|
|
مساء الخير بنات شلونكم
منو ولدت عند د. نزهت بمستشفى الســلام
انا كنت اراجع عند دكتور ثاني بس ما كنت مرتاحة
والمواضيع كلها قديمة من 2024
ابي رد بليز
اختكم ام يوسف
والله يسهل عليج يارب
انا ولدت عند نجمه بالسلام
وحابه انبهج المستشفى طايحين بحركه لي بغيتي تطلعين
قالولج البيبي فيه اشتباه فايروس او التهاب ولازم نحطه بالشيشه
ونسويله فحوصات نتطمن عليه
ويله احسبي الشيشه بجم والفحوصات بجم
انا قالولي وماحطيت بنتي بالشيشه وطلعت وديتها
الفروانيه تخيلوووو قالو مافيها ولاااااا شي ربي لك الحمد
وهالحركه تكررت مع رفيجتي بنفس المستشفى ومع رفيجتي الثانيه بدار الشفا
واتمنى لكل الحوامل ولاده سهله ميسره وطفل سليم متعافي
وبس
امس كان موعدي معاها والحمدلله انا مرتاحه معاها
مع اني كنت عند دكتور ثاني وغيرت عندها بس مرتاحة من سمعتها
بس وايد يهمني وقت الولادة شنو الوضع وشلون خياطها …
وحزة الولادة
ويزاج الله خير على هالسالفة
ابسط شي يقولولج فيه بوصفار
انا ماراح اخلي البيبي بقولهم بروح الحكومي طلعوني انا والبيبي ومالكم شغل
الله يسهل علي وعلى كل حامل يارب ما بقا لي شي اسبوعين وادش شهري
دعواتكم بنات
ابله لوله
نجمة تهبل بس ما رضت تستقبلني لانه طلبت الموعد وانا بالسابع قالت ما تستقبل عقب الشهر السادس
يعني بنات نصيحة اللي تبي تولد عندها تتابع من بداية الحمل
اهي بارده وما تتكلم وايد بس خياطها زين ومرتب ما تأذيت و بالولادة نفس باجي الدكاتره تطل عليج شوي و تروح وتيي حزة طلعة الياهل
ايه انا حسيت صح ببرودها امس كنت انا اول حالة تشوفها وكانت توها مداومه
وما تكلمت معاي وايد
بس ريحتيني انه خياطها زين ..
انا هذا اهم موضوع عندي بس سؤال حبيبتي ..
عقب ما طلع البيبي تنومج وما تحسين بالتنظيف وطلعة المشيمة والخياط والا مخليتج قاعدة ..
انا مابي احس بشي ابي انام وكل شي خالص ..
اتوقع اللي مو ابرة ظهر لازم يعطونهم شي يخدر عشان تقدر تخيط
مشكورة عالمعلومة ريحتيني عالخياط
بس سؤال …
حزة ما ينزل البيبي تنومج .. ؟ يعني حسيتي بالمشيمة والتنظيف والخياط .؟؟
والا كنتي نايمة ..
انا مابي احس بشي ابي انام واقعد وكل شي خالص ..
بالذات عقب تعب طلعة البيبي ..؟؟
اب
وايد مهم عندي موضوع الولادة والخياط
وخياطها زين ووقت الخياط نمت وماحسيت بشي والسهالات من الله
حبيبتي ريحتي بالي الله يريح بالج الحمدلله
وايد كان يهمني انه حزة الخياط اكون نايمه مالي خلق احس بشي عقب الولادة
الله يهون علينا يارب