|
|
السلام عليكم بنات شلونكم عساكم بالف خير ..
طبعا انا من المراجعين الممتازين عند د. فوزية القطان وانتقادي لها لأجل المصلحة العامة ..
في شهر 7 اللي طاف سويت حقن مجهري عند د. فوزية بس الله ما كتب والحمد لله على كل حال 
انا طول الفترة كان انطباعي ممتاز عن د. فوزية من حيث التعامل والتفهم وان إهيا حريصة على معرفة كل ما هو جديد في المجال .. اللي صدمني التالي :
1. لما سولتي سونار ، ايدها كانت وااايد ثقيلة ..
2. في عملية الترجيع كانت واااايد مستعجلة وكأن احد يركظ وراها ..
3. طبعا بسبب الاستعجال وايد تعورت وحسيت بكل شي كانت تسوي وانزعجت جدا ..
4. بعد ما اخلصت راحت وما في احد أسأله عن أي شيء لأن الممرضات حق المستشفى وما عندهم فكرة ..
5. طبعا المثانة كانت متروسة – مكرمين – ومحد يعرف إذا اقدر أروح الحمام ولا لا .. وطبعا مت من البجي بسبب ضغط المثانة ..
6. كنت آخذ Medrol وانا ما ادري انه وايد قوي واخذته على معده خالية ورجعت ترجيع قوي بعد العملية بيومين لأن ما يصير آخذ الدواء بدون أكل .. طبعا ما في أحد يابلي الطاري ..
7. بعد ما سويت التحليل وطلع ما في حمل .. ما كلفت نفسها تتصل أو تقابلي علشان تشرحلي الأسباب او على الأقل تاخذ بخاطري .. كأن السالفة خذينه فلوسج الله وياج!!
8. كان عندي مراجعة بسبب تأخر الدورة وشفت د. سهى وسألتها عن تحليل الكروموسومات إذا مطلوب علشان نعرف يمكن يكون اهو السبب ، قالتلي انا راح اراجع الموضوع وأعطيج خبر! وسألتها عن تقنية لصق الأجنة أو تقب الأجنة بالليزر اللي يسوونها في بعض المستشفيات عندنا ، بعد ما عندهم فكرة انها موجودة بالكويت او لا.
الله يشهد انا مو ضد الدكتورة ، ولكن كل انسان في موقعها ومسؤول ويقبض ارجه كامل كان المفروض يسوي شغله عدل بشكل كامل ويرضي الله والمريض اللي سلم نفسه لها ولا حول ولا قوة له ..
حبيت اشاركم بتجربتي وان شاء الله اللي عندهم عمليات معاها يكون حظهم أوفر
بالتوفيق للجميع
ويرزقنااا اجمعين
والله هديت كل شي و قلت مابي اتعالج و قعد استغفر عالاقل باليوم الف مره والله اني كل الوقت وانا قاعده كنت استغفر وانا اطالع تلفزيون وانا اشتغل و انا اسوي اي شي والنتيجه والله والله والله ما طاف الشهر الا طلعت حامل وانا مو مسويا اي علاج مع العلم اني الشهر اللي كنت ما اتعالج في كان ما يصير عندي تبوييض وريلي كان عنده ضعف شديد و قالولي ماكو امل تحملين طبيعي بس سبحانه ربج يقول كن فيكون
|
المشاركة الأصلية كتبت بواسطة rain drops
 الاستغفار اختي والله انا عقب ما ياست و عقب ما ماخليت شي ما سويته ولا دكتور ما رحتله ومن غير فايده خلال 4 سنين علاج
والله هديت كل شي و قلت مابي اتعالج و قعد استغفر عالاقل باليوم الف مره والله اني كل الوقت وانا قاعده كنت استغفر وانا اطالع تلفزيون وانا اشتغل و انا اسوي اي شي والنتيجه والله والله والله ما طاف الشهر الا طلعت حامل وانا مو مسويا اي علاج مع العلم اني الشهر اللي كنت ما اتعالج في كان ما يصير عندي تبوييض وريلي كان عنده ضعف شديد و قالولي ماكو امل تحملين طبيعي بس سبحانه ربج يقول كن فيكون |
آنا معاها .. وفعلا كل شي بيد الله .. واختي عوضج على الله .. وربي يرزقج ولا يضيع تعبج
والله هذه الردود تزيح الهم .. الله يعطيكم الف عافية
همهم جيوبنه وبس عسى الله يرزقج يارب من غير عمليات ويفرح قلبج
من النجاح الي فيهم وصاروا مشهورين
صاروا يطقون بالعالي ومادييييين
حيييييييييييييييييييل
شنسوي لو المستشفيات الحكومه يسووون شغلنا بسرعه ما انروح خاص
والله لو المستشفيات يسون لنا نص التكلفه الخاص انا عندي احسن من الخاص
واحسن ما ينطروووونه واااااايد
ربي لك الحمد على الي احنا فيه لا اعتراض على أمرك
ولا يحرمج ولا يضيع لج تعب
.gif "Eh S(1)")
وثاني شي اذا النيجه سلبيه ماكو حمل ماله شغل فيج كن شي لم يكن والنفسيه معروف انها نص العلاج لازم تكلم وتواسي الواحد انا سويت مرتين حقن مجهري عندها الاولي ولله الحمد نجحت وحملت و2 ماحملت بس صايره بلاعة البيزه غاااااليه…
والله يرزقنا وياج يااااااااااارب
1- الدكتورة وايد سريعة بس انا ما اخليها اسألها كل شي بخاطري و اهي تجاوب برحابة صدر يعني اللي ما تسأل
تعطيها الزبدة بس.
2- الدكتورة ايدها خفيفة و احلا شي انها سريعة بالسونار اتعرف اللي تبيه بدقيقة . ( انا مجربة وايد وايد دكاترة وعرفت الفرق
بخفة الايد).
3-الاسعار انا معاج نار و شرار اقول يمكن لانه عندها جيش من الدكاترة و السسترات و الموظفين .
4-عندها الدكتورات مو نفس مستوى خبرتها.
5- كلما اروح موعدي ما القاها موجودة دايما عندها عمليات يعني ما كو تنسيق و الدخول عندها احسه بمعجزة.
6- زحمة عندها قاتلة مرة رحت 11 ما طلعت الا 2 و الله ظهري انكسر.
و ثقب البويضة عندهم انا سألت الدكتورة عنه قالتلي انسويه وما ناخذ فلوس عليه يعني مجاني