دكتور نساء شاطر لازالة الرحم للوالدة

حبايبي..مالي غيركم
امي كل شهر يصير معاها نزيف مو طبيعي ايام دورتها..وتعبت حيل وجسمها ضعف حييل من كثر النزيف

وكل الاطباء قررو لها عملية ازالة للرحم

بس محتـــــــــــــــــــــــاره عند منو اسوي لها؟؟؟؟؟؟؟؟؟؟

واللي يعافيكم اللي تعرف وحده مسويه هالعملية تسالها عند منو وشنو مضاعفاتها؟؟

ولها مني كل خالص الدعاء بالتوفيق والصحة والعافية

عسى الله يخلي لكم امهاتكم ياااااارب

والله انا اعرف اثنين كبار بالعمر وحده شالتها بالمواساه والثانيه بالسلام بس للاسف ما اعرف اسم دكاترتهم لانهم رفيجات امي وحده مره كبيره وتعبت حيل بعدها قالوا لنا شالته بالمواساه والحمد لله اهي بخير الحين بفضل الله هالحجي قبل 3 سنين بس اعتذر منج ما اعرف اسم الدكاتره
نصيحه لا تستكين عليها تري خطر والله هل تشيله وتفتك اذا عندها عيال بفضل الله اهم شي صحتها وبشرينا عنها

الله يخليها لكم يارب
ويحفظها

والله ماعرف احد سواها بس عندج ماجد الشمرى امراض نسا واااااايد شاطر

الله ايخليهاا لكم ويحفظهاا
انا امي مسويتهاا بطيبة كلينك الحمد الله الحين صارلها سنتيين من مسويتهاا
العوار بس وقت العملية كانت كلاا اتقوول ظهري ايعورني بس ناسية منو دكتورهاا اهوو واحد بس الي ايسوي العملية هذي روحي او سألي
ايقولها راح اجوفيين انه الوحيد الي ايسوي العملية بالمنظار
وصج شاطر ماكو اثر لا عملية ولا شي كل الي مسوين سوولهم عملية وخيااط
الحمد الله على كل حاال
والله ايقومهاا بالسلامة انشالله

والله آنا الوالده سوتها قبل 8 سنين بالمواساة سوتها لها دكتوره معصومه مقصيد واعتقد كانت بالمنظار يعني ماكان فيه جرح بالبطن قالت لأنه فيها سكر وأصلا الرحم نازل وبالمره رفعت لها المثانه بعد فارتاحت وايد من عقبها وكانت العمليه داخل بس مكان أزالة الرحم مو من بره وللأمانه المواساة وايد عنايتهم زينه ماتركوها ولا دقيقه طول مدة ال5 أيام اللي ظلت عندهم!!والله يشافي والدتج ويقومها بالسلامه يارب ويخليها لكم!

[quote=النويره;12739711]والله انا اعرف اثنين كبار بالعمر وحده شالتها بالمواساه والثانيه بالسلام بس للاسف ما اعرف اسم دكاترتهم لانهم رفيجات امي وحده مره كبيره وتعبت حيل بعدها قالوا لنا شالته بالمواساه والحمد لله اهي بخير الحين بفضل الله هالحجي قبل 3 سنين بس اعتذر منج ما اعرف اسم الدكاتره
نصيحه لا تستكين عليها تري خطر والله هل تشيله وتفتك اذا عندها عيال بفضل الله اهم شي صحتها وبشرينا عنها[
/
quote]

مشكوورة ياقلبي..ماعرف احد مسوي هالعملية عشان جذي متردده واخاف عليها وااايد

قالها الدكتور محمد الجارالله انه يقدر يشيله بالمنظار..لان تخصصه جراحه

بس مادري خايفة لانه مو تخصص نسا وولاده..وقالها هالعملية كبيره واايد وراح تقعدين بالمستشفى اسبوع او عشر ايام؟؟؟

حبيبتي والله
عسى الله يخلي لج اميمتج ويحفظها من كل مكروه باذن الله

ياحلوكم يا بنات ديرتي ويا حلو قلوبكم الطيبة

عسى الله يذكرج باللشهاده..

دايما اسمع كل خير عن هالدكتور…بحجز لها من اليوم عنده
واشوف شراح يقول لها؟؟

الف شكر لج حبيبتي

حبوبه
عسي ربي يقومها لكم بالسلامه وانا ما ادري عن دكتور الجراحه بس تدرين الرحم لما ينشال سبحان الله لازم شي ينظم الجسم لانه هرمونات فانتي بالاول محتاجه استشاره دكتور او دكتوره امراض نساء لانه الرحم تري متعلق بالصدر حتي وحده اعرفها من سنين شالته بمصر تخيلي شال الرحم وخلي لها مبيض قال لها ما شلته لانه ما فيه شي ليش اشيله عشان تمارسين حياتج الزوجيه وعطاها حبوب تنظم الهرمونات عشان صدرها يعني امور صراحه انا مو متعمقه فيها فانا انصحج تروحين بالاول لامراض نساء دكتور شاطر وبعدها تقدرين تقيمين منو الافضل الجار الله او دكتور نساء والاستخاره مطلوبه ما خاب من استخار

ماجد الشمري او خالده مجيبل وماتشوف شر ان شاءالله

هلا حبيبتي ..

اي انا اقول جذي ان الرحم مرتبط بالهرمونات..ولهالسبب ترددت اني اسويلها عند الجارالله..بس مو عشان الحياة الزوجية

لا الوالد متوفي..بس هم اهي صغيرة بالعمر 46سنة واخاف يخربطون هرموناتها

دقيت الحين على عيادة الدكتور ماجد وخذيتلها موعد وبشوف شيقول لنا

اي والله بصلي استخارة وربي يسهل عليها يارب..عاد اهي حاجزة للحج هالسنة عسى الله يعطيها الصحة والعافية وتقدر تحج يارب

الف شكر لج حبيبتي..حسيت ان احد يفكر معاي ويعطيني رايه ويوجهني..خصوصا اني بنتها الوحيده بين شباب

عسى الله يحفظ لج كل غالي على قلبج يارب

انا امي شايله رحمها لانه كان عندها نزيف وصار معاها تليف وسوت العمليه بمستشفى السلام عند احمد الشاذلي وعمليتها كانت شفط من تحت مو قيصريه يعني جنها ولاده والحمدالله مافيها شي

افا عليج يا ريومه كلنا بناتها واي شي تبين بس طلبي 0 ودعواتنا لها يالله يا كريم انك تكشف ضرها وتشافيها وتوفجها بدكتور زين وتردها لبيتها سالمه غانمه

رحت اليوم للدكتور ماجد الشمري..الحمدالله حسيته واايد شاطر وفاهم

قرر لها انه يزيل اللحميات اللي قاعده تسبب النزيف مع كشط لبطانة الرحم عن طريق المنظار من تحت

يعني نفس التنظيفات..وفضل هالعملية عن الازالة

وانشالله ناوين نسويها عنده بس ليما الحين ما قررنا باي مستشفى ..يمكن دار الشفا

مشكووووووووووورين حبايبي اللي ردو وانصحوني

يا بعد عمري والله هذا العشم ببنات ديرتي..

عسى الله يديم عليكم نعمة الصحة والعافية ويخلي لكم كل غالي على قلوبكم