دوالى الخصية

ضى الايمان

والله يا عمرى يا روعة الالوان اللى اعرفه الدوالى تاثر على الانجاب وعلى الحيوانات المنوية 000 فسمعى منى وخليه يروح حق دكتور ثانى ويستشيره ويساله اذا يسوى عملية ولا لا 000 انا اللى اعرفه لازم يسوى العملية

والله يوفقكم ان شاء الله ويرزقكم بالذرية الصالحه ويرزق كل محروم ومحرومه منهم اللهم امين يارب

حبيبتي انا زوجي كان فيه دوالي بسمن 5 سنين قبل مانتزوج وسوا عمليه والحمدلله نجحت عند مستشفى العرف وكان ياكل عسل القرقاع
والله يشفي زوجج ويرزقنا ويرزقج يارب

حبيبتي انا اقولج عن تجربة زوجي في ضعف بالحيوان المنوي ولما الدكتور شافة قالة ان في دوالي بالخصية ولازم عملية ولما سوا العملية شافو دوالي بسيط وما يستاهل لا عملية ولا غيرة بس اشعقبة

المهم قالة بعد جم شهر سوى تحليل وانشاء اللة كل شي يتعدل وسوي تحليل ما تعدل شي ولين يومنا هذا سنين مرت ما صار شي الحمد اللة بس ديرو بالكم واتاكدو قبل كل شي
ويا رب يرزقني ويرزقج ويرزق كل محرومة بالذرية الصالحة

ضى الايمان

يابنات اخذوها نصيحه من اخت لكم اخذوا راي اكثر من دكتور واكثر من شخص اذا ضاقت عليكم والله كريم

في دكاتره يقولون لازم عمليه وشيلونهم وفي بعضهم يقولون عادي ماتاثر
انا رفيج ريلي فيه دوالي يوم راح يتعالج ويبي يشيلهم قاله الدكتور ماله داعي وقاله ساعات الدوالي تزيد فرصح الحمل بتوائم وماشاء الله تبارك الرحمن حملت مرته وعنده الحين توام صبيان الله يخليهم له ويرزقج بتوام حلوين متعافين ياااااااااااااارب
بس نصيحه لا تسكتون وسالوا فيها كذا دكتور
وربي يرزقكم الذريه الصالحه يارب

هلا حبيبتي وعليكم السلام انا صارلي سنتين ونص من تزوجت اول ماتزوجت جم شهر فحصت مافيني شي قلت لزوجي يعاند مرت سنه راح عن الدكتور الصيرفي قاله فيك دوالي سواها قاله بعد 3 شهورروح عند مال الغدد مافيه شي بس بعدها سويت 2 تلقيح الثالث قالو حامل بس مافيه كيس الحمل ولا مشيمه بس تحليل الهرمون بين بعدين اجهضت وبس تركت المستشفي وايد مصاريف رحنه الصباح تحاليل وفحوصات من شهر 6 بس قالو ضعفي ونسويلج تلقيح وبالصباح عطو زوجي علاج منشطات وكلوميد انتي خل يروح حق هالدكتور على الصيرفي انشالله يقدر يفيدج ويرزقج معانه كلنه بالذريه يارب الصالحه تري العمليه بسيطه 3 فتحات صغيره بسره ويم الخواصر يمين ويسار كله وحده ياغرزتين او 3 غرز بس يشدون العرق سهله اذا بتسالين اي شي من عيوني

روعة الالوان <<<< اسم حلو وروعه على راعيته

انا زوجي فيه دوالي وكثر من دكتور نصحنا انا مانسوس العملية لانها ماراح تفيدنا بشي لانها بسرعه ترد مره ثانيه
واهي تأثر على الحمل لانها تضعف الحيوان المنوي وتققل من الحركه ومن العدد بعد ….. وعلاجها الوحيد الرقية الشرعية العسل والعسل ثم العسل <<<<<<<< جربنا الابر مانفعت وحبوب مانفعت لكن مع العسل صج في تحسن بس ضعيف ولله الحمد …

نصيحه لاتضيعين سنين عمرج وحاولي بالانابيب لاني ضيعت اول 3 سنين من زواجي بالعلاج والابر حق زوجي بس ماصار شي

موفقة خير والله يرزقكم

مشكورة حبيبتى يعطيك الف عافية بصراحة انا فكرت زوجى نسوى تلقيح الاصطناعى لان تعبت من كثر تفكير نفسيتى تعبت اللة كريم يرزق كل الانسان محروم

حبيبتي أنا رديت عليج بموضوعج الأول وهذا اقتباس لردي

فأنصحج تسوون تلقيح او انابيب وخليه ياخذ فيتامينات وعسل عسى ربي يرزقكم يارب

حبيبتي انا ريلي سواها قبل جم شهر والحمدلله زادوا عنده من بعد التحليل يا قلبي ترى الدوالي اذا ما سواها راح تقل الحيوانات عنده ولازم يسويها لانه لها تاثير عليه والله يرزقج ويرزقنا انشالله