ديروا بالكم من هالدكتور يابنات تكفون!!!!

بنات خذيت موعد عند دكتور عادل قطينه بقول لكم بالتفصيل اللي صار معاي ولما دخلت عليه قلتله ابي عملية شفط لأردافي قالي بشوف وقلتله الكميه اللي ابي اشفطها والحجم اللي ابيه قال اوكي والمشكلة انه مايقول ولا شي بس انا اللي اسأل بس يعني مايبي يشرح شلون راح تكون العمليه سألته العملية بالليزر؟ قالي اي ،،،، وقلت له ابيبنج موضعي لأنه اقل خطورة من البنج العام قالي اوكي،، ،،، المهم العمليه قالي راح تكون بمستشفى المواساة الساعة 9 الصبح توكلت على الله ورحت دخلوني غرفة خاصه وحطولي مغذي وحطولي مضاد حيوي بالوريد عشان التورم دشيت غرفة العمليات وصل الدكتور خطط المنطقه اللي بيشفطها بعدها خلوني انام على بطني على سرير العمليات وبعدها قعدت لقيت نفسي بالملاحظه اصارخ من قمة راسي من الالم تكفون بنج مسكن اي شي وعطوني مسكن ونمت مرة ثانيه ولما قعدت حسيت بتحسن ،،،،، بس العملية للأسف مو على اللي اتفقنا عليه الشفط كان شي بسيط مو اللي كنت ابيه ولا حسيت بتغير ملحوظ بالمنطقه تضايقت حييييل وسألتهم وين الدكتور قالو راح من زمان زين ليش سويتو لي بنج عام قالو لي الدكتور اللي طالب انه يكون بنج عام وشكيت بالموضوع وسألت عن جهاز الشفط قالو لي جهاز شفط عادي مو ليزر واساسا ماعندنا جهاز شفط بالليزر بالمستشفى !!!!!!

شلون الحين والحل ؟؟؟؟!!!!!
رحت بعد اسبوع للدكتور عشان اشيل الغرز وسألته ليش نتيجة العملية مو على اللي اتفقنا عليه قال تو الناس ،،،،، سألته ليش سويت لي بنج عام قالي انتي ماتحملتي الالم حدة جذاب انا ما اذكر شي من حطوني على السرير
زين دكتور شلون تقولي شفط بالليزر وانت مسوي لي شفط عادي قال لما سويت العملية شفت انه مايحتاج ليزر !!!!
تكفون بنات ديرو بالكم منه
وبعد العمليه شهر ورا شهر النتيجه كلش جني ماسويت شي
حسبي الله ونعم الكيل*

لا تسكتين ارفعي عليه قضية

النصاب المدعو عادل قطينة معروف انه نصاب ودجال وحرامي وشاري شهادته. انتي لو كنتي داشه المنتدى قبل لا تسوين العملية جان عرفتي منو هذا.
انشالله درس لباجي البنات والله يعوضج خير

الله يعوضج انشالله

الله يعوض عليج يارب

انا ماعرفه بس وايد قريت بنات بالمنتدى يذمونه
الحمدلله على سلامتج

وايد تسرعتي هذا قرار صعب يبيله تفكير ويبيله تكلمين اكثر من دكتور
اتمنى تكونين تعلمتي من هالتجربه
الله يعوضج خير يارب والحمدلله يت على جذي ولا على شي اكبر اسمالله عليج

مشكورين بنات بس والله لما الحين ميته من الحرة والقهر على المعاناة والالم اللي مريت فيهم والفلوس اللي خذاهم مني ياعله مايتهنا فيهم

مالج الا الرجيم والرياضه
عمملية الشفط خطره ياما ناس وممثلات ماتوا بسبة عمليات الشفط عند دكاتره احسن من اللي رحتي له
حمدلله على سلامتج اهم شي

الحمدالله على سلامتج , والله يعوضج انشالله , انه نفسج سويت شفط للأرداف عند النصاب عبدالناصر خلاف وانه فخوذي كبار وايد وخصري صغير قالي بسويهم لج سليم وضعاف وراح ارفعلج المؤخره وراح وراح , والحين بكمل السنه ولا شي بين علي , والألم لي يومج بفخوذي , بالعكس صار فيهم خفسات تلوع الجبد , ولما رحتله قالي انتي بتاكلي كتير فسمنتي , تخيلي مالج الا انج يا تروحين تسويله سالفه و تخلينا يعدلهم أو تسكتين وتتحسبين عليهم هالنصابين الي حسبالهم فلوسنا يايبينهم من الشارع

الشفط بالليزر جدا بسيط وماكو الم بعد العمليه وخلال العمليه المريض يكون صاحي ويسولف عادي وماكو اي خطوره على المريض ممكن تشوفينها على اليوتيوب
لكن الخطورة لما يكون البنج عام والمريض مو بوعيه وينقطع الاوكسجين هنيه المشكله وجهاز الشفط النوع العادي ،،،، لكن المشكله الدكاترة هني نصابين بس يبون فلوس
ومشكورة حبيبتي على الرد

حسبي الله عليهم الله لا يوفقه ولا يربحه

لا تسوي عنده اي شئ لكن اخذي تعويض منه
المصيبه ان الحراميه محرصين على عمرهم

عسى ربي يعوضج وحمدالله على سلامتج

انا كلش ما اثق بالدكتاره العرب مع احتراميً للكل احسهم نصابين وبس يبون فلوس

لما كنت بسوي عمليه الشد والشفط ورفع المؤخره رحت لهم كلهم استشاره و ما ارتحت حق ولا واحد فيهم

وبالذات لما كنت اطلب اشوف الفينشينغ حق عمليات اهم مسوينها و محتفظين بصور الحالات قبل وبعد هني كنت انحاش

لين الله وفقني وطحت على دكتوري والحمدلله العمليه من اروع ما يكوون وصارلي مسويتها من 2024 وللحين النتيجه مثل ما اهي ما تغير شي صج اني سويت تكميم والسبب اني متنت والمتن كله تركز بالفخوذ والزنود بس الحين عقب ما ضعفت ديت مثل اول واحسن فديروا بالكم مو اي دكتور تسمعوون عنه مدح تروحون تركضون له دوروا عدل وروحوا حق اكثر من واحد عشان تتجنبون هالمشاكل

الله يعوضج حبيبتي

عادل قطينة معروف انه نصاب ودجال وحرامي وشاري شهادته

الله يعينج حبيبتي