|
|
لو سمحتوا ابي احد يفيدني الله يجزاكم خير انا مسوية عملية اطفال انابيب من قبل عند دكتورة فوزية القطان وربي ما كتبلي الحمل على ايدها والحين انا عند دكتوره ماجدة اول ما فتحت ملف اكتبتلي ثاني يوم على عملية منظار على شان تشوف بطانة الرحم وليش ما نجحت العمليه الاولى وبعدين اوصفتلي ابر اسمها سوبر فاكت ولازلت استخدمها وعندي موعد بعد اسبوع بعد ما اخلص من الدوره .
انا الحين ابي اعرف بعد ما اخلص الابر راح تسويلي العملية على طول ولا بتعطيني كورس ابر منشطه وتبدى معاي على الدوره الجايه .
المشكله ان الدكتوره شاطره بس سريعه وما تقعد دقيقه كامله على بعضها عشان الواحد يفهم ومشكله وحتى الدكاتره الي عندها بالعياده كلهم نفسها يعني الوحده تنطر 3 ساعات
واخر شي دقيقه وتطلعين مو فاهمه وضعج
سامحوني على الطواله بالحجي 
شوفي …
1- سويت المنظار علشان البطانه و علشان تشوف اشلون صاير الجدار لما تحط الاجنه
2- سوبر فاكت راح تظلين تاخذينهم لحد ما تاخذين الابره التفجيريه
3- عقب 9 ايام او 13 انا ناسيه الصراحه راح تسوين تحليل للهرمونات علشان تتأكد ان عداد الهرمونات عندج صار صفر ( راح تقولين لي ليش راح اقولج علشان اذا جسمج يفرز هرمون و هم تاخذين ابر يمكن نوعيه البويضات راح تصير مو زينه)
4- تنزل عليج الدوره و تبلشين الابر التنشيطيه و انتي عارفه الطريقه 
و ان شاء الله تبشرينا بحمالج يا رب و يرزقج الذريه الصالحه يا رب و اي شيء انا حاضر
بل عكس لو تسالينها اي سؤال اتجاوبج….الله يكتبلج االحمل السليم عندهاااا
ويارب تكون سبب في حملج من بعد الله سبحانه
.gif "Eh S(7)")
و سئليها اهيا تجاوبج
|
المشاركة الأصلية كتبت بواسطة M E M A
 الله يجزاكم خير تخيلوا وصلت لدرجة اني كنت بهون ما راح اكمل عندها لاني كل ما اروح موعد احس من عجلتهم انسى شنو كنت ابي اسال ولما اطلع اتضايق اني ما سالت لان طريقة بداية العلاج غير من دكتوره لدكتوره بس والله ارتحت من كلامكم الله يرزقني وياكم يارب
|
نفسج عليهم رجة وسرعة مو طبيعية ياخذونج بشراع وميدااااااااف وصج شغلها حلوووووو بس مدري شالسالفة
انا سويت عندها و ما شاالله ضبط
اهي جذي وايد سريعه بس اذا تبين دشي
عند شرين وايد زينه
والحمدالله انا اللحين بالتاسع
اشوى على بالي انا بس الي احس بهالاحساس
اختي الروح تهواك الله يتمم عليج يارب ويرزقج وتشوفين عيالج بين ايدينج
اختي eng.q8 مشكوره ياعمري والله يسمع منج ويرزقنا كلنا ان شاء الله"
بس انا الحين قاعده استخدم الابر (السوبر فاكت)وجتني الدوره وطهرت باليوم الخامس واليوم السابع رجعت الدوره مثل اول يوم مادري ليش
بس اختيEmanova قلتيلي ان بعد 13 يوم تسوين تحليل انا سويته بس المشكله قالت لي استمري على السوبر فاكت ما عطتني منشطات كلش انا الي فهمته منج ان اول ما تجيج الدوره تعطيج ابر منشطه ادري انا عله بس استحمليني
أصلا كل الدكاترة يطولون أنتي حجزي بسرعة بس شتسوييين كل الدكاترة الشطار زحمة والله يعينا وعينج أنا بولدي حطييت فلوسي وأعصابي بالثلاجة وتكلت على الله وونطر بالساعة والثلاث والخمس بعد لازم هي طق مطاقق عليها بعض المرات أحط موعد وأروح أتمشى الجمعية السوق متى ما ييه دوري دقوا علي والله يوفقج ووفقنا يا الله ياكريم ترزقنا
والحمدلله رب العالمين