°●.» ديوانـية الأبـلات «.●° للسوالف والفضفضة اليومية عن حياتنا المدرسية

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته..

=====

بعد ما تم إغلاق حزب المعلمات لأنه لم يعد يفيد، قلت أفتح هالموضوع وهو " ديوانية الأبلات"
للفضفضة والسوالف وعرض المشاكل والأمور الي تتعرض لها كل معلمة داخل مدرستها + بالإضافة حق أي مساعدة لأي أبلة احنا حاضرين..

=====

هالموضوع راح يكون بفضلكم له شأن كبير بتواصل المعلمات من جميع المواد العلمية والأدبية، وماراح يكون فيه شروط، سوى شرط واحد وهو إنج لازم تكونين معلمة وتدرسين طالبات أو طلبة علشات تكونين من عضوات الديوانية..

=====

أتمنى تكون الديوانية عامرة بردودكم وفضفضتكم والي يضايقكم وأنا فعلاً متأملة خير في هالموضوع..

=====

يا ميري هاتي القهوة والحلو..

المعلمات على وصول..

هذي الديوانية برعاية:

و

و

=====

الديوانية مبخرة بأحلى البخور والعطور ومليانة أكل وبلع..

وهي مفتوحة 24 ساعة 7 أيام بالأسبوع

وأنا كل يوم فيها..

الي متضايقة وحابة تفضفض وتتكلم

الي عندها بشارة وسالفة وموقف

حياها..

انطلقوا يا معلمات.. GOOO

جمعة مباركة يا معلمات..
شلون الوكيند وياكم؟

====

وناسة قربت عطلة الأعياد والحلو انه أسبوع راحة..
وعارفين بعد طلبة الكويت يغيبون قبلها بجم يوم هههه

حبيتي منول يصراحه كنت من المتابعين بالحزب الخامس وكل مواضيعك بصراحه اتمنا لك التوفيق
ولجميع المعلمات كنت اتمنا اشارك بس لاسف مو موظفه اتمنا لكم التوفيق
بصراحه فقدنا بالحزب الخامس كويتيه عسل اتمنا تكون بخير كنت اتابعها بالحزب الرابع
وتوتي فروتي

انا معلمة بس مو بالكويت اشتغل بقطر يصير اكون معكم

أريج: حبيبتي والله أشكرلج تواصلج.. كويتية عسل موجودة وتشارك بس اهي بروحها عارة وماتدخل الحزب بدون سبب يذكر، أما توتي فروتي اي والله لها وحشة وايد بنات اختفوا للأسف..

فتاة الابتسامة: حياج الله والمكان مكانج.. وحلو ان نتشارك الهموم والفضفضة من دولة لي دولة.. فديت اهالي قطر والله..

اشلونكم عساكم بخير

يمعة مباركةة

مشكورة منوووولة على افتتاح هالديوانيه

حبيت افضفض على سالفة التقييم

طبعا انا مدرسة تعيين يديد صار لها الحين شهرين الا ربع لووووول

المهم كل اسبوعين المدرسه الاولى تقييمني داخل الصف او تشوف دفتر الاعداد

وتوريني التقرير

المهم دايما بالصف تحط لي بجدول التقييم جيد جدا والمشكله تمدحني جدام الابلات

وبالتقييم بخانه اعداد دفتر التحضير دايما تحط لي جيد!!

وما تقول لي ليش!!!

ودشت علي الموجهه وشافت دفتر الاعداد وايد عجبها وحتى شرحي داخل الفصل عجبها

بس ما ادري ليش المدرسه الاولى تحط لي جذي!

أنأ مشروع معلمه انجليزي السنه الجايه على خير بنزل ادررررس لووول
واكيد لي طله ع الموضوع
موفقين~~

السلام عليكم و رحمة الله و بركاته
انا بتعين إن شاء الله الاسبوع الجاي دعواتكم يعينوني علوووووووووووووم
ياعلها ديوانيتن عامره بمدرساتها ههههههههه

هاي بنات انشالله بنظم لكم قريبا…بنات رايكم لو قدمت عالديوان شهر 11 يوظفوني على طول …انا انجليزي ابتدائي .

موفقين

يبيلي وقت على ما أتأقلم على التدريس!
وانسجم مع الإدارة والطالبات ..
أشعر باكتئاب =(

كويت باينغ: ميخالف حبيبتي خل ينتهي الكورس الاول.. وبعدها من يبدا الكورس الثاني وخلاص راح تحسين كل شي سهل ان شالله ولا يهمج..

انجل ستور: أجمعين حبيبتي وحياج الله

استراليا غيرل: دامج انجليزي أكيد على طول حتى بعد بدون مقابلة لان عندهم نقص موفقة يااارب

المها: موفقة يارب والله يسهل عليج أمورج وتصيرين أحسن مدرسة علوم وما تقطعينا..

ريحانة المدينة: الله يوفقج يارب وحياج الله بينا.. تفيدين وتستفدين

وحدة من الناس: عادي دايما يسوون جذي، أنا لو منج ما اسألها خلي علاقتنا سمن على عسل. خوفج تسألينها بعدين تقوولج مليون شي وتطلع العذاريب فيها.. موفقة يارب..

مسا الخير..
واي رقبتي حايشها شد عظلي
اليوم رحت الطبيب وعطوني حبوب وغزيت ابرة
وااي ماحب جذي..

ومسا الخير على جميع البنات

ما تشوفين شر , ديري بالج لا تعبين نفسج ولا تحركينها وحطي كمادات دافية بترتاحين

الجو هالويكند عجيب , وطلعت طلعة عجيبة

انا احب المشي رحت امس الممشى اللي بالمركز العلمي صج زحمة بس البحر والهوا والجو يهبل

اول مرة استانس بويكند اول ما داومت … الحمدلله

Q8Buying , انتي تدرسين حاسوب مثلي , عادي حبيبتي احنا مادتنا وتدرسيها بسببون احباط بس بعدين تتأقلمين مع الوضع المهم انتي حطي ببالج ان الشغل اللي تسوينه تاخذين علي اجر من الله سبحانه .