د.جمال الدين الافغاني

مرحبا بنات,,,
حبيت اسأل منو فيكم ولدت عند د.جمال الافغاني اللي بالمواساة؟؟؟؟؟؟؟؟
واهم شي يكون على راسج من تدخلين غرفة الولاده ولا بس ايي حزة طلعت راس البيبي

مع العلم ان معاي ارتفاع بضغط الدم فلازم يكون موجود معاي الدكتور امااانه اللي مجربته لاتبخل علي
تسلمون حبايبي

انا جربته

لا مايكون معاج الا حزة طلعه الراس ولازم تكونين مراجعه عنده من فتره مو قبل الولاده بايام
اهو ممتاز بس وايد مشغول
ومناحيه الضغط اتوقع لازم يبلغون دكتور ثاني
والمواساة مستشفى ممتاز من ناحيه رعايتهم ولاتخافين السسترات بيكونون ماعج واهتمامه حلو ووتمسح على راسج وتهديج بصراحه ماشفت مثل سسترات المواساة

مشكووووره ياقلبي انا قلت الحين براجع عنده انا باخر السابع لان على عيالي كنت اراجع طول الفتره عنده واخر شي يحولوني الولاده(الصباح) يعني ماستفدت شي, بس سمعت الحين تغير الوضع قاموا يولدون اللي فيهم ضغط عندهم بالمواساة
والله اني احترت

اهوا دكتور شاطر وممتاز

بس اذا قالج حالتج ماتسمع تولدين بخاص سمعي كلامه ولاتصيرين مثل اخت رفيجتي اصرت تولد بخاص وهو رفض يولهدها وقال لها شوفي احد غيري يولدج وولدت بخاص وتعبت وصار معاها نزيف وحولوها الصباح

ماتسوى عليها هذا العناد

شوفي وين ينصحونج واستخيري وتوكلى على الله

خل اراجع عنده الحين وشوف شنو يقولي ومشكوووره حبوبه,,,البنات اللي ولدوا عنده وينكم معقوله ولا وحده

انا من رايي إختي اذا معاج ارتفاع ضغط الدم روحي الولادة (الصباح) أفضل من هالناحية من الخاص لانهم خبرة أكثر ومستشفى معروف حق الحالات الصعبة والحرجة أنا ولدت عندهم وكان ضغطي مرتفع والحمدلله السستر ما خلتني ولا ثانية وخذوا علي تحاليل والضغط كل دقيقة يقيسونه وحتى الدكاترة كل شوي يمر علي دكتور او دكتورة ،واولا واخيرا التساهيل من رب العالمين عسى الله يسهل عليج ولادتج وعلى جميع الحوامل وعسى الله يسخر لج عباده من دكاترة وسسترات ان شاء الله ويهون عليج وتقومين بالسلامة

اذا حاله خاصه صدقيني بيهتمون فيج

بس لازم تراجعين عندهم علشان يكون يعرفون حالتج

مشكووووووووووره حبوبتي على هالكلام الله يطمن قلبج مثل ماطمنتيني

ادري ياقلبي لازم اراجع وهذا اللي مالي خلقه من زحمتهم وماكو نظافه والله شي يلوع الجبددددددد
مشكورين عالتواصل

شوفي اختي من ناحية النظافة وانا والله مجربه الصباح بصراحه ما شفت منهم شيء يلوع الجبد ولا شيء فيه وصاخة بس احنا مشكلتنا تهمنا المظاهر لان الصباح قديم من ناحية البنيان فنقول عنه وصخ اما المستشفيات الخاصه لانها جديده نقول عنها نظيفة وهذا مو شرط ،بصراحه من ناحية اهتمامهم بالحامل والوالده حلوة وشغلهم كله نظيف ،ويبقى كلامي في النهاية وجهة نظر لا اكثر ولا اقل عسى الله يهون عليج وعلى كل حاااااااامل يااااااارب

دكتور جمل فناااااااااااااااااااااااااااااااان انا توني والده عنده اول بيبي وامي هم والده اخواني الاثنين عنده وايد زين ويعاملج جنج بنته وانا ولدت باول التاسع والسبه ارتفاع الضغط

حبيبتي الله يهون عليج ويسر ولادتج روحي وراجعي عنده يمكن هل ولاده تكون غير وربي يسر امرج
وسمعي الكلام اللي فيه مصلحتج ادعولي ربي يرزقني بالذريه الصالحه السليمه ويسر امري آمين