{ دورة تحفيظ القرآن بالتطبيقي }

السلام عليكم

~

up

أفــــــــــــــــا ولا وحده تعرف

up

شدعوه بنآآآت

ليش جذيه

up

حرآم عليكم ردو

شحقه جذيه

حتى موقع التطبيقي مو حآطين شي

سآآعدوني يالنحيسين

شكراً يا قلبي

الكورس الاول حفظ جزئين الاخيرين
مادة الحفظ ثلاث ايام بالاسبوع تسميع كل مرة صفحتين
والتلاوة ثلاث ايام بالاسبوع
والتجويد مرتين بالاسبوع
وباقي المواد مواد شرعيه والدكاترة اللي يدرسون هم دكاترة التربية الاساسيه
ومافيه لا انجليزي ولا رياضيات
طبعا التجويد من الصفر ومعلمات متميزات متقنات
وبالنسبه للحفظ تبدؤن من آخر المصحف
الكورس الاول والثاني جزئين
والباقي ثلاث اجزاء
طبعا اذا خلصتوا الكورسين الاولين تاخذين ميداني
واذا خلصتي الثالث والرابع تاخذين ميداني ثاني
وبعدين خامس كورس
وتتخرجين
طبعا الدراسة مسائي
وبالنسبة للوظيفة
المسمى الوظيفي محفظة وليس معلمة
اماكن الوظيفة بمراكز تحفيظ القرآن وليس دور القرآن
راح تدرسين بنات من عمر خمس سنوات الى عمر الجامعه
تابع وزارة الاوقاف ..شئون القرآن الكريم..حلقات البنات
وبالنسبة للراتب حالج من حال الدرجة الخامسة..وماتاخذين كادر لأنج مو معلمة
طبعا الدوام يصير العصر ومستحيل تتوظفين الصبح لأنج مو مدرسة
الدوام من اربع الى سبع ونص
بصراحة من سلبيات هالدوام:
انج تشتغلين وتكرفين مثل المدرسات وآخر شي راتبج مثل السكرتيرة اللي حاطة رجل على رجل
طبعا مافيه فراغ تدخلين الصف من قبل الاربع
والدوام عصر..تستانسين اول شي وبعدين تطفشين لأنج راح تنعكس حياتج
والدوام كله وافدات وتبكين من القهر يفضلونهم عليج
ويلزمونج تروحين محاضرات ومايعطونج شهادة
وكل قراراتهم داخليه مافيه شي من الوزارة
*******

مشكوره ما قصرتي على هالمعلومات ..

..

آب لـ عيوووونج
بس مو جنه آلموضوع قديم هه

اقتباس:

المشاركة الأصلية كتبت بواسطة عنـــ المهـا ــق , آب لـ عيوووونج بس مو جنه آلموضوع قديم هه

تسلم عيونج

بس ما يمنع أي وحده تعرف تدش وتكتب عشان يفيدون البنات