السلام عليكم بدش بالموضوع منوالغلطان لي اسبوعين أقول لزوجي أبي اشتري نفنوف لعرس ولد عمتي مافي مافي مالي خلق لاتروحين العرس عقب بغيت اغراض لدوام لأن أنامدرسه أبي دفترتحضير أقأقلام مابي أوديج عقب رحت لهلي لانه خميسموعد روحتي دقيت اليوم انصدمت قال انا طالع مع خواتي لسيتي سنترعقب بنتعشى بمطعم انصدمت بجيت ليش انامايلبي طلباتي خواته اي مع العلم انه عندهم سايق وحده تسوق من البنات موحره
يسعدني اكون اول وحده ترد عليج
بالاول ربي يوفقج ويريح بالج مع زوجج
ايد هالشي يحر وانا عن نفسي بحتر
بس نصيحه لاتحسسينه انج محتره لا بالعكس قولي عليكم بالعافيه واستانس
بعدين قولي له بعد يوم ابي السوق واذا قال نفس رده الاولي قولي انا ماعندي احد يوديني ومااعرف اتسوق الا معاك ومالي غنات عن ومن هالكلام صدقيني الطيب يجي بالطيب والله يوفقج
اذا على قولتج جذى يسوى فيييج لا والله يعينج عليييه حيل ظالم انزين انتى اتسوقين روحى خلصى شغلج ولاااخذى سايق اهلج ولاروحى مع خواتج فصلى عاااادى الوضع سهالات الحيل الرجال مايتحمل روحااات وجيااات للسوق احنا نروح بروحنااا مع خواتنا واهلنااا نخلص شغلنااا
وااااااااااااااااااااااااااااااااااااي حرني شوفي أنا مع العلياااء اخذيه بالين والحجي الحلو بس اتروحين البيت كشخي واتلزقي فيه واذا لان قوليله انت حبيبي وعمري ومالي غنات عنك ومنو يوجيني وياخذني غيرك وحتى اذا سخن قولي له بدلع ها حبيبي اشلون طافت اللقمه وانت مو يمي لانه الريال بهالحزه لو تبينه يبابع مثل الخروف ما يقول لأ
شوفي حبيبتي أغلب الأزواج مايحبون الطلبات الكثيره يعني انتي عندج عرس مهدي له قبلها بوقت عشان تدورين أو تشترين له مو بوقتها
يمكن يكون عنده شغل موفاضي
وبعدين اشفيها غذا طلع مع خواته عادي هذول خواته وإللي مافيه خير بأهله مافيه خير فيج
إنتي حاولي تقعدين معاه سولفي وإضحكي وخليه يستانس بالقعده معاج
اعزميه على مطعم غيرو جو شوي روحو عالبحر تمشو
ترى كثر القعده والطلبات تزهق الرجل وتخليه يتهرب من البيت
أولا أناموضدأنه مايودي أهله بالعكس بس افهموني بليز جيته بالكلام العسل وسويت له ليالي بكل أنواعها ومريحته وما أطلب نفس ماقالوا الخوات طلبات وايد بس مناسبات عرس او عيداو دوام او ناقصني ملابس ضروريه يعني كل ست شهور روحه مابي المشاكل وثانيا اناقتله ابي شي الفلاني كان الخميس فاضي قلت وانارايحه لهلي جنبهم مكتبه بشتري لالا طيب مع أمي لالا عقب ادق رايح سوق مع خواته مع انه في سايق وخوان وبنات يسوقون شلسالفه ترى حيل راعيته وشلته بعيوني وقدرت ظروفه بس ولله الحق معاي
قعدي معاه وتفاهمي
اول شي كلميه عاادي ولا تبينيله انج مضااايقة واذا طلبتي منه وماا رضى اهني تكلمي ولا تسكتين عن حقج ولا تصيرن مكسووورة جدامه لأن في رياييل اذا شافوا المرة مكسووورة وداايماا تنهزم وداايما ترضخ له يتمااادى ويدوووس على راااسها
انا زوجي مثل زوجج
زوزي حبيبتي لاتضايقين نفسك ولا تحترين ألزم ما عليك نفسك
انا شكثر مرت علي هالسالفة مع العلم ما اطلب منه يوديني ولا يعطيني فلوس لأني أسوق و موظفه بس ولا مره بادر من نفسه بشي لي
بس صدقيني كل شي بالطيب يصير وهدي هاليومين وبعدين قوليله اللي بخاطرك ولا تخشين شي بقلبك عشان تقدرين تسامحين وترتاحين بعد
والله يعينك ويريج قلبك وبالك
انا وحده بدااامي عندي سياااره اروووح اخلص شغلي بروووحي يعني انتي على راحتج بتروحين بتشترين بتفترين وريلج بره ناطر وبس يحن يلا يلا روحي الصبح على نومة اليهال خلصيي شغلج ولا عباااله ودني ودني انا موعوده ريلي شغلي اخلصه بروحي لاني ماحب اسوي شغلي على عيله وشغل اليهال لا ملزوووم يوديييني طبيب سوق
بصراحه حركة تبط الجبد ………….ومعاج الحق مليون بالمية
يعني ليش يتصرف معااااج جذي ؟
الحمد لله والشكر ……….مداام اهله عندهم سايق ليه يودي خواته (انا مو معارضة ) بس ليش طلبات مرته طااف وخواته فوق الرأس
يعني بيوريج العين الحمرا والا شنو باضبط ……..الله يهديه
الله يعينج
صج يقهر بس شنو تسوين حاولي تكلمينه وتتفاهمين معاه قولي له انا زوجتك ولي حق عليك مثل ما انت لك حق علي ومن هالكلام بيقتنع ان شاء الله
الحركه صج تغث بس ترى اهو من ناحيته مو حاس انها بتزعلج كلش ..
حاولي معاه باللين وكسري خاطره شووي حسسيه انج متضايقه بس مو منه من نفسج يعني سوي افلام لوول وانا انصحج احسن لج روحي مع اي احد ثاني غيره لانه حتى لو رحتي معاه ممكن تختارين شي على الماشي عشان خاطره وراح يحن يالله ويالله فهالسوالف افضل انج تروحين بروحج او مع اهلج او اي احد ثاني 