دورة للمعلمين الجدد

[

]

مبروك عليج الوظيفة ..

أما عن الدورة أنا قريت إنها في تاريخ 25 أغسطس الشهر الياي .. و أعتقد كل منطقة تعليمية تحدد مدرسة لمعلمينها الجدد .. بس شنو هي المدارس و وينها That i don’t know اسمحيلي .. و إن شاء الله أكون ساعدتج بشيء

موفقة

أبلة مس

الله يبارك فيج حبيبتي ماقصرتي على المعلومة … وانتي بعد مبروك عليج الانضمام للمنتدى وحياج الله

السلام عليكم مبرررررررررررررررروك حبيبتي على الوظيفة. اشلون عرفتي موعد الدورة أو ان في دورة ؟ راجعتي الوزارة؟؟
لأن اختي مدرسة جديدة ومو عارفين شتسوي.

قالو النا ان الدورة الجديدة بتاريخ 24 -8 انا معلمة جديدة

قالو النا ان الدورة الجديدة بتاريخ 24 -8 انا معلمة جديدة

اهلين حبوبات

شلون عرفتي انج انقبلتي بالديوان؟؟

انا مخلصه الجامعه شهر6وقاعده انطر الديوان ينزل اسمي وعقبها اشوف دوره المعلمين الجدد

فهموني بنات عفيه ..انطر الديوان والا اروح لوزارة التربيه اشوف شالسالفه؟؟

بعد عمري والله كويتيات ماقصرتو طمنتوني لان بسافر والرده 28 -8 قالولي رفيجاتي عادي لوتلحقين على يومين مافي مشكله .. وكالة يقولون ههههههههه
بس هي جم مدتها ووين ماقلتولي
بالنسبه لاستفسار ام السنع والاخت الكادي
أنا قدمت على الديوان اتصلت على رقمهم وسجلت بالكمبيوتر اتوماتيكي بس دخلت الرقم المدني وعرفو منو انا وشنو شهادتي وضغطت على الاوامر هذا بعد ماقريت بالجريدة ومن موقع الديوان عن فتح التسجيل ووبتاريخ 29-5 طلع اسمي بالجريدة ومكتوب اراجع الوزارة وفعلا رحت الوزارة ثاني يوم من الفرحة وبهشمس قالولي ليش جايه الوزارة روحي لمنطقتج التعليمية ورحت المنطقة التعليمية قالولي مو الحين التسجيل تعالي 20 -7 وشمشمت اخبار ان البنات سجلو من اول 7 قلت ليش انطرهم دقيت عليهم قالولي ليش ما جيتي التسجيل مفتوح تعالي باجر وقشيت اوراقي اللي بالجرار والصور ورحت فتحولي ملف وسويت التحاليل المطلوبه طبعا عطوني ورقه وقالولي سوي فحص طبي وعقب ما خلصت قالولي تعالي 15 -8 قلت يصادف جمعه عطوني كلام مضبووووط قالو هاه نسال رئيس القسم .. عقب قالو تعالي 24-8 عقب مارحت البيت دقو على البيت قالو لا ختيي 1-8 والله قلبوا راسي وكل مااسالهم عن شي قالوا ماندري تعالي اول 8 ونعطيج مباشرة العمل وتعرفين كل شي .. شنو سر هههههههههه
الله يستر ويقطوني مدرسة زينه
واذا في اي استفسار انا حاضرة
نسيت اقولكم اني سجلت حق رفيجتي بالنت دخلت موقع الديوان ودخلت رقمها المدني وسجلتها

Srm

مبروك الوظيفه مقدما بس سؤالي لك …؟؟

اول خطوه اسجل عن طريق الديوان بالنت او التلفون بأي وقت عادي لاني احترت وبديت افقد اعصابي كل ماأسأل احد يقولون نص 8 يفتح الديوان …….؟؟

شنو الاوراق المطلوبه للتسجيل ووين افتح ملف …؟؟

ونقدر ناخذ اسم المدرسه ومباشره عمل قبل بداية الدوامات …؟؟

ياليت توافينا بالتقصيل الممل .. لاني ضايعه بالطوشه ولاني محصله اجابات كافيه ..

والله يعينج على اسئلتي ………

بــــــــــــــــــــــــانـــتـــــــــــظـــــــ ـــــااااااااااااااااااااااااااااااااااااااااااااا اااااااارك

هلا وغلا مشكورة حبيبتي وعقبالج يارب واسفه على التاخير بالرد شسوي دورة ICDLقالبة راسي قاعدة ادرس لها بفتك قبل الدوامات إن شاء الله
بالنسبة لاسألتج أنا بجاوب عليج بالتفصيل خطوة خطوة بعد التخرج تسويت التالي
1-الدخول على موقع ديوان الخدمة المدنيةhttps://www.csc.net.kw /
ثم الخول على القوى العاملة الوطنية وباخر الصفحة تضغطين على فترات التسجيل لعام 2024 حتى تعرفين متى تسجلين
2-عندما يحين موعد تسجيلك لك خياران أما تسجلين عن طريق الانترنت من موقع الديوان وتسجلين بياناتك أو عن طريق التلفون تتصلين على828888 هذا الرد الالي وتتبعين التعليمات واذا حابه تتأكدين انك سجلتي فعلاً أدخلي على موقع الديوان ودخلي بياناتك ويظهر لك أنك فعلا مرشحة للتوظيف
3_ انتظري أن تظهر أسماء المرشحين للعمل بوزارة التربيه وأذا كان اسمك معهم
4- أستيقظي صباحاً وذهبي الى منطقتك التعليمية التي تتبعين لها وخّي معك كل صور أوراقك الرسمية وهي الميلادية_الجنسية_عقد الزواج (للمتزوجة)_وأعتقد ميلادية الابناء أو بطايقهم المدنيه انتي اخذي الاثنين_3صور شخصية وكل اللي ذكرته أخذي 3 نسخ + شهاداتك الي أستلمتيهم من كليتك اللي طبق الاصل وبهذا يفتحولك ملف ويعطونك ورقة للفحص الطبي ويقولولك وين تروحين
5- بعد أن تنتهي الفحوص الطبية تسلمين الفحص للمنطقة التعليمية ويقولون لك المدرسة اللي تعينتي فيها
6_ تحضرين دورة تدريبية للمعلمين الجدد
بس صراحة ماأعرفر فيها شي لاني سلمت الفحص وقالولي راجعينا 1-8 ويصادف جمعة بس ما ادري متى يقولون لي على المدرسة وهل يخيروني بالمدارس الله العالم
أتمنى أني اكون فدتج وفيت كل اسالتج وشرايج باللغة العربية (يعني أبله) وحياج الله بأي سؤال

نسيت بعد أخذي البطاقة المدنية الاصلية و3 صور منها

عزيزتي انتي متى متخرجه ومتى سجلتي بالديوان بالضبط ؟؟؟؟؟

وموفقه …..

إذا انتي خريجة كلية التربية الاساسية بس يفتح الديوان سجلي اسمج اسبوعين ثلاث طالع أسمج بالنسبة لي سجلت باول شهر 5 ونقبلت 29-5 بالضبط …أنا خريجة كورس أول ولاسباب شخصية ما قدمت شهر 2 مع زميلاتي وفتح الديوان الفترة الثانية وسجلت

بناتي زينة حياتي" انا نفس حالتج بالضبط مليت واحس ضايعه بالطوشه كل يوم اسمع سالفه غير وخايفه يطوفني شي الاكيد ان التسجيل نص 8 هذا الشي الوحيد المتاكده منه بسسسسسسسسسسسسسسسسسس وبالتوفيق للجميع

ياااااااااااااااا بنات
ياااااااااااااااا كويتيات
بليز شنو هالدورة اللي لازم ناخذها انا خريجة تربية اساسية يعني لازم اخذها بعد ؟
المشكلة بسافر عقب اسبوعين وماسمعت عنها الا عندكم وبرجع 2/9 ساعدوني تكفون قولولي كل اللي تعرفونه عن هالدورة عشان اكنسل السفرو ولا اتصرف
لا تخلووووووووووووووووووني