د. جميلة عبد السلام

مرحبا بنات

تدرون بنات إذا الدكتورة تسوي تلقيح صناعي و تنظيفات بعد الإجهاض؟
عندي رفيجتي حييييل تعبانة و زوجها خلاها و أهلها مو شادين لها راس الله يجعل من أمورها يسرى و شكرا

مافهمت شلي تبينه تبين دكتوره تسوي تلقيح صناعي؟؟ وتنضيفات بعد اجهاض؟؟

هم آنا مافهمت ماحددتي اللي تبينه
بس الله يكون بعون رفيجتج ويحنن قلب ريلها عليها
لاتنطر اهتمام من احد خل اهي تهتم بروحها
والله يسهل امورها وييسرها ويرزقها يارب

الله يجزيكم كل خير حبيباتي على ردودكم و عفوا نسيت أنقل إسم الدكتورة مثل ما ذكرته بالعنوان. هي كانت عند دكتورة جميلة محمد عبد السلام و مترددة تروح لها إذا ما كانت راح تعالجها. أنا اتصلت فيهم بس بصراحة ما فهمت من موظفة الإستقبال كلامها و صوتها ما كانوا واضحين و سدته بويهي. كلمتها عربي .. كلمتها إنجليزي ماكو فايدة الظاهر راح أسجل لغة أوردو هالصيف يمكن يحسنون معاملتنا تالي.

انا ارجع عندها دكتوره ممتازه ماشالله
بس ماحصل معي شي من اللي ذكرتيه
عشان كذا حاولي اتصلي مره ثانيه ولومااستفدت
روحيلها العياده وادخلي استشاره واسأليها
بتفيدك اكيد وموفقه

لا تتصلين ماراح تفهمين عليها او تفهم عليج

روحي لها احسن مع رفيجتج. وتراها اتهبل
انا بحملي هذا اراجع عندها الى الخامس وبالسادس رحت لدكتورة ثانيه لانها ما تولد

الله يشااااافي رفيجتج

انا بعد كنت اراجع عندها تهبل الدكتوره ، و اذا ما كانت موجوده دكتوره يسرى بعد تهبل
بس المشكله انها ما تولد بس تريحج نفسيا

الله يكون بعون رفيجتج