلام امي لان ماا اذكر شي
زين ماا ذبحووني
و اذكر كنا صغار فكانو عشان يلهونا يحطولنا البنات و الشاوي و السنافر و سندباد لووووووووووووول
الله لا يرد ذيج الايام
و اذكر بعد يت فترة عيد بعد التحرير و كانت الدنيا سودة جنها ليل صج كنت اخاف اطلع بره
الله يحفظ الكووووووووويت … ويرحم ابووونا الشييخ جااابر ويرزقه الجنه إن شاء الله
واناا قااعده اقرأ ردووودكم نزلت دمعتي ~~
الله يرحم امووات المسسلمييين الاحيااء منهم والاموااات يااااااااااااااارب ~~
انا عن نفسي كنت بالاشهر ما اذكر شي بس يدتي تقوول لمه كانوا يضربون الصواريخ كانت الارض تهتز وانا اكركر على بالي قعد يهزوووني
