شلون تعطونه البيبي قبل الرضعه بنص ساعة الياهل يكون نايم وفجاة يصرخ يبجي من قمة راسه يبي حليب اشلون علموني ويسلم راسكم
عادي عطيه وتمشي فيه شوي وطبطبي عليه يدوخ ويرجع ينام
حبيبتي ما فهمت سؤالج
ممكن توضحين اكثر؟
مشكورة بتبوتااا حبيبتي بنتي تنومني وتنومج ولاتنام اسمله عليها مسز شوجر ابي اعرف شلون تعطون الياهل دوا الترجيع قبل الرضعه يكون نايم فجاة يقوم يبي حليبه
بسيطه واهي نايمه شوي شوي عطيها الدوا صبيه بحاجها وبعد نص ساعه قعديها عشان تشرب الحليب.
بنتج اسم الله عليها اكيد معاها نزله معويه.. ولا جان ماعطوها هالدوا..
اذا انت مو حابه الشراب عطيها تحاميل موتيليم ترا في نفس هالدوا تحاميل, انا توني معطتهم ولدي وواصفتهم لي الدكتوره.
لا مافيها نزلة معوية بس الحليب الي تشربه ترجعه نصه تقريبا من انولدت على هالحال عمرها الحين 3شهور ونص
ترا عادي لا تخترعين هذي طبيعة جسمها فتره وتتعدل, بس ليش عيل تعطينها هالدوا ترا اهو قوي وبس تستخدمينه لمدة اسبوع مو اكثر ..
والله دكتور بالصيدلية قال حق ريلي عنه قال مايأثر
حبيبتي انا كنت اعطيه لبنتي نفس حالة بنتج الله يخليها لج…
عادي ماله اي تاثير انا استمريت عليه شهرين
كنت اعطيه لها بالسرنجة نقطة نقطة وهي نايمة..ساعات تكمل نومها وساعات تقوم واذا قامت عااااااااااااااااااااد مشكلة امشي وياها على ما تخلص النص ساعة خخخخخ الشغلة يبيلها طووووووووووووووووووولة بال وان شاءالله تعدي بسرعة
الله يوفقج
مشكورة ياحياتي سن شاين
انا ولدي عمرة 6 شهور و وايد يرجع ذاك اليوم وديته حق دكتور فهد المخيزيم عشان عنده مشكله بخشمه كله مسدود و الا مسكين طلع من كثر الترجيع قام يسد خشمه ووصفلي الدوا motilium 4 مرات باليوم بس ما قالي الدكتور اعطيه قبل الوجبه و الا بعدها بس انا قبل ما يشرب او ياكل اعطيه الدوا و بعدها بخمس دقايق اوكله مافيها شي مو شرط قبل نص ساعه و ان كان نايم و وقت الدوا اخلطه مع ماي اخليه يشربه و يرد ينام و لي قعد يشرب رضعته عادي .
اللي مع بنتج هذا ارتجاع بالمريء
يعني الصمام مال المعدة مو مسكر عدل فالحليب يرجع مرة ثانية لي برة
ولدي كانت معاه هالحالة و الحمدلله من بدا يقعد بروحه راحت عنه
و الموتيليوم مو بالضرورة نص ساعة المهم قبل الحليب
و في انواع حليب تلاقينها بالجمعية مكتوب عليها AR او مضاد للأرتجاع
هذا زين لحالة بنتج
في ماركة اس 26 و نوفولاك و ميلوبا
بس اخذيلها الحلمة مالت الرضاعة ميديوم لأنه هالحليب يصير ثقيل شوي
و ما تشوف شر
يسلمو حبايبي مشكورين طمنتوني الله يطمنكم
حبيبتي لا تحاتين كل اليهال يصير فيهم اشياء هذي طبيعة جسمهم على ما يتاقلمون .
up
up
up
ظروري بنات انا بنتي اسم الله عليها عمرها الحين شهرين الله يحفظها ..
باديه ترجع يعني مو وايد وخذيتلها موتيليم مال الترجيع بس شكثر اعطيها جم مل ؟ وجم مره باليوم لاني ريلي ياب لي من الصيدليه وببلش اعطيها اياه بليز بنات لاتطنشوني
ومشكورين مقدما